Bændablaðið - 29.01.2015, Side 37

37Bændablaðið | Fimmtudagur 29. janúar 2015
Séu bornar saman tölur
um ræktun og hagnað af
plöntuafurðum kemur í ljós að
langmest er ræktað af hveiti, maís,
hrísgrjónum og sojabaunum
í heiminum. Plönturnar sem
aftur á móti gefa mest af sér eru
kannabis, kókaín og ópíum.
Hveiti er plantað í rúma 2
milljón ferkílómetra lands á hverju
ári og er áætlað að heildarverðmæti
afurðanna séu 110 milljarðar
Bandaríkjadala á ári. Maís er í öðru
sæti hvað ræktun varðar og ræktað
í um 1,7 milljón ferkílómetrum
lands og er heildarverðmæti
uppskeru þess ívið meiri en
hveitis, eða rúmlega 200 milljarðar
Bandaríkjadalir. Sykurreyr gefur
mestu uppskeruna en það er
kannabis sem er verðmætasta
uppskeran.
Ólöglegu plönturnar
gefa mestar tekjur
Reyndar er það svo að ef bornar eru
saman tölur um verðmæti nokkurra
plöntuafurða á ferkílómetra eru
þrjár plöntur sem bera af og allar eru
þær ólöglegar. Þetta eru kannabis,
kókaín og ópíum. Fjórða verðmesta
plöntuafurðin eru tómatar.
Ætlað heildarverðmæti
kartöfluræktar í heiminum er
talið vera um 80 milljarðar
Bandaríkjadala, hrísgrjón skila
220, kaffi um 30 og vínber um 50
milljörðum Bandaríkjadala.
Verðmæti þessara plantna
kemst hvergi nærri því sem
áætlaður hagnaður er af afurðum
hinna þriggja ólöglegu plantna,
kannabis, kókaíns og ópíums.
Árlegur hagnaður af ræktun ópíums
af ferkílómetra á ári er áætlaður
tæpir 6 milljarðar Bandaríkjadala,
kókaíns tæpir 38 milljarðar og
kannabis rúmir 47,6 milljarðar
Bandaríkjadala.
Til samanburðar er áætlaður
hagnaður á ferkílómetra af
hrísgrjónum um 140 þúsund
Bandaríkjadala, 30 þúsund af
baunum, tóbaki 227 þúsund og
kálrækt 305 þúsund Bandaríkjadala.
/VH
Bændablaðið
Kemur næst út
12.
febrúar
Kanabisakur í Úrúgvæ. Greinilegt er að mikil hagnaðarvon fær ræktendur til
að taka mikla áhættu við ræktun á þessari jurt sem víðast hvar er ólögleg.
Hvað fæst fyrir uppskeruna í heiminum?:
Ólöglegar afurðir gefa mest
Hveitirækt í heiminum er fyrirferðarmest hvað landrými varðar. Þannig er hveiti plantað í um tvær milljónir ferkílómetra á ári hverju. Það segir hins vegar ekki alla söguna með fjárhagslegan
Mynd / Wikimedia
Rangárþing ytra:
Kostnaðargreining vegna ljósleiðaravæðingar
Sveitarstjórn Rangárþings ytra
hefur samþykkt að ganga til
samninga við Guðmund Daníelsson
um frumhönnun og kostnaðarmat
vegna ljósleiðaravæðingar í
Rangárþingi ytra.
Kostnaðurinn verður að
hámarki 750 þúsund krónur
auk vsk. Verkefnið snýst um að
framkvæma frumhönnun og í
framhaldi kostnaðarmat á því
að leggja ljósleiðarakerfi um
sveitarfélagið Rangárþing ytra.
Ljósleiðarakerfið mun ná til allra
lögheimila í sveitarfélaginu sem
ekki búa við ljósleiðaratengingu eða
sambærilega fjarskiptatengingu í
dag. /MHH Hvolsvöllur. Mynd / HKr.