Bændablaðið - 13.08.2015, Síða 40

40 Bændablaðið | Fimmtudagur 13. ágúst 2015
Stefanía kom í Breiðavað 1984 og
hóf þar búskab ásamt Kristjáni
Frímanssyni og móður hans
Guðrúnu Blöndal. Kristján lést
árið 1999 og Stefanía, ásamt Þór-
arni Bjarka Benediktsyni, keypti
jörðina af Guðrúnu árið 2000.
Býli: Breiðavað.
Staðsett í sveit: Austur-Húna vatns-
sýsla.
Ábúendur: Stefanía Egilsdóttir og
Þórarinn Bjarki Benediktsson.
Fjölskyldustærð (og gæludýr):
Dæturnar okkar fjórar eru Dagný
Björk fædd 1985, Jenný Drífa fædd
1990, Árný Dögg fædd 1995 og
Hjördís fædd 2002. Gæludýrin eru
chihuahua-tíkin Tanja, kötturinn
Snúlla og sex border collie-hundar.
Stærð jarðar: 982 ha.
Gerð bús: Sauðfjárbú.
Fjöldi búfjár og tegundir:
550 fjár, 24 hross, níu geitur og
kiðlingar.
Hvernig gengur hefðbundinn
vinnudagur fyrir sig á bænum?
Hefbundið á sauðfjárbúi.
Skemmtilegustu/leiðinlegustu
bústörfin? Allt gaman ef við ger-
um það saman, nema tína plast af
girðingum, segir Hjördís.
Hvernig sjáið þið búskapinn
fyrir ykkur á jörðinni eftir fimm
ár? Svipaðan og nú, kannski fleiri
geitur.
Hvernig mun íslenskum land-
búnaði vegna í framtíðinni? Bara
vonandi vel .
Hvar teljið þið að helstu tækifærin
séu í útflutningi íslenskra búvara?
Í hreinum afurðum.
Hvað er alltaf til í ísskápnum?
Mjólk, ostur, skinka og svolítið af
bjór.
Hver er vinsælasti maturinn á
heim ilinu? Lambakjöt .
Eftirminnilegasta atvikið við
bú störfin? Þegar við tókum við
jörð inni og einnig þegar við fengum
okkur geitur.
Líf og lyst
BÆRINN OKKAR
Girnilegir tómatar og grillaðar kótilettur
Tómatar eru vanmetið hráefni sem
oft er tekið sem sjálfsögðum hlut.
Við veljum ekki alltaf tómatana
eftir tilefninu og þurfum að gæta
að gæðunum. Nú er mikið úrval
af flottum íslenskum tómötum
á markaðnum en þeir eru ekki
alltaf fullþroskaðir þegar þeir
koma í verslanir. Við gætum tekið
Ítali okkur til fyrirmyndar og
sett aðeins fullþroskaða tómata
á markað, sem eru rauðir innan
sem utan. Grænu tómatana má
kryddleggja og nota í tómatsultur.
Bragðbestir eru tómatarnir þegar
þeir eru vel þroskaðir, skornir í
sneiðar með bragðmildum fersk-
um mossarella-osti og basil. Svo
má leika sér með sósur og sultur
þegar þeir eru of linir og of
þrosk aðir fyrir skurð.
Hér eru girnilegar sósu- og sal-
at uppskriftir þar sem tómatarnir
eru í aðalhlutverki. Hin suðræna
tómat-Chimichurri sósa fer vel
með íslenskum lambakótilettum og
svíkur engan.

Sveita-tómatsósa (ketchup)
Skemmtilegur og auðveldur morg-
un verður sem auðvelt er að borða á
hlaupum áður en farið er í fjós eða til
annarra morgunverka. Það er óhætt
að frysta bollakökurnar og stinga í
örbylgjuofn þegar á að borða.
