Jökull - 01.12.1999, Blaðsíða 111

Magnús Hallgrímsson og Sigurður Vignisson ífyrstu
ferðinni inn í Gjálp, þann 10. júní. Gengið var eftir
endilangri gosgjánni norður að tindinum.
undir íshellunni mældur með endurkastsmælingum.
Mælt var að hluta til á sömu línum og gert var fyrir 10
árum þegar botn vatnanna var kortlagður. Ekki komu í
Ijós miklar breytingar en vísbendingar eru þó um nýtt
set í norðvesturhluta vatnanna. Verið er að vinna betur
úr gögnunum.
3. Mælingar áhita og efnasamsetningu vatns í Gríms-
vötnum
Borað var gegnum íshellu Grímsvatna með heita-
vatnsbor. Fyrst var reynt að bora í norðvesturhluta
vatnna en þar var svo þykkt öskulag á 80 m dýpi (lík-
lega úr gosinu 1934 og eldri gosum) að borinn stöðv-
aðist þar. Var þá borinn færður á hefðbundinn borstað
á miðjum vötnunum og tókst að bora þar í gegn. Tekin
voru sýni til efnagreininga og hitastig vatnsins mælt.
Einnig tókst að ná sýnum af botnsetinu með þar til
gerðum setlagabor. Þessi gögn mun Matthildur Bára
Stefánsdóttir nota í meistaraverkefni sínu í jarðfræði
en hún er fyrsti meistaraneminn við Háskóla Islands
sem nýtur á þennan hátt aðstoðar félagsins.
Snævarr Guðmundsson og Magnús Hallgrímsson í
Gjálp. I baksýn eru hlíðar Gjálpartinds.
4. Mælingar á skriði íss inn til Grímsvatna og gos-
stöðva
Til að mæla ísskrið inn að gosstöðvunum og inn að
rásinni sem myndaðist austan í Grímsfjalli í hlaup-
inu mikla var komið fyrir unr tuttugu stikum og þær
mældar inn með GPS. Stikurnar voru endurmældar í
ferð í ágúst.
5. Könnun á eldstöðvum norðan Grímsvatna
Gosstöðvarnar í jöklinum voru kannaðar með marg-
víslegu móti. Lögun sigdælda var mæld með GPS.
Gerðar voru þyngdarmælingar á gosstöðvunum og
umhverfis þær. Þessi gögn verða notuð til að finna
stærð og lögun hins nýja fjalls. Gosgjáin í jöklinum
hafði haldið sér að mestu frá því um veturinn. Hægt
var að ganga eftir henni úr suðri í gíginn í norð-
urhluta hennar. íssjái'mælingar með lítilli punkt-íssjá
voru gerðar á nokkrum stöðum til að kanna dýpi niður
á nýja fjallið undir gjánni. Norðantil í gjánni kom í
ljós kollurinn af fjallinu nýja. Reis hann um 40 m yfir
botn gjárinnar vestan við hann en jökullinn lá fram á
kollinn austanmegin. Tekin voru sýni af gjóskunni og
hitastig í fjallinu mælt. Unrmyndun yfir í móberg var
greinilega hafin og hiti allt að 70 stig rétt undir yfir-
borði. Dálítið lón var nyrst í gjánni en ekki tókst að ná
sýni af vatninu vegna hrunhættu.
JÖKULL, No. 47 109