Morgunblaðið - Sunnudagur - 09.08.2015, Blaðsíða 29
9.8. 2015 MORGUNBLAÐIÐ SUNNUDAGUR 29
Gefið ykkur alveg heilan dag í
þessa uppskrift því að hvert lag
þarf að frjósa áður en næsta lagi
er hellt yfir.
Magn: 6 stk.
300 ml kókosmjólk
100 ml hlynsíróp
Nokkrir dropar náttúrulegir
matarlitir eftir smekk (t.d.
frá Indian Tree)
6 frostpinnaspýtur
Hrærið kókosmjólkinni saman
við hlynsírópið. Skiptið vökv-
anum í sex jafnstórar einingar
(t.d. í sex glös).
Setjið nokkra dropa af matar-
litum (eftir smekk) í hvert glas
og hrærið mjög vel. Til að útbúa
fjólublátt blandið þið rauðum og
bláum saman og til að fá grænan
blandið þið bláum og gulum
saman. Til að fá appelsínugulan
blandið þið rauðum og gulum.
Gott er að merkja íspinnaformið
þannig að þið séuð með sex jafn-
stór bil á forminu.
Hellið fyrst fjólubláa litnum og
látið hann nánast frjósa alveg en
áður en hann frýs í botn, stingið
þá frostpinnaspýtunni í miðjuna
svo að hún standi vel upp úr
forminu. Hellið svo bláa litnum
og látið frjósa, svo græna, gula,
appelsínugula og að lokum þeim
rauða.
Gott að hafa í huga:
Nota má spirulina í staðinn
fyrir græna litinn, maukað
mango í staðinn fyrir appels-
ínugula litinn og maukuð jarðar-
ber í staðinn fyrir þann rauða.
Minnkið kókosmjólkina þá sem
ávöxtunum nemur.
Pride-pinnar Sigrúnar
Ljósmynd/Sigrún Þorsteinsdóttir
BOTN
1 mjög stórt egg eða 2 mjög
lítil
120 hrásykur
40 g maizena-mjöl
40 g spelti, fínmalað
1 tsk. vínsteinslyftiduft
Smá klípa kókosolía
KREM
800 g hreinn rjómaostur
440 g erythritol-flórsykur (eða
fínmalaður hrásykur)
Hrærið eggið/eggin í hrærivél
ásamt hrásykrinum þangað til létt
og ljóst. Hrærið saman maizena-
mjöli, spelti og vínsteinslyftidufti og
bætið varlega út í hrærivélaskálina.
Veltið til með sleikju.
Hellið í 21 cm ferkantað form
(eða kringlótt smelluform ef þið
viljið frekar). Gott er að smyrja
botninn með svolítilli kókosolíu.
Bakið við 175 °C í um 15-18
mínútur.
Á meðan kakan bakast skuluð
þið útbúa kremið: Setjið rjómaost
og erythritol-flórsykurinn í hræri-
vél og blandið vel. Kælið í a.m.k. 30
mínútur. Skiptið kreminu í sex jafn-
stóra skammta (gott að nota litlar
skálar) og hrærið matarlitum út í.
Hafið kremskálarnar allan tímann í
kæliskáp ef þið eruð ekki að með-
höndla kremið því það linast fljótt.
Þegar kakan hefur kólnað skuluð
þið skipta henni (getið skorið laus-
lega með hníf ofan í hana) í sex jafn-
stóra hluta. Setjið kremið í sprautu-
poka og sprautið mynstri á kökuna.
Geymið kökuna í kæliskáp,
kremið linast fljótt við stofuhita.
Athugið að það verður þó nokk-
ur afgangur af kreminu en útbúa
má fallegan ís úr því. Hrærið tvö
egg, skiptið á milli kremskálanna og
hellið út í ísform.
Pride-kaka Sigrúnar
Ljósmynd/Sigrún Þorsteinsdóttir
Sigrún Þorsteinsdóttir er mikill matgæðingur, en húnheldur úti síðunni
cafesigrun.is þar sem hún deilir
hollustuuppskriftum. Hún lætur
hátíðarhöld Hinsegin daga ekki
fara framhjá sér og notar tæki-
færið til að vera bæði litrík og
hugmyndarík. Hún býr til nýjar
uppskriftir árlega fyrir þennan
sérstaka dag og hefur gert frá
2007. Í ár ætlar hún að baka köku
og gera frostpinna og deilir upp-
skriftum sínum með lesendum.
Ekki hollasta kakan
á vefnum
Sigrún eldar allan mat sinn frá
grunni og passar vel upp á holl-
meti fæðunnar en víkur aðeins frá
reglunni einstaka sinnum og segir
kökuna kannski ekki vera það
hollasta í heimi. „Þetta er mjög
þunnur svampbotn sem ég nota
stundum í neyð, en venjulega er
ég ekki mjög hrifin af þeim. Þetta
er ekki hollasta kakan á vefnum
en skemmtileg engu að síður og
ég nota ávallt náttúrulega mat-
arliti. Einnig inniheldur kremið
engan sykur, en í það nota ég
erýtrítól í staðinn fyrir hrásykur,“
segir hún. Hún leggur mikla
vinnu í undirbúninginn. „Ég er
lengi að hugsa þær því að ég get
aðeins gert kaldar uppskriftir,
þ.e. ekki bakað neitt með litum af
því að ég nota náttúrulega matar-
liti sem halda sér ekki í bakstri.
Þetta eru því svolítil heilabrot ár
hvert,“ segir Sigrún. Hún segir
þetta sína leið til að sýna barátt-
unni stuðning.
Tími til að vera litríkur
Sigrún Þorsteinsdóttir lætur ekki Hinsegin daga fara framhjá sér og býr til sérstaka rétti fyrir þennan sérstaka dag.
Morgunblaðið/Sverrir