Morgunblaðið - Sunnudagur - 09.08.2015, Blaðsíða 2
Í fókus
2 MORGUNBLAÐIÐ SUNNUDAGUR 9.8. 2015
Já, ég hafði hugsað mér það. Ég hef oft verið
stödd í útlöndum á þessum dögum en hef
farið þrisvar í gleðigönguna og alltaf fundist
æðislegt.
Ágústa Sigrún Ágústsdóttir
Nei, ég kemst ekki. Ég verð í sumarbústað
uppi í sveit. Ég hef aldrei mætt áður á göng-
una, ég bý úti á landi og er ekkert oft í bæn-
um á þessum tíma.
Steinunn Þuríður Bjarnadóttir
Ég skal lofa því, ég mæti örugglega. Alveg á
hreinu. Ég held ég hafi alltaf mætt og ég
þekki fullt af fólki í þessu. Það eru engir
fordómar hjá mér.
Einar Guðmundsson
Nei. Ég er að vinna á laugardaginn og sé mér
ekki fært að mæta. Ég hugsa að það væri al-
veg gaman að sjá hana en ég bara kemst ekki.
Birgir Viðar Magnússon
Ritstjóri Davíð Oddsson
Ritstjóri og framkvæmdastjóri Haraldur Johannessen
Aðstoðarritstjóri Karl Blöndal
Umsjón
Eyrún Magnúsdóttir,
eyrun@mbl.is
Prentun
Landsprent ehf.
Hádegismóum 2,
110 Reykjavík.
Sími 5691100
Útgáfufélag
Árvakur hf.,
Reykjavík.
SPURNING DAGSINS ÆTLARÐU Í GLEÐIGÖNGUNA?
Þátttökugjöld fyrir
Reykjavíkurmara-
þon hafa hækkað
verulega á síðast-
liðnum áratug og
hlaupurum hefur fjölg-
að. Hlaupið skilar nú
verulegum hagnaði en
hluti hans rennur í
íþróttastarf í Reykjavík.
Heilsa 16
Í BLAÐINU
Morgunblaðið/Eggert
SIGURÐUR HEIMIR GUÐJÓNSSON
SITUR FYRIR SVÖRUM
Húsmóðir frá
sjötta áratugnum
Forsíðumyndina tók
Styrmir Kári
Gunnar Örn Gunnarsson lærði
kappakstursverkfræði við
Oxford Brookes University í
Bretlandi. Eftir útskrift fékk hann
starf hjá breska bílaframleiðand-
anum Aston Martin. Gunnar er
lesblindur en segir það ekki
þurfa að aftra fólki frá því að
elta uppi drauma sína. 12
Frederieke Sanne van der Deen er komin hingað frá
Nýja-Sjálandi til að vinna að doktorsverkefni sínu um
nýjar aðferðir við tóbaksvarnir, en Ísland er í
fremstu röð á heimsvísu í þeim málaflokki. Heilsa 14
Gítarleikarinn Ómar Guð-
jónsson og kontrabassa-
leikarinn Tómas R. Ein-
arsson fagna nýrri plötu
með útgáfutónleikum á
Jazzhátíð Reykjavíkur í
næstu viku. Á plötunni
semja þeir hvor fyrir annan,
en þeir hafa starfað saman í
áratug. Menning 48
Sigurður Heimir Guðjónsson, einnig þekktur sem Gógó Starr í dragheiminum, bar sigur
úr býtum í dragkeppni Íslands í vikunni. Þá var Borghildur Þorbjargardóttir, eða Hand-
some Dave, krýnd(ur) dragkóngur sama kvöld við mikið lof viðstaddra.
Hvernig tilfinning er að fá titilinn
dragdrottning Íslands?
Það er ótrúlega spennandi. Ég er svo sáttur og stoltur af sjálf-
um mér og ég hlakka til að gera eitthvað skemmtilegt með tit-
ilinn.
Hvað þarf til að verða dragdrottning?
Ég mundi segja að sjálfstraust sé númer eitt, tvö og
þrjú. Og glimmer. Sjálfstraust, glimmer og eigin-
leikinn að skemmta fólki. Það er það sem þetta snýst
um fyrir mér.
Hvað gerir maður í þessari keppni?
Maður skemmtir fólki. Maður er með þriggja til
fjögurra mínútna atriði og það má í rauninni gera
hvað sem er, til dæmis gera látbragðsleik við lag
eða tala beint við áhorfendur. Það er alltaf verið
að horfa á hvernig framkoman er á sviði. Ertu
skemmtilegt atriði? Ertu flott dragdrottning
eða -kóngur? Ertu allur pakkinn?
Hvernig var atriðið þitt?
Ég var húsmóðir frá sjötta áratugnum sem fékk
nóg af eiginmanninum sínum, skaut hann í hausinn og braust út sem
svona „burlesque cabaret“ dansari. Ég tók lagið „It’s Oh So Quiet“
með Björk. Það var ótrúlega gaman og salurinn trylltist.
Hvað er drag?
Frá mínu hjarta mundi ég segja að drag sé leið til að tjá sig á annan hátt,
til að skapa karakter og stemningu sem væri erfitt að gera öðruvísi. Í
grunninn er þetta spurning um að geta farið lengra en maður gæti ann-
ars og þegar öllu er á botninn hvolft snýst þetta um að skemmta fólki.
Hvað gerirðu þegar þú ert ekki að taka þátt í
dragkeppnum?
Ég er í Margmiðlunarskólanum og stefni á að fara í tölvuleikjahönnun.
Ég vinn líka í Borgarleikhúsinu við að þjónusta gesti. Ég er mikill
áhugamaður um leikhúsið og mér finnst drag sameina allt það sem ég
elska við leikhús; persónusköpunina, búningahönnunina, gleðina og allt
saman.
Hvar verður þú á Gay Pride?
Í gleðigöngunni verð ég með hinum dragdrottningunum og -kóngunum
úr keppninni og við ætlum að ganga og dansa og hafa gaman.
Hveturðu fólk til að skella sér í drag á Gay Pride?
Ég mundi klárlega segja fólki að prufa það. Ég mundi samt ekki neyða
neinn til þess því að sumum finnst þetta óþægilegt. En þetta getur verið
svo gaman ef þú leyfir þér að sleppa þér aðeins. Ég held ég hafi aldrei
mætt neinu mótlæti. Fólk dýrkar þetta. Ég vara samt við klisjunni, þess-
ari týpu sem er tík á djamminu og er ekki skemmtileg nema í tvær mín-
útur, og hvet fólk til að vera frumlegt og jákvætt.