Jökull - 01.06.2000, Qupperneq 67

Jöklabreytingar 1930-1960, 1960-1990 og 1996-1997
1. mynd. Séð úr lofti til suðurs yfir Reykjarfjarðarjökul til Hrollleifsborgar og Reyðarbungu í Drangajökli. -
Aerial view toward south of Reykjarfjarðarjökull outlet glacier in Drangajökull ice cap. LjósmJPhoto Guð-
mundur Ágústsson 4. október 1996.
Á heimleið tóku þeir eftir að eystri jökuláin, sem
nefnd hefur verið Brúná, var orðin nærri tær og ár-
mótin við Reykjarfjarðarósinn voru orðin tvílit nokkra
metra niður eftir. Ekki fannst honum vera minna vatn
í Brúná en áður á þessum tíma.
Norðurlandsjöklar
Grímslandsjökull - Sigurður Bjarklind og Karl Ás-
grímur Halldórsson komu nú að jökulsporðinum auð-
um í fyrsta sinn síðan þeir hófu mælingar 1994 og gátu
því mælt beint í jökulís. Það er góð viðmiðun fyrir
mælingar næstu ára.
Sporðar huldir snjó er löngu kunnur vandi þeirra
sem mæla smájökla. Eðli sínu samkvæmt leggst snjór-
inn mikið í kverkar við jökulröndina. Þegar jöklar eru
litlir ná þeir skammt niður fyrir hjarnmörk þannig að
einungis sést í jökulís þar í góðum árum. í Alpalönd-
um láta menn það ekki á sig fá og mæla í snjórönd-
ina sé hún orðin ársgömul. Svo má deila um hvort
það gefur rétta mynd af afkomu jökulsins og hversu
snöggt hann bregst við loftslagsbreytingum.
Langjökull
I Jökulkróki - hindraði snjór mælingu eins og áður
segir. Theodór segir nýja jökulskerið um 1-2 km inn-
an jaðars standa vel upp úr jökli sunnan mælilínu.
Kirkjujökull - Gegnir félagar settu upp merki við
sporð Kirkjujökuls. Hann gengur til austurs úr Lang-
jökli milli Fjallkirkju og Sólkötlu. Sporðurinn nær
niður í 700 m y.s., svipað og jökulsporðurinn í Jökul-
króki inn af Þjófadölum og dregur ís hæst úr um 1400
m y.s. Hann spannar þannig 700 m hæðarbil.
Kerlingarfjöll
Loðmundarjökull eystri - Sömu menn og settu merki
við Kirkjujökul tóku mælingar við Loðmundarjökul
upp að nýju eftir 32 ára hlé. Svo vel vildi til að merki
félagsins fundust þar sem Jón Eyþórsson hafði sett
þau á sínum tíma. Jaðar jökulsins hafði aðeins hop-
að um fáa metra á þessu tímabili. Bagalegt er að vita
ekki hve mikið sporðurinn hefur færst fram og hopað
á tímabilinu sem mælingar féllu niður.
JÖKULL No. 48 65