Dagblaðið Vísir - DV - 14.10.2014, Blaðsíða 14

Vikublað 14.–16. október 201414 Fréttir Viðskipti
Finnur greiddi sér
18 milljóna arð
n Fikt fékk 400 milljóna arð 2007 n Á ekki lengur í Frumherja
F
innur Ingólfsson, fjárfestir og
fyrrverandi þingmaður Fram­
sóknarflokksins, greiddi sér
18 milljónir króna í arð út úr
fjárfestingarfélagi sínu Fikti
ehf. í fyrra. Félagið tapaði tæplega 2,5
milljónum króna í fyrra en á nú eign­
ir upp á rúmlega 400 milljónir króna.
Þetta kemur fram í ársreikningi Fikts
ehf. sem samþykktur var á aðalfundi
félagsins þann 18. september síðast­
liðinn.
Finnur hefur síðastliðin ár verið
stór hluthafi í skoðunarfyrirtæk­
inu Frumherja og hefur hann með­
al annars átt hlutabréfin í gegn­
um Fikt ehf. Í kjölfar fjárhagslegrar
endurskipulagningar Frumherja fyrr
á þessu ári ákvað Finnur hins vegar
að stíga út úr hluthafahópnum: „Ég
bara ákvað að vera ekki með,“ sagði
Finnur í samtali við Viðskiptablaðið
í janúar síðastliðinn. Þá lá fyrir að Ís­
landsbanki myndi eignast 80 prósent
í skoðunarfyrirtækinu vegna skulda
þess við bankann.
Tæplega 160 milljóna
króna arður
Staða Fikts ehf. hefur verið betri á liðn­
um árum en hún er um þessar mund­
ir og hafa eignir félagsins minnkað ár
frá ári. Fikt skilaði til dæmis 25 millj­
óna króna hagnaði árið 2011 og átti
þá eignir upp á tæplega 590 milljón­
ir króna. 2011 greiddi Finnur sér 100
milljóna króna arð út úr félaginu.
Finnur hefur samtals getað greitt
sér út 159,5 milljónir króna út úr Fikti
ehf. frá árinu 2008. Árið 2008 nam
arðurinn 13,5 milljónum, 15 milljóna
arður var greiddur út 2009, 15 milljón­
ir árið 2010, 100 milljónir 2011 og 16
milljónir í fyrra.
Átti bréf í VÍS og Kaupþingi
Fikt ehf. var stofnað árið 2003 og
hóf í kjölfarið viðskipti með hluta­
bréf á Íslandi. Fjárfestingar Fikts
ehf. voru meðal annars í Kaupþingi,
eftir einkavæðingu Búnaðarbank­
ans og sameiningu hans við Kaup­
þing árið 2003, og Vátryggingafélagi
Íslands sem íslenska ríkið hafði selt
að hluta síðla árs 2002. Bæði Finn­
ur Ingólfsson og Fikt áttu til dæm­
is hlutabréf í VÍS sem seld voru til
eignarhaldsfélagsins Gætna ehf.,
félags í eigu Lýðs og Ágústs Guð­
mundssonar í Bakkavör, árið 2004.
Finnur var forstjóri VÍS á árunum
2002 til 2006 en hafði verið seðla­
bankastjóri þar á undan og áður
þingmaður og ráðherra.
Dótturfélag í fimm
milljarða þrot
Fikt ehf. hefur verið til umfjöllun­
ar í fjölmiðlum vegna dótturfélags
þess FS7 ehf. en skiptum þess fé­
lags lauk árið 2012 með því að af­
skrifa þurfti fimm milljarða króna
kröfur á hendur félaginu. Þetta fé­
lag, FS7 ehf., átti 67 prósenta hlut í
eignarhaldsfélaginu Langflugi sem
átti tæplega fjórðungshlut í flugfé­
laginu Icelandair.
Fikt ehf. fékk 400 milljóna króna
arð greiddan frá FS7 ehf. árið 2007
en það ár hafði félagið selt hluta­
bréf sín í Langflugi til félagsins
sjálfs fyrir 4,9 milljarða króna.
Meðeigandi FS7 ehf. var Fjár­
festingarfélagið Gift ehf. og var það
aðilinn sem tók ákvörðun um að
láta Langflug kaupa hlutabréf FS7
ehf. í sjálfu sér. Á grundvelli þeirra
viðskipta gat FS7 ehf. greitt 400
milljóna króna arðinn til Fikts ehf.;
arð sem myndað hefur stofninn í
eignum Fikts og gert Finni kleift að
greiða sér út arð nánast á hverju ári
um árabil. n
Ingi Freyr Vilhjálmsson
ingi@dv.is
Nærri 170 milljóna arður
Finnur Ingólfsson hefur greitt sér
nærri 170 milljóna króna arð út úr
Fikti ehf. frá árinu 2008. Finnur
stofnaði félagið árið 2003 og hóf
verðbréfaviðskipti eftir að hafa
verið þingmaður, ráðherra og
seðlabankastjóri.
„Ég bara ákvað að
vera ekki með
Koltrefjaverkefni Bjarna skilaði tapi
Samstarfsverkefni sveitarfélags, kaupfélags og Bjarna Ármannssonar
E
ignarhaldsfélag sem Bjarni
Ármannsson, fjárfestir og
fyrrverandi forstjóri Glitnis,
á með Kaupfélagi Skag­
firðinga og Sveitarfélaginu
Skagafirði skilaði tæplega 300 þús­
unda króna tapi í fyrra.
