Bændablaðið - 29.01.2015, Side 2

2 Bændablaðið | Fimmtudagur 29. janúar 2015
Lestrarkönnun Capacent Gallup á prentmiðlum:
Bændablaðið er mest lesna
blaðið á landsbyggðinni
− í þriðja sæti yfir landið í heild og eini prentmiðillinn í könnuninni þar sem lesturinn jókst á síðasta ári
Ný kortavefsjá hefur verið tekin
í notkun á heimasíðu LbhÍ.
Á undanförnum árum hafa
fjölmörg kort verið unnin innan
Landbúnaðarháskólans sem og í
samstarfi við aðra og verður í nýju
vefsjánni hægt að skoða nokkur
þessara korta.
Á síðunni er opið fyrir aðgang að
nýju landnýtingarkorti, Nytjalandi
og Skurðakorti. Á næstu vikum munu
bætast við Rofkort, Jarðvegskort auk
fleiri korta.
Markmiðið með vefsjánni er
að gera landfræðileg gögn sem til
eru hjá Landbúnaðarháskólanum
aðgengileg öllum þeim sem vilja
nýta sér þau, hvort sem þeir eru
nemendur, starfsfólk eða áhugafólk
um kort sem gefa mynd af náttúru
landsins.
Vefsjáin er löguð að snjallsímum
og spjaldtölvum og hafa notendur
því möguleika á að sjá staðsetningu
sína á kortum skólans og um leið sitt
nánasta umhverfi.
Allar nánari upplýsingar er að
finna á nytjaland.is.
Landbúnaðarháskólinn:
Ný kortavefsjá
tekin í notkun
Bændablaðið er mest lesna
blaðið á landsbyggðinni með
45,32% lestur samkvæmt nýjustu
lestrarkönnun Capacent Gallup.
Ef höfuðborgarsvæðið er tekið
með er Bændablaðið orðið þriðja
mest lesna blað landsins, á eftir
Fréttablaðinu og Fréttatímanum.
Fleiri lesa því Bændablaðið en
Morgunblaðið.
Í prentmiðlakönnun Capacent
Gallup er lestur dagblaða mældur
með samfelldum hætti allt árið. Um
30 svörum er safnað á hverjum degi
eða um 2.500 svörum á ársfjórðungi.
Í úrtaki eru Íslendingar á aldrinum
12–80 ára af landinu öllu.
Bændablaðið er ekki dag-
blað fremur en Fréttatíminn,
Viðskiptablaðið og DV.
Bændablaðið kemur út á tveggja
vikna fresti og telst því fremur
vera tímarit sem hefur mun lengri
líftíma en dagblöðin. Eigi að síður
er það sett upp í svipuðu formi og
dagblöðin. Hefur Bændablaðið
nú verið með á spurningavagni
Capacent Gallup um prentmiðla í
þrígang og hefur niðurstaðan frá
upphafi komið mörgum á óvart.
Bændablaðið öflugast á
landsbyggðinni
Fram kemur í lestrarkönnuninni að
Bændablaðið er eini prentmiðillinn
í könnuninni sem er að bæta við
sig í lestri á meðan lestur annarra
blaða fer minnkandi. Þegar lestur
á landsbyggðinni er skoðaður
sérstaklega kemur í ljós að
Bændablaðið er þar langsterkasti
prentmiðillinn með 45,32% lestur.
Þar á eftir kemur Fréttablaðið með
33,86% lestur, Morgunblaðið er með
27,84% lestur, Fréttatíminn er með
19,41% lestur, DV er með 11,3%
lestur og Viðskiptablaðið er með
5,72% lestur.
Í þriðja sæti yfir landið í heild
Þegar lesturinn er mældur sem
meðaltal af öllu landinu og þegar
búið er að taka tillit til vægis
íbúafjölda á höfuðborgarsvæðinu
annars vegar og hins vegar á
landsbyggðinni, þá er Bændablaðið
í þriðja sæti, en niðurstaðan var
svona:
Fréttablaðið 53,6%, Frétta-
tíminn 38,2%, Bændablaðið
30,6% Morgunblaðið 28,8%,
Viðskiptablaðið 10,1% og DV
10,0%.
Fréttablaðið og Fréttatíminn
skora hátt á höfuðborgarsvæðinu
Á höfuðborgarsvæðinu kemur
öflug dreifing Fréttablaðsins og
Fréttatímans vel í ljós þar sem
blöðunum er dreift inn á hvert
heimili án þess að fólk þurfi að hafa
fyrir því að sækja sér eintak. Þar var
niðurstaðan þessi:
Fréttablaðið 63%, Fréttatíminn
48,75%, Morgunblaðið 29,35,
Bændablaðið 22,35%, Viðskipta-
blaðið 12,61% og DV var með 9,3%
lestur.
Dreifingaraðferðir
skipta miklu máli
Hafa verður í huga varðandi þessa
lestrarkönnun að bæði Fréttatíminn
og Fréttablaðið eru send að
langmestu leyti óumbeðið inn á
heimili fólks á höfuðborgarsvæðinu
og víðar þó sú dreifing nái ekki um
allt land. Af þeim sökum mælast þau
eðlilega hátt í lestri á þéttbýlustu
svæðum landsins.
Bændablaðinu er einnig dreift
frítt á höfuðborgarsvæðinu og víðar
um land. Því er þó yfirleitt ekki dreift
óumbeðið inn á heimili fólks, heldur
verða áhugasamir að hafa fyrir því
að sækja blaðið á dreifingarstaði.
