Morgunblaðið - 17.09.2015, Blaðsíða 4

4 FRÉTTIRInnlent
MORGUNBLAÐIÐ FIMMTUDAGUR 17. SEPTEMBER 2015
Auglýsing um innlausnarverð
verðtryggðra spariskírteina ríkissjóðs
Flokkur: 1995 1.fl. D 20 ár (RIKS 15 1001)
Innlausnardagur: 1. október 2015
Innlausn spariskírteina ríkissjóðs fer fram hjá
Seðlabanka Íslands, Kalkofnsvegi 1, Reykjavík.
Reykjavík, 17. september 2015.
Seðlabanki Íslands
*Innlausnarverð er höfuðstóll og verðbætur
Nafnverð Innlausnarverð
Kr. 100.000 Kr. 249.164
Kr. 1.000.000 Kr. 2.491.643
Kr. 10.000.000 Kr. 24.916.427
Í dag verður skrifað undir sam-
starfsyfirlýsingu milli MS og Sig-
túns þróunarfélags um þróun sýn-
ingar sem tengist mjólkuriðnaði og
íslenska skyrinu.
Leó Árnason, einn forsvarsmanna
Sigtúns, segir að fyrst og fremst sé
ætlunin að byggja upp skemmtileg-
an og virkan miðbæ fyrir íbúa Sel-
foss en þó einnig með því ívafi að
hann dragi að sér ferðamenn.
„Það eru þrjár meginstoðir í verk-
efninu; í fyrsta lagi minnisvarði um
miðaldakirkjur í Skálholti en þar
inni er ætlunin að koma fyrir sýn-
ingu um byggingar aldanna á Ís-
landi, í öðru lagi verður endurbyggt
Gamla mjólkurbúið sem var byggt
árið 1929 en rifið illu heilli tveimur
áratugum síðar og í þriðja lagi end-
urbyggingar Hótel Íslands og Hótel
Akureyrar sem bæði brunnu á sínum
tíma,“ segir Leó en bætir við að
stefnt sé að því að leigja hinar bygg-
ingarnar undir íbúðir og fjölbreytta
atvinnustarfsemi.
Bæjarráð Árborgar hefur veitt
Sigtúni vilyrði fyrir úthlutun mið-
bæjarreits á Selfossi þar sem nú
stendur autt svæði. Um er að ræða
svæðið sem blasir við þegar komið er
yfir Ölfusarárbrú inn í bæinn. Mið-
bærinn á að vera í gömlum stíl og
eiga sér sögulega fyrirmynd en
stefnt er að því að reisa 28 hús sem
muni öll verða tilbúin í notkun árið
2017. Leó segir að sjö af hverjum tíu
ferðamönnum sem komi til Íslands
fari um Selfoss en að hingað til hafi
of fáir stoppað þar og þá iðulega í
skamman tíma í senn. Með byggingu
miðbæjarins sé verið að búa til
ástæðu fyrir ferðamenn til þess að
hafa viðkomu á Selfossi og að bæj-
arfélagið geti gert sig gildandi í
þessari ört vaxandi atvinnugrein.
isak@mbl.is
Mynd/Batteríið-arkitektar
Aðalgatan Gengið að minnisvarðanum um miðaldakirkjur. Hugmyndinni er ætlað að laða ferðamenn að Selfossi.
Vilja endurreisa
Hótel Ísland á Selfossi
 Viljayfirlýsing um mjólkursafn undirrituð á Selfossi í dag
Mynd/Batteríið-arkitektar
Gamli miðbærinn Yfirlitsmynd af Gamla mjólkurbúinu og húsum sem
tengjast Selfossi og Suðurlandi, næst hringtoginu við brúna yfir Ölfusá.
Agnes Bragadóttir
agnes@mbl.is
Sendinefnd á vegum nokkurra fyr-
irtækja í Samtökum fyrirtækja í
sjávarútvegi (SFS) fór nýverið til
Rússlands til þess að eiga viðræður
við viðskiptamenn sína þar, sem
keypt hafa makríl, síld og frystar
loðnuafurðir frá Íslandi. Samkvæmt
heimildum Morgunblaðsins var
markmiðið með förinni að kanna
hvort ekki væri grundvöllur til þess
að koma á viðskiptum á nýjan leik
og hvort möguleiki væri á því að
Rússar féllu frá viðskiptabanni sínu
á Ísland. Enginn árangur mun hafa
orðið af förinni.
Líkt og fram kom í Morgun-
blaðinu fyrir rúmum mánuði ræddi
Sigmundur Davíð Gunnlaugsson
forsætisráðherra símleiðis við Dim-
ítrí Medvedev, forsætisráðherra
Rússlands. Ráðherrarnir ræddu þá
alvarlegu stöðu sem upp er komin í
samskiptum ríkjanna. Meðal þess
sem Medvedev mun hafa rætt við
forsætisráðherra um var að löndin
ættu að ráðast í sameiginlegt átak
(e. Joint Venture).
Í kjölfar þess samtals mun SFS
hafa ákveðið að hópur manna færi
til Rússlands til þess að kanna ofan
í kjölinn hvað fælist í þessum orð-
um forsætisráðherra Rússlands.
Niðurstaðan mun hafa orðið sú að
Rússarnir sem við var rætt höfðu
ekki hugmynd um hvað fólst í þess-
um orðum Medvedevs um „Joint
Venture“. Auk þessa munu fulltrú-
ar íslensku sjávarútvegsfyrir-
tækjanna hafa fengið fyrirmæli frá
rússneskum stjórnvöldum um að
hér eftir ættu þeir að beina öllum
sínum fyrirspurnum og óskum til
eins rússnesks fyrirtækis, sem
handvalið væri af rússneskum
stjórnvöldum.
