Tímarit hjúkrunarfræðinga - 01.02.2011, Blaðsíða 11

Tímarit hjúkrunarfræ›inga – 1. tbl. 87. árg. 2011 7
áratugar síðustu aldar. Hann var með
mælanlegan blóðþrýsting og hjartslátt
sem var samstilltur þreifanlegum púlsum.
Sýndarsjúklingurinn andaði sjálfkrafa,
gat opnað og lokað munninum og var
stjórnað af utanáliggjandi tölvu. Núorðið
líta tölvustýrðir sýndarsjúklingar nokkuð
raunverulega út og bregðast við íhlutunum
á sífellt raunverulegri hátt. Tölvustýrðir
sýndarsjúklingar eru í raunverulegri
stærð og með nákvæm hæðar- og
þyngdarhlutföll. Þeir eru með höfuð, háls,
búk, útlimi og húð og eru hannaðir til að
líkjast raunverulegum sjúklingum og er
þeim stjórnað af háþróuðum hugbúnaði.
Sýndarsjúklingar geta þannig líkt eftir
lífeðlisfræði mannsins í rauntíma á mjög
nákvæman hátt, og geta nemendur
æft mörg atriði sem stuðla að verklegri
færni og auknum skilningi á starfsemi
mannslíkamans.
Tölvustýrðir sýndarsjúklingar hafa
mælan legan blóðþrýsting og hægt er
að gefa þeim lyf í æð og vöðva. Augnlok
sýndarsjúklinga opnast og lokast, ljósop
bregðast við ljósi, lyfjum og taugaskaða.
Hægt er að hlusta á öndunarhljóð,
hjartahljóð og garnahljóð sýndarsjúklings
sem hvert fyrir sig er hægt að stilla í
eðlilegt eða óeðlilegt ástand á borð við
loftbrjóst, hjartaóhljóð eða garnastíflu.
Púls og hjartahljóð eru samstillt við
hjartalínurit. Öndunarhljóð eru samstillt
við hreyfingu brjóstkassans í hverjum
andardrætti. Hægt er að framkvæma
mikil inngrip á sýndarsjúklingum ásamt
því að tengja hann við raunveruleg
tæki, svo sem vaktara. Þá eru
öndunarfæri sýndarsjúklinga flókin smíð
og samræmast líffærauppbyggingu
mannsins þannig að loftvegameðhöndlun
er eins lík raunveruleikanum og verða
má. Hægt er stjórna öndunartíðni og
draga úr henni þannig að sjúklingurinn
fjari út í öndunarstopp. Þá er hægt er að
gefa súrefni með súrefnisgleraugum eða
súrefnisgrímu. Öndun getur farið fram með
aðstoð öndunarbelgs eða með aðstoð
öndunarvélar í gegnum barkarennu. Unnt
er að nota öll hjálpartæki sem notuð
eru við loftvegameðhöndlun, svo sem
kokgrímu og kokrennu. Hálsinn býður
upp að þjálfaður sé barkaraufskurður.
Á vaktara má sjá hver súrefnisprósenta
er í inn- og útöndun og koldíoxíð í
útöndun. Vegna þess hversu fulkominn
öndunarvegur sýndarsjúklings er, er
barkaþræðing möguleg og hægt að
berkjuspegla hann með þar til gerðum
búnaði.
Nemendur geta þreifað púls í útlimum,
metið öndunartíðni, öndunarmynstur