Dagblaðið Vísir - DV - 14.10.2014, Blaðsíða 3

Vikublað 14.–16. október 2014 Fréttir 3
Minniborgir.is Ferðaþjónusta
Gisting-Veitingar-Afþreying.
Höfum opnað nýjan veitingastað í
Minniborgum sem er opinn allt árið.
Frábær aðstaða fyrir hópa og fjölskyldur.
Verðum með villibráðar,- og jólahlaðborð í haust og vetur.
Fyrir sumarbústaðafólk verðum við með
jólahlaðborð fyrstu 2 helgarnar í desember.
Minniborgir.is ferðaþjónusta á góðum stað
BOLT
INN Í
BEIN
NI
Eignir tryggingatakanna eru
sannarlega að engu orðnar
n Gift á einungis tæplega 200 milljóna eignir eftir n Búið að greiða út hundruð milljóna
F
járfestingarfélagið Gift
greiddi út 305 milljónir króna
til kröfuhafa sinna í fyrra
en meðal annars er um að
ræða Arion banka. Eftir í fé­
laginu standa eignir upp á rúm­
lega 195 milljónir króna en voru
tæplega 500 milljónir í árslok 2012.
Þetta kemur fram í ársreikningi fé­
lagsins sem samþykktur var af stjórn
Giftar, Kristni Hallgrímssyni hæsta­
réttarlögmanni, þann 10. september
síðastliðinn.
Fjárfestingarfélagið Gift er í
eigu Eignarhaldsfélags Samvinnu­
trygginga sem hélt utan um eignir
tryggingafélagsins Samvinnu­
trygginga eftir að það lét af störfum
árið 2006. Félagið átti hlutabréf í VÍS
sem seld voru með miklum hagn­
aði árið 2006. Í stað þess að slíta fé­
laginu og greiða fjármuni þess út
til tryggingatakanna – um 8.000
þúsund einstaklinga – var tekin
ákvörðun um að stofna fjárfestingar­
félagið Gift og hefja áhættufjár­
festingar með eignunum og einnig
lánsfé. Félagið keypti svo meðal
annars hlutabréf í Kaupþingi síðla
árs 2007.
Kröfuhafarnir fá afganginn
Félagið er í slitameðferð og hefur
verið það síðan árið 2012. Eins og
segir í skýrslu stjórnar Giftar þá voru
nauðasamningar félagsins sam­
þykktir árið 2012 og fela þeir í sér
að kröfuhafar félagsins eignast all­
ar eignir þess. Útgreiðslan í fyrra var
hluti af því uppgjöri og munu kröfu­
hafar félagsins eignast það sem eftir
stendur af eignunum. Um þetta segir
í skýrslu stjórnar í ársreikningnum:
„Hinn 29. mars 2012 fór fram upp­
gjör á 4,3% greiðslu vegna óum­
deildra krafna. Félagið á enn eftir að
ganga frá greiðslu umdeildra krafna
og að lokum úthluta öllum eignum
félagsins til kröfuhafa þess. Á árinu
2013 voru greiddar 305 millj. kr. til
kröfuhafa.“
Búið að færa niður skuldir
Búið er að færa niður skuldir Giftar
í ársreikningi félagsins og í kjölfar
skuldauppgjörsins við kröfuhafa fé­
lagsins. Þegar mest lét námu skuld­
ir félagsins umfram eignir 56 millj­
örðum króna. Þessar skuldir voru
að mestu vegna hlutabréfakaupa
í Kaupþingi og voru með veðum
í hlutabréfunum sem keypt voru.
