Tímarit hjúkrunarfræðinga - 01.02.2011, Blaðsíða 46
Tímarit hjúkrunarfræ›inga – 1. tbl. 87. árg. 201142
Bergljót Líndal formaður setti hátíðina. Hún
talaði vítt og breitt um tilveru deildarinnar
og sagði frá dagskrá fundarins. Hún
sagði 117 hjúkrunarfræðinga hafa sótt
fundinn. Salurinn var fallega skreyttur og
hátíðlegur.
Oddný M. Ragnarsdóttir ritari sagði frá
sumarferð öldungadeildar 10. júní 2010
sem var skemmtileg og vel heppnuð að
vanda. Farið var til Skálholts, Geysis,
Laugarvatns og Þingvalla.
Guðrún Guðnadóttir gjaldkeri minntist 30
ára afmælis félagsins. Þar sagði hún frá
upphafi deildarinnar sem þá var deild
ellilífeyrisþega innan Hjúkrunarfélags
Íslands, stofnuð 20. október 1980. Hlaut
deildin nafnið Hlíf. Á stofnfund mættu
43 tilvonandi félagar. Rétt til aðildar
áttu þeir félagar sem voru sjóðsfélagar
í Lífeyrissjóði hjúkrunarkvenna og orðnir
elli-, örorku- eða makalífeyrisþegar;
jafnframt þeir félagar í Hjúkrunarfélagi
Íslands sem náð höfðu 60 ára aldri
þótt þeir væru ekki orðnir lífeyrisþegar
í Lífeyrissjóði hjúkrunarkvenna. Fundað
var tvisvar á ári fyrstu árin, vorfundir, sem
jafnframt voru aðalfundir, og haustfundir.
Fyrsta sumarferðin var farin 1991 og fyrsti
jólafundurinn var árið 2000. Fundirnir voru
haldnir í húsi félagsins fyrstu árin en nú
hefur félagið flutt yfir á Grandhótel vegna
þess hvað félögum hefur fjölgað mikið.
Einnig ræddi hún þróun mála félagsins,
einnig um kynni félagsins af dönskum
eftirlaunaþegum, Senior sammen s lut-
ningen í Dansk Sygeplejeråd, ferða lögum
bæði danskra öldunga til Íslands og
íslenskra til Danmerkur. Einnig greindi
hún frá minjasafninu í Kolding og þeim
áhuga okkar íslenskra félaga að setja
upp samsvarandi minjasafn hér á Íslandi
en það er í vinnslu.
Stjórn öldungadeildar. Í stjórninni eru frá vinstri Oddný M. Ragnarsdóttir ritari, Erna Aradóttir, Emilía
Guðjónsdóttir, Ingileif Ólafsdóttir, Bergljót Líndal formaður, María Guðmundsdóttir varaformaður, Nanna
Jónasdóttir og Guðrún Guðnadóttir gjaldkeri.
hjúkrunarfræðinga. Í lokin tók Guðrún
fram hve gott það er að eiga þessa deild
þar sem gamlir vinir og samstarfsmenn
koma saman – það gefur lífinu gildi.
Sveinn Einarsson, leikstjóri og rith öfund-
ur og einn af gestum dagsins, flutti
ávarp um það sem hann kallaði „Það
sem allir vilja verða“. Hann sagði meðal
annars: Aldurinn eða öldrun er það
sem við komumst ekki hjá. Samfélagið
á í erfiðleikum með þann stóra hóp
aldraðra sem að mati margra fjölgar of
Taldir voru upp formenn frá upphafi en
þeir eru 7. Fyrsti formaður var Sigríður
Bjarnadóttir 1980-1983. Núverandi
for maður er Bergljót Líndal frá 2007.
Guðrún sagði frá þeim þáttaskilum
sem urðu á málum félagsins árið 1994
þegar það var „lagt niður“ ásamt Félagi
háskólamenntaðra hjúkrunarfræðinga og
stofnað nýtt sameiginlegt félag sem hlaut
nafnið Félag íslenskra hjúkrunarfæðinga.
Af þeim sökum var sú ákvörðun tekin
að endurnýja deildina og fékk hún þá
nafnið öldungadeild Félags íslenskra
Oddný M. Ragnarsdóttir, oddnymr@simnet.is
AFMÆLISFUNDUR
ÖLDUNGADEILDAR
30 ára afmælis- og haustfundur öldungadeildar Félags íslenskra hjúkrunar-
fræðinga var haldinn 20. október 2010 á Grandhóteli.