Það er því meðvituð ákvörðun
viðkomandi að sækja sér blaðið sem
segir ansi mikið um áhugann fyrir
miðlinum. Einu lesendurnir sem
fá blaðið sent heim eru bændur á
lögbýlum landsins og þeir sem óska
eftir að fá blaðið sent í pósti, en þá
gegn greiðslu sendingarkostnaðar.
Þá er Bændablaðið í talsvert minna
upplagi en fyrrnefnd blöð, eða í 32
þúsund eintökum.
Hlutfallslegt virði lesenda
getur verið mismikið eftir eðli
miðlanna
Morgunblaðið er eingöngu selt í
áskrift og lausasölu eins og DV og
Viðskiptablaðið og byggist lestur
þeirra því alfarið á meðvitaðri
ákvörðun lesenda um að kaupa, eða
sækja sér eintak, líkt og varðandi
Bændablaðið. Að auki verður fólk
að greiða talsvert fyrir lestur þessara
þriggja fjölmiðla. Hlutfallslegt
verðmæti slíkra lesenda fyrir t.d.
auglýsendur hlýtur því alltaf að vega
hærra en þeirra sem fá blöðin sent
án þess að óska sérstaklega eftir því.
Fletting er ekki sama og lestur
Umhugsunarlaus fletting á blaði
segir oft ansi lítið um raunverulegan
lestur á viðkomandi miðli. Þetta
vægi kemur ekki alltaf fram í
lestrarkönnunum sem þessum en
sérfræðingar í upplýsingamiðlun
reyna þó oft að meta þetta. Inn
í það fléttast alls kyns speki eins
og ómeðvituð inntaka upplýsinga
sem tilraunir hafa m.a. verið
gerðar með í kvikmyndum og
sjónvarpsauglýsingum.
Mikill líftími
Líftími viðkomandi blaðs á borðum
lesenda skiptir líka máli. Einnig
hvort fólk opni blaðið oftar en einu
sinni yfir ákveðið tímabil og hversu
margir einstaklingar lesi hvert
eintak. Þannig er líftími prentmiðla
sem gefa út nýtt blað á hverjum
degi eðlilega mjög stuttur. Líftími
Bændablaðsins sem kemur á tveggja
vikna fresti getur verið margfalt
meiri. Þetta getur skipt miklu máli
þegar meta á virkni auglýsinga.
Bændablaðið reiðir sig alfarið á
auglýsingatekjur sem standa undir
rekstri þess. Í því ljósi er þessi
nýja könnun Capacent Gallup
mjög ánægjuleg fyrir útgáfuna.
Allt byggist þetta þó á endanum á
velvilja og því trausti sem lesendur
hafa á blaðinu. Án lesenda lifir
enginn fjölmiðill. /HKr.
Samkvæmt Vinnumarkaðs-
rannsókn Hagstofu Íslands voru
að jafnaði 183.700 á aldrinum
16-74 ára á vinnumarkaði í
desember 2014, sem jafngildir
80% atvinnuþátttöku. Af þeim
voru 175.800 starfandi og 7.900
án vinnu og í atvinnuleit.
Hlutfall starfandi af mannfjölda
var 76,6% og hlutfall atvinnulausra
af vinnuafli var 4,3%. Samanburður
mælinga í desember 2013 og 2014
sýnir að vinnuaflið minnkaði um
1.400 manns, atvinnuþátttakan
minnkaði því um 0,8 prósentustig.
Fjöldi starfandi minnkaði um
1.100 og hlutfallið um 0,7 stig.
Atvinnulausum fækkaði um 300
manns og hlutfall þeirra minnkaði
um 0,1 stig.
Eftir að búið er að leiðrétta
fyrir árstíðasveiflum var fjöldi
fólks á vinnumarkaði 186.500 í
desember 2014 sem jafngildir
81% atvinnuþátttöku, sem er
einu prósentustigi lægri en
hún var í nóvember. Fjöldi
atvinnulausra í október samkvæmt
árstíðaleiðréttingu var 8.300 sem
er aukning um 1.400 manns frá því
í nóvember. Hlutfall atvinnulausra
jókst því og var 4,4% í desember
en var 3,7% í nóvember. Leiðréttur
fjöldi starfandi fólks í desember
var 178.200, eða 77,4%, sem eru
2.300 færri en voru starfandi í
nóvember.
Hlutfall starfandi minnkaði um
1,6 prósentustig og atvinnuleysi
jókst um um 0,7 stig. Lítillega
fjölgaði því í hópi þeirra sem
standa utan vinnumarkaðar,
eða um 2.700 manns. Þrátt
fyrir þessar niðurstöður þá
sýnir leitni árstíðaleiðréttinga
á vinnuaflstölum síðustu sex
mánaða áframhaldandi breytingar
í rétta átt. Á tímabilinu hefur
atvinnuþátttaka aukist um 0,1
prósentustig, atvinnuleysi lækkað
um 0,3 stig og hlutfall starfandi
aukist um 0,3 stig. /VH
Atvinnuleysi 4,3%
í desember 2014
Fréttir
0
5
10
15
20
25
30
35
40
45
50
5,72
11,3
19,41
33,86
27,84
45,32
H
LU
TF
A
LL
Í
PR
Ó
SE
N
TU
M
SAMKVÆMT LESTRARKÖNNUN CAPACENT GALLUP Á FJÓRÐA ÁRSFJÓRÐUNGI 2014
BLAÐALESTUR Á LANDSBYGGÐINNI
%
53,5
38,2
10
28,8
10,1
30,6
SAMKVÆMT LESTRARKÖNNUN CAPACENT GALLUP Á FJÓRÐA ÁRSFJÓRÐUNGI 2014