Jökull - 01.12.1976, Side 96

Hagafellsjökull eystri hlaupinn
Frá ferð Jöklarannsóknarfélagsins að Hagavatni
21.-22. júní 1975
Síðari hluta vetrar 1975 höfðu ferðamenn
bæði á láði og í lofti þau tíðindi að segja, að
gangur væri kominn í Hagafellsjökul eystri.
Hann hefur hopað allra jökla hraðast á þessari
öld, þannig að árið 1974 lá jökulsporðurinn
rúmlega 4200 m frá fremstu jökulgörðunum síð-
an um 1890. Á undanförnum árum hefur jökul-
sporðurinn verið sléttur og greiðfær eins og
Mynd 1 sýnir, en hún er tekin 26. júní 1969.
Vegna þessara frétta var júníferð Jöklarann-
sóknafélagsins farin að Hagavatni og Hagafells-
jökli eystri. Kl. 8 að morgni þ. 21. júní safnað-
ist 30 manna hópur saman á bifreiðastæði Guð-
mundar Jónassonar við Lækjarteig, og hélt það-
an glaður og vígreifur að skála Ferðafélags Is-
lands við Einifell, sem er syðsta Jarlhettan. Val-
ur Jóhannesson stjórnaði ferðinni, en höfundur
fræddi nokkuð um sögu Hagavatns og Haga-
fellsjökuls eystri. Dumbungsveður var í lofti, en
ekki lét fólkið það neitt skyggja á ferðagleði
sína. Eftir matar- og kaffihressingu við skálann
var haldið að Nýjafossi, þar sem Farið fellur úr
Hagavatni.
Stórkostleg sjón blasti við hópnum, þegar
komið var upp á fjallshrygginn norðan við
Nýjafoss, sérstaklega fyrir þá sem hér voru
gamalkunnugir. Hagafellsjökull var hlaupinn
(Mynd 2), og sporðurinn lá nú úfinn og tættur
alveg niður að vatnsbakka Hagavatns að sjá.
Staðnæmst var við útfall Farsins, þar sem það
steypist í örmjórri skoru frá Hagavatni niður í
Nýjafoss. Að venju voru ráðagerðir uppi um að
stökkva yfir útfallið, og það mátti sjá löngunar-
svip á ýmsum andlitum, en ekkert varð úr stökk-
fiminni að vanda. Hópurinn gekk síðan inn
með Hagavatni að jökulsporðinum, sem reynd-
ist þó ekki liggja eins framarlega á vatnsbakk-
anum og okkur hafði sýnst. Mæld var stysta
vegalengdin frá vatnsbakkanum að jökulrótum
og reyndist hún 165 m. Síðan var jökuljaðarinn
skoðaður, og var þar margt fróðlegt og skemmti-
legt að sjá (Mynd 3). Það reyndist ekki mjög
torvelt að klífa upp 30—40 m háan jökuljaðar-
inn, þar sem hann var mjög aurborinn. Aftur
á móti var engum fært að komast um jökulinn,
þegar upp var komið, nema fuglinum fljúgandi
Mynd 1. Hagafellsjökull
eystri og Hagavatn 26.
júní 1969. Myndin er
tekin til SV af fjalls-
hryggnum austan jökuls-
ins. Hlöðufell og Skjald-
breiður í baksýn.
Fig. 1. The snout of
Hagafellsjökull eystri and
lake Hagavatn on June
26, 1969. View towards
SW.
Photo:
Guttormur Sigbjarnarson.
94 JÖKULL 26. ÁR