Morgunblaðið - Sunnudagur - 09.08.2015, Blaðsíða 43

Roger, Marta, Celia og Alexia eru hingað
komin frá Barcelona. Þau höfðu verið í einn
dag á landinu þegar blaðamaður rakst á þau á
Skólavörðustíg en voru að leggja af stað í sjö
daga göngu einhvers staðar á Suðurlandi og
ætluðu svo til Grænlands í viku. Marta spyr
blaðamann hvort Íslendingar trúi í alvöru á
álfa og huldufólk og honum vefst tunga um
tönn. Hún segir að henni finnist það falleg
trú. „Ég held að fólk beri meiri virðingu fyrir
náttúrunni að trúa á svona,“ segir hún. Þau
ætluðu að nota daginn til að skreppa í Bláa
lónið og safna kröftum fyrir komandi göngu-
daga.
FJÖLSKYLDA FRÁ KATALÓNÍU
Sjö daga ganga
Celia, Marta, Roger og Alexia frá Barcelona ætla í sjö daga göngu.
David og Melissa Muenzer frá Washington
D.C. komu hingað fyrir nokkrum dögum
ásamt börnum sínum tveimur. Fjölskyldu-
faðirinn kom hingað í viðskiptaferð fyrir níu
árum og var alltaf ákveðinn í að koma aftur
þegar börnin yrðu eldri. Þau hyggjast dvelja
hér í tvær vikur og ætla að keyra hringinn.
Þau hafa farið niður í Þríhnjúkagíg og sögðu
það mjög mikla upplifun. Margt er á dagskrá,
eins og hestaferðir, bátsferðir, hellaskoðun,
hjólaferðir, gönguferðir, snjósleðaferðir og
að snorkla. „Við erum með stútfulla dagskrá
af ævintýraferðum. Við vorum búin að skipu-
leggja þetta mjög vel á netinu,“ segir Melissa.
FJÖLSKYLDA FRÁ AMERÍKU
Stútfull ævintýradagskrá
Fjölskyldan frá Bandaríkjunum átti í vændum mörg ævintýri á Íslandi.
9.8. 2015 MORGUNBLAÐIÐ SUNNUDAGUR 43
Steve og René Scurich frá Kaliforníu í Banda-
ríkjunum eru hér í ljósmyndasafarí og ætla að
ferðast um í hálfan mánuð. Ferðin var plön-
uð með árs fyrirvara. Þau ætla að ferðast
með hópnum um allt Ísland með rútu, en
Steve er ljósmyndari og René áhuga-
ljósmyndari. Steve segir að fyrir tíu árum hafi
hann séð heimildarmynd um Ísland og síðan
þá hafi draumurinn verið að koma hingað.
„Ég vildi ég hefði komið fyrr, áður en svo
margir ferðamenn uppgötvuðu landið,“ segir
hann. Á ljósmyndanámskeiðinu er lögð
áhersla á landslagsljósmyndun og hlakka þau
mikið til ferðarinnar, en að henni lokinni ætla
þau að eyða nokkrum rómantískum dögum í
París tvö ein.
HJÓN FRÁ KALIFORNÍU
Ljósmyndasafarí
Steve og René frá Ameríku voru að fara í ljósmyndasafarí.
Sabina og Frank frá Þýskalandi eru nýlent og
ætla að ferðast um landið í hálfan mánuð.
Þau eru vel dúðuð þrátt fyrir 14 gráður og
íslenska sumarblíðu. „Við erum að koma úr
35 °C hita í Berlín, þetta er eins og haust fyr-
ir okkur. Þess vegna ákváðum við að koma,
að flýja hitann, en nú er okkur hálf kalt. Það
er svo mikill vindur,“ segja þau hlæjandi. Þau
ætla að ganga Laugaveginn með lítið tjald á
bakinu. Þau segjast hafa verið svo sein að
panta að fullt hafi verið í alla skála á leiðinni.
Blaðamaður fræddi þau um snjóinn á hálend-
inu en þau sögðust vera vön snjó því að Sab-
ina býr núna í Sviss. Eftir gönguna ætla þau að
keyra hringinn, þannig að næstu dagar verða
viðburðaríkir hjá parinu.
PAR FRÁ ÞÝSKALANDI
Frank og Sabina frá Berlín ætla að ganga Laugaveginn og þau hlakkar til.
Ganga Laugaveginn
með tjald á bakinu
Jake og Ethel Ishshah eru búin að vera á Ís-
landi í viku og hafa gist í tjaldi í Laug-
ardalnum. Þau hafa farið í styttri dagsferðir
á vespum sem þau leigðu. „Þær fara mjög
hægt,“ segir Jake, sem dreymir um að
koma aftur og keyra um landið á alvöru
mótorhjóli. Þau segjast ekkert hafa skoðað
næturlífið því að þau hafi ekki efni á því en
hafa notað tímann vel í að skoða sig um í
sveitunum. „Landslagið hér er það sem
stendur upp úr, Þingvellir voru dásamlegir,“
segja þau.
HJÓN FRÁ ENGLANDI
Ferðast um á vespum
Jake og Ethel frá Bristol í Englandi ferðuðust um á vespum en langar næst á mótorhjólum.
Yegen og Anja frá Kíev í Úkraínu eru
hér í hjólaferð. Þau hjóluðu Gullna
hringinn og fóru einnig í Land-
mannalaugar, þar sem þau fóru í
göngu og í heitu laugina. „Þetta hef-
ur verið dásamlegt. Við höfum séð
svo margt. Alls kyns fossa og fjöll og
við fórum líka til Víkur og sáum
svörtu ströndina. Ég er mjög hrifinn
af mosabreiðunum,“ segir hann og
hún bætir við að fiðrildi hafi svifið
yfir mosanum. „Mér leið eins og ég
væri í einhvers konar töfraveröld,“
segir Anja. Hjólaferðin gekk vel þó
að veðrið hafi verið „ótútreiknan-
legt“ en þau segjast oftast hafa feng-
ið fínasta veður, sól og blíðu.
HJÓN FRÁ ÚKRAÍNU
Hjóluðu Gullna hringinn
Anja og Yegen frá Úkraínu hjóluðu mikið á Íslandi.