Fyrirtækið heitir UB Koltrefjar
ehf. og vinnur að því að stofnuð
verði koltrefjaverksmiðja á Sauðár­
króki eins og segir í skýrslu stjórn­
ar í ársreikningnum: „Tilgangur
félagsins er undirbúningur að kol­
trefjaverksmiðju á Sauðárkróki.“ Í
ljósi þess að félagið hefur ekki haf­
ið starfsemi er ekki óeðlilegt að tap
sé á því. Koltrefjar eru notaðar sem
styrkingarefni í margs konar iðnaði
eins og til dæmis í bílum og flug­
vélum. Efnið er bæði léttara og eins
sterkara en til dæmis ál.
Bjarni Ármannsson og aðstoðar­
kaupfélagsstjóri Kaupfélags Skag­
firðinga, Sigurjón Rúnar Rafnsson,
eru vinir og sitja saman í stjórn fé­
lagsins ásamt Ólafi Kristni Sigmars­
syni sem er starfsmaður Kaupfélags
Skagfirðinga. Eignarhlutföllin í fyrir­
tækinu eru þannig að Bjarni á 40
prósent, KS á 40 prósent og Sveitar­
félagið Skagafjörður á 20 prósent.
Hlutafé félagsins er 40 milljónir.
Í svari frá Ragnheiði Elínu Árna­
dóttur iðnaðarráðherra í Alþingi í
apríl kom fram að hefja ætti fram­
leiðslu á koltrefjum á Íslandi á næst­
unni. Össur Skarphéðinsson spurði
hana út í framleiðslu koltrefja og
sagði að íbúar á Sauðárkróki ættu
að njóta þess frumkvæðis sem þeir
hefðu sýnt í málaflokknum: „Á
Króknum er hefð fyrir trefjafram­
leiðslu, og þar er eina menntastofn­
unin á landinu sem beinlínis býð­
ur upp á nám í trefjafræðum […]
… heimamenn eiga að njóta frum­
kvæðis og innviðanna sem þeir hafa
byggt upp.“ n ingi@dv.is
Styttist í framleiðslu
Ragnheiður Elín Árnadóttir
sagði á Alþingi fyrr á árinu að
það styttist í að framleiðsla
á koltrefjum hæfist á Íslandi
en Bjarni Ármannsson á 40
prósent í einu slíku fyrirtæki
ásamt Kaupfélagi Skag-
firðinga.
Ari seldi fyrir
tugi milljóna
Ari Edwald, fyrrverandi forstjóri
365, seldi hlutabréf í fyrirtækinu
fyrir tugi milljóna króna nýlega í
tengslum við samruna fjölmiðla­
fyrirtækisins og fjarskiptafyrir­
tækisins Tals. Kaupandinn var
365. Líkt og komið hefur fram í
fjölmiðlum þá eignast Tal, eða
hluthafar þess, 20 prósenta hlut
í 365 með samrunanum. Meðal
óbeinna eigenda Tals eru nokkrir
lífeyrissjóðir.
Hlutur Ara, sem nam heilum
6,2 prósentum, og var um 180
milljóna króna virði miðað við
þriggja milljarða króna hluta­
fé 365 fyrir samrunann, þynntist
nokkuð út í hlutafjáraukningunni
sem fylgdi samruna fyrirtækj­
anna. Nú á hann eftir 2,2 pró­
sent og hefur því selt verulegan
hluta af bréfum sínum. Ljóst er
að hann hefur fengið tugi millj­
óna króna fyrir þann hlut sem
hann seldi og svo á Ari eftir rúm
2 prósent sem eru nokkurs virði
miðað við hlutafé hins sameigin­
lega félags.
Í viðtali við DV í lok ágúst
sagði Ari við DV að ekki væri búið
að ákveða hvort hann seldi bréf
sín eða ekki eftir að hann lét af
störfum. Þá átti hann ennþá heil
6,2 prósent í fyrirtækinu. Þá sagði
Ari að vissulega væri um að ræða
talsverða fjármuni fyrir sig. „Þetta
er umtalsverð eign fyrir mig.“
Eftir að DV ræddi málið við
Ara virðist hins vegar hafa verið
ákveðið að hann seldi hlutabréf
sín í 365 og gerði hann það í of­
angreindum samruna við Tal.
Ekki náðist í Ara við vinnslu
fréttarinnar.
Rannveig Rist
mætti ekki
Þingfesting í máli sérstaks sak­
sóknara gegn fyrrverandi spari­
sjóðsstjóra SPRON og fjórum
stjórnarmönnum fyrirtækisins
fór fram í Héraðsdómi Reykja­
víkur á mánudag. Líkt og DV
greindi frá á dögunum hafa þau
Guðmundur Örn Hauksson, fyrr­
verandi sparisjóðsstjóri SPRON,
og stjórnarmennirnir Ari Berg­
mann Einarsson, Jóhann Ásgeir
Baldurs, Margrét Guðmundsdótt­
ir og Rannveig Rist verið ákærð
fyrir umboðssvik með tveggja
milljarða króna lánveitingu
til eignarhaldsfélagsins Exista
nokkrum dögum fyrir hrun.
Guðmundur Örn, Margrét og
Ari mættu við þingfestinguna og
neituðu sök í málinu. Rannveig
Rist og Jóhann Ásgeir Baldurs
mættu ekki við þingfestingu og
þurfa því að lýsa afstöðu sinni
gagnvart ákæru málsins þegar
málið verður tekið fyrir næst.
Snýst málið um lán til Exista sem
veitt var á stjórnarfundi SPRON
í lok september árið 2008. Er
þetta í fyrsta skipti sem sér­
stakur saksóknari ákærir stjórn
fjármálafyrir tækis fyrir athafnir í
aðdraganda bankahrunsins.