Eftir hrunið 2008 lá fyrir að Gift gæti
ekki greitt þessar skuldir til baka þar
sem veðin fyrir lánunum höfðu tap­
að verðgildi sínu. Félagið hefði get­
að farið í þrot, ef kröfuhafar þess
hefðu sótt það hart og frekar vilj­
að þann kost en nauðasamninga,
og varð síðar nefndi kosturinn ofan
á. Gjaldþrot hefði falið í sér skoðun
óháðs skiptastjóra á bókhaldi og
viðskiptum félagsins. Um þessar
mundir er staðan því sú að hluta­
fé félagsins er einskis virði. „Hlutafé
félagsins er allt í eigu Eignarhaldsfé­
lagsins Samvinnutrygginga en í ljósi
nauðasamninga félagsins er það
einskis virði.“
Eignir orðnar að engu
Þegar staða Eignarhaldsfélags Sam­
vinnutrygginga er skoðuð sést að
eignir þess eru afar litlar í dag. Inni
í þessu félagi voru eignir trygginga­
taka Samvinnutrygginga sálugu sem
síðar voru fluttar yfir í Gift. Félag­
ið á einungis tvær milljónir króna
en skuldar lítið sem ekkert. Eignir
tryggingatakanna inni í félaginu eru
bókfærðar á samtals tæplega 350
milljónir króna – bæði bein eignar­
réttindi tryggingatakanna og eins
fjármunir sem er að finna í sérstök­
um Samvinnutryggingasjóði þang­
að sem eignirnar renna tveimur
árum eftir að tryggingatakarnir falla
frá. Þessar eignir tryggingatakanna
núllast hins vegar út vegna annarra
skuldbindinga félagsins. Unnið er
að slitum Eignarhaldsfélag Sam­
vinnutrygginga, líkt og Giftar, og eins
Eignarhaldsfélagsins Andvöku sem
DV fjallaði um í síðustu viku. Í tilfelli
Giftar og Eignarhaldsfélags Sam­
vinnutrygginga munu trygginga­
takarnir gömlu því ekki fá neitt út
úr félögunum en enn er hugsan­
legt miðað við eignastöðu Andvöku
að þeir fái eitthvað við útgreiðslu á
eignum þess. n
„Hlutafé félagsins
er allt í eigu
Eignarhaldsfélagsins
Samvinnutrygginga en í
ljósi nauðasamninga fé-
lagsins er það einskis virði.
Ingi Freyr Vilhjálmsson
ingi@dv.is
Stýrt frá Sauðárkróki Gift var um tíma stýrt frá Sauðárkróki þar sem forsvarsmenn Kaupfélags Skagfirðinga, Þórólfur Gíslason og
Sigurjón Rúnar Rafnsson, komu að málum. Þórólfur var um tíma stjórnarformaður félagsins og Sigurjón Rúnar stýrði viðræðum Giftar við
Kaupþing um fjármögnun og útfærslu viðskipta með hlutabréf í Kaupþingi, líkt og DV hefur fjallað um. Mynd RagnaR axElSSon
M
eiðyrðamál sem Egill Einars­
son höfðaði gegn Inga Krist­
jáni Sigurmarssyni verður
tekið fyrir í Hæstarétti þann
28. október. Héraðsdómur Reykjavík­
ur sýknaði Inga Kristján í nóvember í
fyrra en Egill hafði höfðað mál gegn
honum vegna ummæla á mynd sem
birst hafði á Instagram. Krafðist Egill
einnar milljónar króna í miskabætur
fyrir ærumeiðandi aðdróttanir þar
sem Ingi Kristján hafði breytt mynd
af Agli sem birtist á forsíðu Monitor
með því að teikna kross á hvolfi á enni
Egils, skrifa aumingi þvert yfir andlit
hans og í myndtexta stóð „Fuck you
rapist bastard.“ Krafðist Egill þess að
ummælin yrðu ómerkt. Héraðsdóm­
ur sýknaði sem fyrr segir Inga Kristján
en Egill afrýjaði til Hæstaréttar þar
sem málið verður samkvæmt dagskrá
tekið fyrir eftir rúmar tvær vikur. n
mikael@dv.is
Meiðyrðamál aftur fyrir dóm
Egill Einarsson áfrýjaði til Hæstaréttar
Málið fyrir Hæstarétt
Egill tekur mál sitt alla leið í kerfinu.