Tímarit hjúkrunarfræðinga - 01.02.2011, Qupperneq 52

Tímarit hjúkrunarfræ›inga – 1. tbl. 87. árg. 201148
Félag vistmanna „Sjálfsvörn“, starfar
með blóma. Það sér um heil brigðar
skemmtanir og annast bókasafn
staðarins, sem fengið hefir margar góðar
gjafir og eykst árlega heimamönnum til
gleði og þroska.
Eins og ég sagði í byrjun, var ég ein af
þeim vantrúuðu, og ekki var hugrekkið
mikið, þegar ég stóð frammi fyrir fyrsta
vistmannahópnum 1. febrúar fyrir 5
árum. En mér lærðist fljótt að þessir
braut ryðjendur höfðu þann undraverða
stálvilja og þrautseigju, sem meðvitundin
um að vera ekki lengur ómagi, heldur
þátttakandi í miklu þjóðnýtu starfi,
gaf þeim. Auðnuleysissvipurinn hvarf
við starfið, eirðarleysið þokaði fyrir
vinnugleðinni og ástinni á heimili þeirra
Reykjalundi.
Valgerður Helgadóttir lauk hjúkrunarnámi við
Bispebjerg Hospital í Kaupmannahöfn 1931 og
stundaði framhaldsnám í Danmörku og Austurríki.
Hún var virk í félagsmálum og sat meðal annars í
ritstjórn Tímarits hjúkrunarkvenna 1933-36. Valgerður
var yfirhjúkrunarkona á Reykjalundi 1945-61.
Reykjalundur í desember 2005. Ljósmyndari er Jóhannes Long.
Á heimsvísu eru berklar enn stórt vandamál. Talið
er að 1,7 milljónir manna hafi látist af völdum berkla
2009 og eru berklar þriðja stærsta dánarorsökin hjá
konum. Ný tilfelli voru sama ár um 9,4 milljónir eða
137 á hverja 100.000 íbúa jarðar. Um 440.000 manns
greindust með fjölónæma berkla 2008. Ef talan er
svipuð 2009 eru það um 5% tilfella. Einnig eru til
gjörónæmir berklar en þeirri tegund valda gerlar sem
eru ónæmir fyrir öllum gerðum sýklalyfja. Vanalega
eru um 3% af berklatilfellum af völdum gjörónæmra
gerla en sums staðar í Sovétríkjunum fyrrverandi er
hlutfallið 28%. Gjörónæmir berklar hafa verið greindir
í 58 löndum.
Alþjóðaheilbrigðismálastofnunin setti 2006 fram áætlun
um að stöðva útbreiðslu berkla í heiminum. Erfitt er að
segja hversu mikil áhrif hún hefur haft en nýgengi hefur
minnkað síðan 2004 og dánartíðni hefur minnkað um
35% síðan 1990.
Á Íslandi greindust 9 ný berklatilfelli 2009 en fjölónæmir
berklar eru sjaldgæfir. Á árunum 2003-2008 greindust
3 tilfelli, öll hjá nýbúum. Ástæða er til að fylgjast vel
með berklum hjá innflytjendum til þess að forðast að
sjúkdómurinn breiðist út. Meðferðin er langvarandi og
kostnaðarsöm og á það sérstaklega við um fjölónæma
berkla.
Enn algengur sjúkdómur