Iðjuþjálfinn - 01.06.1996, Qupperneq 6

og bókasafnsnefndin ákvörðun um að gefa
Háskólabókasafninu þetta safn. Rökin voru
aðallega þau að þar eru bækurnar aðgengi-
legri bæði fyrir iðjuþjálfa sjálfa og aðra.
Einnig er þetta tækifæri til að vekja athygli á
tilveru okkar stéttar og að háskólanám sé á
leiðinni. Formleg afhending fór fram 15.
mars sl. þar sem gjöf okkar var stillt mjög
snyrtilega upp í sérstökum reit. Var bóka-
safnsnefnd og formanni félagsins boðið í
myndatöku og kaffi hjá yfirbókaverði lands-
bókasafns íslands sem sendi frá sem frétta-
tilkynningu í fjölmiðla.
Námskeið um álagsmeiðsii
Námskeiðin um einkenni vegna endurtek-
ins álags á hreyfi- og stoðkerfi við vinnu eða
aðra einhæfa iðju, sem verða haldin í lok
maí og byrjun júní eru sennilega einn stærsti
og mikilvægasti atburður sem félagið hefur
nokkurn tíma hrint í framkvæmd. Þetta er í
fyrsta skipti á okkar 20 ára ferli sem við
stöndum fyrir jafn umfangsmikilli fræðslu
fyrir aðrar heilbrigðisstéttir og almenning.
Við vonumst til að þetta styrki tengsl okkar
Frá vinstri iðjuþjálfarnir Helga Guðjónsdóttir,
Gerður Gústavsdóttir og Hope Knútsson ásamt
Einari Sigurðssyni landsbókaverði.
við annað fagfólk. íslenskir iðjuþjálfar alast
ekki upp faglega við hlið annarra heilbrigð-
isstétta sem þess vegna þekkja ekki nægi-
lega vel starf okkar og menntun. Námskeið-
in um álagseinkenni er kjörið tækifæri til að
leggja eitthvað af mörkum til almennings og
um leið að kynna hlutverk iðjuþjálfunar í
forvörnum og meðferð á þessum algengu
fylgifiskum nútímatækninnar.