Morgunblaðið - Sunnudagur - 27.09.2015, Blaðsíða 26

U
ndanfarin hálfan annan áratug hef-
ur Jose García verið áberandi í
íslenska veitingastaðaheiminum.
Eru liðin um 16 ár síðan hann
eignaðist ítalska staðinn Caruso, sem núna
er fluttur í Austurstræti. Jose er líka mað-
urinn á bak við veitingahúsið Casa Grande
úti á Ægisgarði. Veitingastaðurinn þar hét
áður Tapashúsið og var opnaður fyrir tveim-
ur og hálfu ári, en í sumar var nafninu
breytt í Casa Grande og tækifærið notað til
að breyta áherslunum í matseðlinum.
„Það þótti gæta ruglings meðal neytenda á
Tapashúsinu og Tapasbarnum, og með nýja
nafninu gátum við líka leyft okkur að draga
úr vægi tapas-rétta á matseðlinum,“ segir
Jose og lýsir Casa Grande í dag sem stað
sem býður upp á rétti undir áhrifum Mið-
jarðarhafsmatseldar, með tónum frá Portú-
gal, Spáni og Ítalíu.
Veitingastaðurinn er í gömlu og friðuðu
húsi, sem áður stóð skammt frá Kirkjusandi
en var síðan flutt á núverandi stað og gert
upp í leiðinni. Er veitingastaðurinn á tveim-
ur hæðum og býður upp á útsýni yfir Esj-
una, Reykjavíkurhöfn, og út að Hörpu.
Féll fyrir veðurfarinu
Jose er upphaflega frá Hondúras en kom
fyrst til Íslands árið 1985. Hann hafði nokkr-
um árum áður verið við nám í skóla í Banda-
ríkjunum þar sem íslenskur samnemandi
hans sýndi honum ljósmyndir frá landinu.
„Ég hugsa að ein myndin hafi verið tekin á
Reykjalundi en hún sýndi heitan pott í for-
grunni og hvíta snjóbreiðuna allt um kring.
Ég hugsaði strax með mér að þennan stað
þyrfti ég endilega að heimsækja einhvern
tímann,“ segir Jose. „Ég held svo aftur til
Hondúras og er í skóla í fimm ár til við-
bótar, en stendur til boða að fara í skiptinám
í lok námsins. Nokkur lönd voru í boði og Ís-
land þar á meðal, og í mínum huga kom ekk-
ert annað land til greina.“
Hondúras er heitur og sólríkur sælureitur
í Mið-Ameríku, þar sem trén svigna undan
kókoshnetum og ávöxtum og heimamenn
vefja fyrirtaks vindla úr blöðum tóbaksplönt-
unnar sem vex á svæðinu. Íslendingar furða
sig örugglega margir á að Jose fann það
strax fyrsta veturinn að hann vildi mun frek-
ar vera á Íslandi; og það út af veðrinu.
„Mér fannst alltaf of heitt í Hondúras. Ég
er ekki mikið fyrir að vera í heitu loftslagi.
Ég lenti á landinu í júlí og fannst miðnæt-
ursólin áhugaverð, en svo kom haustið,
skammdegið, rigningin og snjórinn og það
fannst mér alveg æðislegt.“
Samfélag og veitingahúsa-
menning í mótun
Á þeim tíma sem Jose hefur búið á landinu
hefur hann séð miklar breytingar eiga sér
stað, og ekki síst á síðasta áratug að veit-
ingastaðamenningin hefur gjörbreyst. Veit-
ingastöðunum hafi fjölgað til muna og kemur
það til bæði af því að streymi ferðamanna
hefur aukist og eins að heimamenn eru orðn-
ir mun duglegri að fara út að borða. Segir
Jose ánægjulegt að Íslendingum þyki í dag
orðið sjálfsagt að skjótast á veitingastað í
miðri viku til að lífga upp á tilveruna. „Til að
laða að fleiri viðskiptavini og dreifa álaginu
betur yfir vikuna bjóðum við líka upp á 2-
fyrir-1 tilboð á mánudögum og þriðjudögum
og höfum „happy hour“ milli fimm og sjö
alla virka daga.“
Jose segir helsta vanda íslenskra veitinga-
húsa hvað álagið vill þjappast á síðustu daga
vikunnar, og vilja allir borða á sama tíma. Á
veitingastöðum í stórborgum á borð við New
York er ekki óalgengt að sama borðið sé
notað þrisvar eða oftar á einu kvöldi en slíku
er ekki að fagna á íslenskum veitingastöðum.
„En þetta er að breytast, meðal annars
vegna menningarlífsins í Hörpu og leikhús-
unum á svæðinu. Fólk ýmist kemur snemma
í mat, fyrir sýninguna, eða seinna um kvöld-
ið eftir að viðburðinum er lokið. Hjálpar
þetta okkur að dreifa álaginu um helgar.“
Morgunblaðið/Árni Sæberg
JOSE KOM TIL LANDSINS ÚT AF KULDANUM
Miðjarðarhafstónar
við Reykjavíkurhöfn
VEITINGASTAÐURINN Í GAMLA HÚSINU VIÐ ÆGISGARÐ HEFUR FENGIÐ
NÝTT NAFN OG NÝJAR ÁHERSLUR Á MATSEÐLINUM.
Ásgeir Ingvarsson ai@mbl.is
Jose sá fyrst ljósmynd af Íslandi þegar hann var í námi í Bandaríkjunum og heillaðist strax.
Casa Grande er í gömlu endurbyggðu húsi og með sérlega gott útsýni yfir höfnina.
Matur
og drykkir
Morgunblaðið/Þorkell
Morgunblaðið/Þorkell
*Bandarískar borgir eru með mjög mis-mikinn fjölda veitingastaða miðað viðíbúafjölda. Íbúar San Francisco og ná-grennis hafa hlutfallslega besta úrvalið,eða 21,44 veitingastaði á hverja 10.000íbúa. Það sem meira er að hlutfallskyndibitastaða er í lægri kantinum, eða
0,95 skyndibitastaðir á móti hverjum
„alvöru“ veitingastað.
Hlutfallslega flestir staðir í San Francisco
400 g skelfiskur, risahörpu-
skel, humar og tígrisrækja
50 ml hvítvín
25 g smjör
200 ml rjómi.
2-3 msk. hvítlauksolía
1. tsk. púðursykur
20 g steinselja
10 g graslaukur
Salt og pipar
Smjör og skelfiskur sett á vel
heita pönnu og steikt gullin-
brúnt, bætið þá hvítvíni á pönn-
una og sjóðið í ca. 1 mín.
Því næst er rjóma, púðursykri
og hvítlauksolíu bætt saman við
og smakkað til með salti og pipar.
Berist fram með grænu salati
og góðu brauði.
Skelfiskur
Casa Grande