Skagfirðingabók - 01.01.1999, Side 158

SKAGFIRÐINGABÓK
Talið er, að til förðunar hafi í þetta sinn, eins og síðar, verið
notazt við rótarbréf, sviðinn kork og skósvertu. Þó er ekki ó-
hugsandi, að förðunarefni hafi verið fengin að, þótt ekkert verði
um það fullyrt. Víst er, að stúkan á Sauðárkróki ætlaði að verða
sér úti um „litakassa til förðunar" árið 1902. Það reyndist að
vísu stórframkvæmd og var skipuð nefnd í málið.
Ekki var auðfengið húsnæði fyrir sýningarnar. Niðri í þorp-
inu stóð aflangur skúr, sem hafði gegnt margvíslegum hlut-
verkum, verið notaður til fundarhalda, en lengst sem vöruaf-
greiðsla og vörugeymsla. Hann hlaut því nafnið Pöntunarskúr,
því að pöntunarvörur voru afgreiddar þar. Síðast var hann not-
aður sem fyrsta afgreiðsla Kaupfélags Fellshrepps, eftir að fé-
lagið kom sér fyrir í Hofsósi árið 1922.
Geymsla þessi var alllöng, rífar 30 álnir; breiddin var 15 áln-
ir. Mælt var, að sökklarnir hefðu verið úr rauðaviði, unnir úr
einu tré. Björn í Bæ, sem hér hefur verið farið í smiðju til, seg-
ir svo:
Við inngang í skúrinn var fyrst kassi eða þrep, en þaðan
stigið yfir þröskuld á annan kassa, en sfðan niður á skúr-
eða búðargólfið.
Inngangseyrir mun hafa verið tímakaup verkamanns þá eða 25
aurar. Var sá háttur reyndar lengi hafður á. Nú er í fyrnsku fall-
ið, hvernig sætaskipun var. Ef til vill hefur Kristinn smiður
slegið upp baklausum bekkjum eða eins konar setpöllum úr
borðviði. En stólar eða bekkir lágu ekki á lausu í Hofsósi þá.
Það var þá helzt eftir „gott“ strand, að völ var á ýmiss konar
hægindi. Kirkjubekkir, þar sem svo vel vildi til, að kirkja var
lögð niður, nýttust oft til þessara hluta. A Hofsósi fyrirfannst
engin kirkja og ekkert þinghús. Þinghús hreppsins var að Hofi.
Er hugsanlegt, að bekkir hafi verið fluttir þaðan. Ærin fyrir-
höfn hefur það verið eins og samgöngumálum var háttað.
156