Tímarit hjúkrunarfræðinga - 01.02.2011, Síða 19

Tímarit hjúkrunarfræ›inga – 1. tbl. 87. árg. 2011 15
manneskju og umhverfis er. Leiðbeiningar
höfundar eru byggðar á rannsóknum,
sérfræðiþekkingu og viðmiðum frá Hjarta-
vernd í Bandaríkjunum og heilbrigðis-
stofnunum. Þessar leiðbeiningar geta
hjálpað til við að finna eðlileg viðmið
til að ná heilsumarkmiðum og viðhafa
heilbrigðar lífsvenjur.
Höfundur mælir ekki með að notuð séu
bætiefni heldur staðhæfir að hægt sé
að fullnægja daglegri næringarþörf með
hollu fæði í hæfilegu magni. Þegar fjallað
er um fæðutegundir leggur höfundur
mesta áherslu á að forðast viðbættan
sykur en miðað er við að 45%-65%
af hitaeiningum fæðunnar komi úr
kolvetnum. Auka ber grófmeti og trefjar
í fæðunni, borða meira af ferskum
ávöxtum og grænmeti. Mælt er með að
forðast vörur sem innihalda mettaða fitu
en nota einómettaða og fjölómettaða
olíu. Drekka á helst um tvo lítra af vatni
á dag en forðast að drekka sætan
ávaxtasafa og gosdrykki. Höfundur
talar um að ekki séu vísindalegar
leiðbeiningar um að nota beri lífrænt
ræktaðar matvörur heldur er það val
hvers og eins. Varðandi hreyfingu er
mælt með að fólk þjálfi sig að minnsta
kosti í tvær og hálfa klukkustund á viku
auk styrktarþjálfunar tvo daga vikunnar.
Í bókinni eru gefin dæmi um fæðutegundir
sem gott er að hafa á heimilinu og
hvað ætti að hugsa um þegar farið er
að versla. Gefin eru dæmi um hollar
uppskriftir og hvernig njóta má góðra
matarvenja. Lokakaflinn er tileinkaður
leiðbeiningum um hvernig maður sækir
sér frekari fræðslu á ákveðnum sviðum
og dæmi gefin um vefföng og hvar hægt
er að fá upplýsingar frá viðurkenndum
félagasamtökum.
Þessi bók er góð hvatning fyrir
hjúkrunarfræðinga um að hugsa vel um
eigin heilsu ekki síður en um heilsu
annarra. Efnið er auðlesið og sett þannig
upp að leiðbeiningarnar eru auðveldar og
gætu að mörgu leyti hentað almenningi til
að auka þekkingu um heilsuna.
Sólfríður Guðmundsdóttir er hjúkrunar fræðingur
með meistaragráðu í fjölskyldu hjúkrun og
doktors gráðu í stjórnun lýðheilsu. Hún starfar við
Rannsóknastofnun í hjúkrunarfræði og er ráðin
tímabundið til FÍH til að stuðla að heilsueflingu
félagsmanna.
hjúkrunarfræðingur
MEÐ SÉRMENNTUN - VILT ÞÚ BREYTA TIL?
Kynntu þér atvinnutækifæri í Noregi. Óskum eftir ljósmæðrum og sérhæfðum hjúkrunar-
fræðingum til að starfa við gjörgæsluhjúkrun, skurðhjúkrun, svæfingahjúkrun og bráðahjúkrun
í skemmri og lengri tíma í Vestfold fylki, Akershus fylki og Osló. Þetta er spennandi tækifæri
til að auka víðsýni og styrkja starfshæfni.
gilt starfsleyfi og tungumálakunnátta nauðsynleg.
Nánari upplýsingar eru á heimasíðu okkar www.solstodur.is.
Starfsviðtal er hægt að panta hjá Rósu Þorsteinsdóttur, ráðningarstjóra,
í síma 514 1452 eða 861 6357, eða á tölvupóstfanginu rosa@solstodur.is.
Sólstöður er félag sem sérhæfir sig í að útvega heilbrigðisstarfsfólki
afleysingastörf til lengri eða skemmri tíma erlendis. Áreiðanleiki og
traust er ávallt haft að leiðarljósi í störfum félagsins.
Sólstöður ehf. Laugavegi 182, 105 Reykjavík, sími: 5141452
PO
RT
h
ön
nu
n Sólsto ur
Atvinnutækifæri