Ekki formlegir fundir
Á vegum utanríkisráðuneytisins
hefur að undanförnu verið reynt,
samkvæmt upplýsingum Morgun-
blaðsins, að fá rússnesk stjórnvöld
til þess að útskýra hvað Mevedev
átti við með orðum sínum um sam-
eiginlegt átak. Þetta mun hafa verið
í gegnum óformleg samskipti eða
þreifingar en ekki á formlegum
fundum.
Heimildarmenn Morgunblaðsins
hallast helst að því að þetta hafi
verið „merkingarlítið kurteisishjal“
eða „sýndarleikur“ hjá forsætisráð-
herra Rússlands, og vilja, a.m.k. að
svo komnu máli, ekki leggja neina
dýpri merkingu í orðin.
Fram hefur komið í fréttum í
Noregi að Norðmenn vilji einnig
hefja nýtt samtal við Rússa til þess
að greiða fyrir bættum samskiptum
landanna. Þreifingar í þá veru
munu hafa verið á óformlegum nót-
um í Noregi líkt og hér á landi.
Óformlegar þreif-
ingar við Rússa
 Leita skýringa á orðum Dimítrís
Medvedevs um „Joint Venture“
Morgunblaðið/Árni Sæberg
Makríll Ekki liggur enn fyrir um
hvað hugmynd Medvedevs snerist.
Sigmundur Davíð
Gunnlaugsson
Dimítrí
Medvedev
Ungur íslenskur maður, Benjamín
Ólafsson, sem leitað var í borginni
Catania á Sikiley á Ítalíu, fannst í gær.
Hans var saknað eftir að hann yfirgaf
norska björgunarskipið Siem Pilot,
þar sem hann er skipverji, aðfaranótt
mánudags. Siam Pilot er að störfum
fyrir Frontex, landamærastofnun
Evrópusambandsins.
Móðir Benjamíns, Ragnheiður
Benjamínsdóttir, sagði í samtali við
mbl.is í gærkvöldi að hún gæti ekki
gefið frekari upplýsingar að svo
stöddu, aðrar en að hann væri á lífi.
Talsmaður norska skipafélagsins,
O. H. Meling & Co. AS, sem á Siem
Pilot, sagði í samtali við mbl.is í gær-
kvöldi að Benjamín væri við góða
heilsu og myndi snúa aftur til Noregs,
þar sem hann er búsettur, ásamt fjöl-
skyldu sinni að lokinni læknisskoðun.
Á ítölsku fréttasíðunni Live Sicilia
Catania segir að Benjamín hafi fund-
ist í geymsluhúsnæði við brautarstöð-
ina í Catania, en norska blaðið
Dagbladet segir að Kripos, norska
rannsóknarlögreglan, hafi ekki viljað
greina frá því hvar Benjamín var.
Benjamín
fannst
heill á húfi
 Fer fljótlega
heim til Noregs
Benedikt Bóas
Ísak Rúnarsson
„Fyrirspurn okkar til Strætó á sín-
um tíma um kostnað árið 2015 var
svarað með því að við mættum gera
ráð fyrir að kostnaðurinn yrði svip-
aður og árið 2014. Á þessu svari
byggðum við okkar áætlun. Enda
var það einn megintilgangur þessa
samstarfs að ná niður kostnaði,“ seg-
ir Haraldur L. Haraldsson, bæjar-
stjóri Hafnarfjarðarbæjar.
Hafnarfjarðarbær skoðar nú
hvort bærinn geti komist út úr sam-
starfi sínu við Strætó um ferðaþjón-
ustu fatlaðra. Kostnaðaráætlun bæj-
arins var 73 milljónir en stefnir í að
verða 205 milljónir.
Flestar og lengstar ferðir
Í minnisblaði Strætó um kostnað
af þjónustunni frá 2014 segir: „Í ljósi
þess að niðurstaða útboðs var mjög
ásættanleg er ekki ástæða til annars
en að gera ráð fyrir að kostnaður við
akstur verði sambærilegur á næsta
ári og hann var á þessu ári. Ekki er
raunhæfur möguleiki til að meta
kostnaðinn ná-
kvæmar en svo
fyrir hvert sveit-
arfélag fyrir sig
fyrr en reynsla er
kominn á akstur-
inn.“ Ennfremur
segir: „Hafa verð-
ur í huga að
ákvarðanir sveit-
arfélaga um út-
hlutanir ferða og
gjaldskrár ráða mestu um endanleg-
an kostnað.“
„Það er hægt að útskýra kostn-
aðinn að einhverju leyti. Það er búið
að uppfæra alla bílana, bæta við
þjónustuna, það er búið að stytta
ferðatíma og bærinn tók af hámarks-
ferðir. Hafnarfjörður er með flestar
ferðir á hvern notenda og lengstu
ferðirnar,“ segir Jóhannes Rúnars-
son, framkvæmdastjóri Strætó.
Hann segir að allar upplýsingar
hafi legið fyrir þegar bærinn var að
smíða kostnaðaráætlun og að bærinn
hefði getað reiknað út kostnaðinn
miðað við þær upplýsingar sem hann
hafi fengið.
Skiptar skoðan-
ir um kostnað
Jóhannes
Rúnarsson
 Segja allar upplýsingar hafa legið fyrir