Morgunblaðið - 17.09.2015, Blaðsíða 9

FRÉTTIR 9Innlent
MORGUNBLAÐIÐ FIMMTUDAGUR 17. SEPTEMBER 2015
Guðni Einarsson
gudni@mbl.is
Gróðurhúsum hefur fækkað veru-
lega mikið í Hveragerði á undan-
förnum árum. „Þegar mest var voru
um 50.000 fermetrar af gróðurhús-
um í bænum. Í lok árs 2010 voru
24.000 fermetrar af gróðurhúsum
eftir og hefur þeim fækkað enn
meira síðan,“ segir í greinargerð
sem fulltrúar S-listans í Hveragerði
lögðu nýlega fram í bæjarstjórn. Þar
kemur m.a. fram að gróðurhús hafi
horfið hratt úr miðbænum á undan-
förnum árum.
Fulltrúar S-listans lögðu til að
hafist yrði handa við gerð varð-
veislumats gróðurhúsa í bænum.
Matið yrði síðan lagt til grundvallar
ákvörðun bæjarstjórnar um verndun
einstakra gróðurhúsa í Hveragerði.
„Eitt meginsérkenni Hveragerðis
eru gróðurhúsin. Gróðurhúsin hafa
verið hluti af Hveragerði frá upphafi
byggðar árið 1929 og eru þar af leið-
andi órjúfanlegur hluti af ímynd
bæjarins og eitt meginsérkenni hans
ásamt hverasvæðinu í miðju bæjar-
ins,“ segir í greinargerðinni. Þá er
vitnað í greinargerð Péturs Ár-
mannssonar, arkitekts, um verndun
húsa og yfirbragð byggðar í Hvera-
gerði. Hann segir að gróðurhús hafi
verið einkennandi fyrir bæinn. Án
þeirra verði miðbærinn vart svipur
hjá sjón.
Tillaga S-listans var felld með at-
kvæðum meirihlutans sem lagði
fram bókun. Í henni kom fram að
hafin sé vinna við endurskoðun aðal-
skipulags bæjarins. „Þar telur meiri-
hlutinn rétt að varðveislugildi gróð-
urhúsa verði skoðað eins og annarra
mannvirkja í bæjarfélaginu,“ segir í
bókuninni.
Engin ný gróðurhús í byggingu
Aldís Hafsteinsdóttir, bæjarstjóri
í Hveragerði, sagði að enn séu þó-
nokkuð mörg gróðurhús í Hvera-
gerði. Það verði skoðað hvernig
hægt verði að varðveita heildarmynd
og ímynd bæjarins við endurskoðun
aðalskipulagsins. Sú vinna er nýlega
hafin og gæti tekið 1-2 ár.
„Gróðurhúsum hefur fækkað í
Hveragerði. Það gerðist ekki síst á
árunum fyrir hrun,“ sagði Aldís.
„Verktakar sáu þá möguleika í að
kaupa gróðrarstöðvar í miðbænum
með það í huga að byggja þar íbúðar-
hús. Þau áform strönduðu mörg í
hruninu, en gömlu gróðrarstöðvarn-
ar voru þá farnar.“
Aldís sagði að yfirleitt hefði verið
um að ræða litlar gróðrarstöðvar,
sem margar voru komnar til ára
sinna og stóðu á verðmætu bygging-
arlandi. Garðyrkjubændur sáu
þarna tækifæri til að selja fyrirtæki
sín og aðstöðu á góðu verði. Nú hefur
verið skipulögð íbúðabyggð í mið-
bænum þar sem aðallega er gert ráð
fyrir einbýlishúsum og parhúsum.
Þar er heimilt að vera með minni at-
vinnustarfsemi sem truflar ekki ná-
grennið.
„Eftir sem áður erum við víða með
gróðrarstöðvar í bæjarfélaginu,“
sagði Aldís. Þær eru gjarnan í út-
jaðri byggðarinnar. Engin ný gróð-
urhús eru í byggingu og engar um-
sóknir um leyfi til að byggja
gróðurhús.
„Staðan er sú að það er ekki verið
að auðvelda fólki á Íslandi að stunda
garðyrkju og ylrækt,“ sagði Aldís.
„Garðyrkjubændur hafa barist fyrir
því árum saman að fá að kaupa raf-
orku til sinnar góðu og vistvænu
framleiðslu á sama verði og stóriðj-
an. Raforka er einn stærsti útgjalda-
liðurinn hjá mörgum garðyrkju-
stöðvum. Á meðan ástandið er svona
er ekki mjög fýsilegt fyrir ungt fólk
að fara út í þessa atvinnugrein, því
miður. Það skrifast á ríkisstjórnir
undanfarinna ára að hafa ekki komið
í gegn þessu mikla réttlætismáli, að
lækka raforku til garðyrkju, sem
skiptir svo miklu fyrir atvinnugrein-
ina og landið í heild.“
Færri gróðurhús í
Hveragerði en áður
 Bæjarstjóri segir ekki létt fyrir ungt fólk að hefja ylrækt
Morgunblaðið/Ásdís
Hveragerði Gróðrarstöðvum hefur fækkað á undanförnum árum. Skoða á
varðveislugildi gróðurhúsa líkt og annarra bygginga í bænum.
Aukablað alla
þriðjudaga
Alsilkiundirföt
Glæsileg gjöf
Laugavegi 82, á horni Barónsstígs
sími 551 4473 www.lifstykkjabudin.is
Laugavegi 63 • S: 551 4422
Skoðið laxdal.is/yfirhafnir
DÚNÚLPUR
m/hettu og ekta skinni (þvottabjörn)