Tímarit hjúkrunarfræðinga - 01.02.2011, Page 17

Tímarit hjúkrunarfræ›inga – 1. tbl. 87. árg. 2011 13
hún síðan meistararprófi í stjórnun frá
hjúkrunarfræðideild Háskóla Íslands. Í
millitíðinni varð hún sér úti um mikla
reynslu, bæði í Svíþjóð og hér heima.
Hún starfaði hjá Landlæknisembættinu
í tvö ár og í fjögur ár á geðsviði sem
deildarstjóri á Arnarholti og síðan sem
verkefnastjóri á geðsviði þar til hún fór í
sumarvinnu til Danmerkur 2006.
Stjórnunin heillar
„Stjórnun hefur alltaf heillað, mér líkar að
vera í krefjandi starfi sem reynir á. Til að
ná fram því besta mögulega þá ríður á
að stjórnandinn sé góður og haldi uppi
góðum starfsanda, sé hvetjandi og veiti
starfsfólki sjálfstæði í sínu starfi. Þegar
álag á starfsfólk eykst stöðugt, eins og
núna þegar ráðningarbann ríkir, er alltaf
hætta á að fólk bugist, veikist og brenni
út. Starfsfólk þarf að hlaupa hraðar og
frítími er lítill því stöðugt er verið að kalla
það á aukavaktir sem ég get ekki ímyndað
mér að sé sparnaður í,“ segir Erla.
„Við slíkar aðstæður getur stjórnandinn
kannski ekki breytt því sem hann sjálfur
þó vildi. Mér hefur fundist gaman að
vinna á öllum deildum. Kannski er það
einhver spennufíkn og löngun til að
fræðast. Mér hefur þótt mest gaman
á bráðadeildum, bæði hér heima og í
Svíþjóð. Á bráðadeildum ber minna á, að
mínu mati, stéttaskiptingu sem er nokkur
á spítölum almennt. Við erfiðar aðstæður
reynir meira á samstöðu.“
Vænti þess að viðhorf breytist
Erla starfaði um skeið sem forstöðumaður
dvalarheimilis aldraðra í Stykkishólmi en
nú hjá Heima er best. Eins og nafnið gefur
til kynna er leiðarljósið að fólk geti verið
heima eins lengi og það vill. Heima er best
er dótturfyrirtæki Öryggismiðstöðvarinnar
og var stofnað í samvinnu við Helgu
Hansdóttur öldrunarlækni fyrir rúmu ári.
„Við bjóðum meðal annars félagslega
þjónustu og viðmið okkar er að hafa
samfellu í þjónustunni, að það sé sami
aðili sem fer og sinnir hverjum einstaklingi.
Þetta metur fólk mikils, það myndast
traust bæði gagnvart skjólstæðingi og
öðrum í fjölskyldu viðkomandi. Það
skiptir fólk máli að geta ráðið því sjálft
hver sinnir því, hvenær og hvernig. Eins
og þetta er núna í almenna félagslega
kerfinu fá þeir sem þurfa mikla aðstoð
að þjónustu frá mörgum einstaklingum
og lítil samfella er í þjónustunni,“ segir
Erla sem væntir þess að viðhorf til
einkarekinnar þjónustu breytist. Hún
segir líkanið vera til og hafi gefið góða
raun. Í Danmörku kaupi hið opinbera
þjónustuna af mörgum einkafyrirtækjum
og þar hefur einstaklingurinn einnig val
um hver veiti honum þjónustuna, þetta er
notendastýrð þjónusta. Á Íslandi sé farið
hægar í sakirnar þó eitthvað sé um að
sveitarfélög hafi valið þessa leið.
Hrós og hvatning
Þjónusta Heima er best er fjölbreytt.
Fyrirtækið veitir sjúklingum heildstæða
þjónustu og þá eru hjúkrunarfræðingar
á símavakt sem svara erindum frá
skjólstæðingum og fjölskyldum þeira.
Þá sinna hjúkrunarfræðingar, sjúkraliðar,
félagsráðgjafi, iðjuþjálfi og sjúkraþjálfari
heimaþjónustu, það er fara í vitjanir
og sinna umönnun, eftirliti, fræðslu,
forvörnum og heilsueflingu.
„Heima er best er einnig með læknis-
þjónustu þar sem öldrunarlæknirinn er
með læknisstofu og fer í heimavitjanir.
Síðan eru námskeið í gangi, endur-
minningar námskeið fyrir aldraða og
á næstunni munum við bjóða upp á
leik fimi fyrir aldraða sem sjúkarþjálfari
stýrir. Þá bjóðum við einnig félagslegan
stuðning og liðveislu, jafnt hinum eldri
sem yngri. Má þar nefna afþreyingu þar
sem starfsfólk Heima er best er til staðar
ef skjólstæðingar vilja sinna áhugamálum
sínum en vantar til þess stuðning – til
dæmis fara í bíó, á kaffihús, í gönguferðir,
ferðalög, á tónleika og fleira slíkt. Einnig
getur verið um að ræða aðstoð við
innkaup og daglega snúninga, aðstoð við
lyfjatöku, matargerð og svo mætti lengi
áfram telja. Engin takmörk eru í raun á
því hve víðtæk þjónustan getur verið.
Og það gilda sömu lögmál í stjórnun og
hjúkrun, góð orð og kærleikur geta verið
aflvaki svo margs. Hrós og hvatning hafa
mikið að segja.“
Gefur og fær til baka
„Ég veit ekki hvort þetta er bara þjóðin
eða hvað, mér finnst að í hjúkruninni
geri stjórnendur og samstarfsfólk ekki
nógu mikið af því að hrósa. Hins vegar
er alveg sérstakt samband sem myndast
þegar maður hjúkrar einhverjum og þar
finnur maður áþreifanlega að það er gott
að gefa. Og er það ekki svo að allt sem
maður gefur frá sér fær maður til baka?“
segir Erla Björk Sverrisdóttir að síðustu.
Fastus ehf. | Síðumúla 16 | 108 Reykjavík | Sími 580 3900 | www.fastus.is
Yogabuxur, leggins,
stuðningsbrjósta­
haldarar og ýmiss
aðhaldsfatnaður
Mikið að
hald,
góð önd
un,
stærðir X
S­4XL