Skagfirðingabók - 01.01.1999, Page 182

SKAGFIRÐINGABÓK
Magnús ræddi skuldamálið á fundi á Hofsósi snemma á árum
sínum þar, eins og fyrr er sagt, deildi á verzlunarstéttina fyrir
of hátt vöruverð og taldi hana halda þannig við fátækt í
hreppnum. Kaupmaður reis upp til andmæla, taldi skeytingar-
leysi og ódugnaði skuldara um að kenna. Þessi baráttumál
Magnúsar bar æ oftar á góma.
Arið 1916 keypti Magnús Hugljótsstaði á Höfðaströnd.
Hann nytjaði jörðina, en bjó sem fyrr í Hofsósi. Fimmta barn
þeirra hjóna fæddist á árinu, Karl Jóhann garðyrkjumaður
(1916—1989). Fyrir áttu þau hjón: Agnar (1907—1970)
verzlunarmann, sem lengi var leiksviðsstjóri hjá Leikfélagi
Reykjavíkur; Sverri (1909—1990), Ph. D., lyfsala í Hafnar-
firði; Tómas Gústav (1911 — 1968), forstjóra í Reykjavík;
Elísabetu Vilhelminu (1914—1992), konu Guðmundar Guð-
mundssonar forstjóra í Hafnarfirði. Enn bættust þeim hjónum
börn í bú:
Guðríður Erla (f. 1921) lyfsölufræðingur í Bandaríkjunum og
Axel Valgard (1922—1969), cand. hort., garðyrkjuskólakennari
að Reykjum í Olfusi.
Dýrtíð var mikil. Verðlag þaut upp úr öllu valdi í stríðsbyrj-
un, og það harðnaði í ári, er á leið. Heldur reyndist þröngt í búi
hjá læknishjónunum og munu þau hafa ætlað að drýgja rýrar
tekjur með búskapnum. Hvort sú hefur orðið raunin, skal ósagt
látið, en fremur er ólíklegt, að mikill hagur hafi af orðið, eins
og í ári lét. Börnin gátu þó alltént notið meira frjálsræðis að
sumarlagi en á Hofsósi.
Haustið 1916 veiktist Magnús læknir og lá rúmfastur um
sinn. Óljóst er, hvað að honum gekk, en ætla má, að hann hafi
ofreynt sig við sjúkravitjanir. Lagt var að honum að leita lækn-
is, en óvíst, hvort hann varð við þeim áskorunum.
Magnús læknir hafði brugðið sér til Reykjavíkur vorið 1916
eins og vandi hans var annað hvort ár. Hann kom úr þeirri ferð
í byrjun júlí. Svo var ritað um Reykjavíkurferðir hans:
180