› 12 stk. þroskaðir tómatar
› 1 chili-pipar, sneiddur
og fræ hreinsaður
› 1–2 msk flögusalt
› Edik (5 prósent af heildarþyngd)
› 100–200 g sykur
› 1/2 tsk pipar (cayenne)
› 2 tsk paprikuduft
› 2 tsk sinnepduft
› 1/2 msk heilpiparkorn
› 1 tsk sinnepsfræ
› 1 stk lárviðarlauf
Aðferð
Dýfið tómötunum í sjóðandi vatn
í 30 til 60 sekúndur eða þangað til
hýðið fer að flagna af. Dýfið í kalt
vatn og takið hýðið af. Skerið í bita
og bætið í chili og paprikudufti. Látið
suðuna koma upp og látið malla í 20
mínútur með loki. Sameinið restina
af hráefninu í kryddpoka eða tesíu,
bætið við ediki og látið sjóða í sér
potti. Lækkið hitann og eldið í 20
mín útur. Fjarlægið kryddblöndupoka
og sameinið edikblönduna og
tómatmaukið. Bætið við sykri og salti
og látið sjóða við vægan hita þar til
blandan hefur þykknað örlítið. Hægt
er að setja maukið heitt í hreinar
krukkur fyrir góðan geymslutíma í
kæli. Nú eruð þið komin með góða
sósu sem hentar t.d. sem fullkomin
pastasósa með ögn af capers og
parmesanosti.
Tómat- og mozzarella caprese
salat
› 8 sneiðar af fullþroskuðum tómötum
› 2 matskeiðar balsamic edik
› 8 miðlungslauf ferskt basil
› 8 sneiðar ferskur mozzarella-ostur
› Smá þurrkað oregano
› Flögusalt
› Ferskur malaður pipar
› 2 matskeiðar jómfrúarolífuolía
Aðferð
Raðið sneiddum tómötum á fat.
Setjið eitt basillauf ofan á hverja
tómatsneið. Setjið eina sneið af
mozzarella ofan á hvert basillauf svo
það myndist lög. Stráið smá oregano,
salti og ferskum möluðum pipar yfir
og úðið yfir með jómfrúarólífuolíu.
Endið með smá balsamic ediki.
Tómat-Chimichurri sósa:
› 4 hvítlauksrif
› 1 handfylli steinselja, lauslega söxuð
› 1 handfylli ferskur kóríander, lauslega
saxaður
› ½ knippi ferskt basil, lauslega saxað
› 1 bolli þroskaðir tómatar,
fræhreinsaðir og grófhakkaðir
› 2 tsk tómatmauk (tomatpure)
› 10 matskeiðar jómfrúarólífuolía
› 3 matskeiðar hrísgrjónaedik (eða
annað edik)
› 2 tsk salt
› ½ tsk nýmalaður svartur pipar
› ¼ tsk Tabasco sósa
Aðferð
Blandið saman hvítlauk, steinselju,
kóríander, basil, tómat og tómatmauki
í matvinnsluvél eða morteli. Bætið við
olíu og ediki og blandið 1–2 mínútur
eða þar til sósan er mjög slétt. Bætið
Tabasco ef fólk vill og smakkið til
með salti og pipar. Sósa getur verið
í kæli í nokkra daga en er best rétt
eftir blöndun.
Lambakótilettur
› 6 hvítlauksrif, sneidd fínt
› 3 matskeiðar olía
› Flögusalt og ferskur malaður pipar
eftir smekk
› 8–10 stk. þversneiddar
lambakótilettur
Aðferð
Sameinið hvítlauk, kryddjurtir og
olíu. Nuddið kótiletturnar með salti
og pipar og smyrjið með jurta- og
hvítlauksblöndu. Setjið í plastpoka
og geymið í kæli í 1–2 klst.
Byrjið að hita grillið, þá er kjöt ið
tekið úr kæli og leyft að ná stofuhita.
Grillið lambið yfir miðlungshita í
um 4 mínútur á hvorri hlið, snúið
bara einu sinni. 60° C í kjarnahita
er miðlungs steikt en flestir vilja
kótilettur stökkar og vel eldaðar.
Berið fram með Chimichurri-
sósu sem er hellt yfir kjötið með
aukaskammt til hliðar.
MATARKRÓKURINN – BJARNI GUNNAR KRISTINSSON MATREIÐSLUMEISTARI
Breiðavað