Morgunblaðið - Sunnudagur - 27.09.2015, Blaðsíða 43

27.9. 2015 MORGUNBLAÐIÐ SUNNUDAGUR 43
kom hann heim allur lemstraður af bar-
smíðum. Ég bara grét og spurði hvað hefði
gerst, hvort þetta hefði verið lögreglan,“
segir Irina sem reyndist vera raunin.
Vladimir lýsir vistinni í fangelsinu. „Ég
var barinn með bareflum daglega og fékk
engan svefn og engan mat. Ég fékk örlítið
vatn en ekki matarbita í sjö daga. Ég fékk
engin föt heldur,“ segir Vladimir.
Þau segja að fjórir lögreglumenn séu á
hvern íbúa í Úsbekistan og allt sé tengt
mafíunni. „Við vorum svo hissa að koma
hingað til Íslands og sjá enga lögreglu-
menn!,“ segir hún brosandi.
Þrá bjartari framtíð
Við göngum út í sólina. Hér eru þau óhult
fyrir ofsóknum lögreglu og pyntingum
vegna trúarskoðana og geta gengið óáreitt
niður götuna, annað en í Úsbekistan. Þau
sjá fram á bjartari tíma ef hælisumsókn
þeirra verður samþykkt. Þeirra ósk er að fá
að setjast hér að og geta boðið börnunum
sínum upp á örugga og góða framtíð.
„Draumurinn okkar er að geta opnað þenn-
an veitingastað síðar meir. Íslendingar eru
ekki með þennan rússneska mat hér,“ segir
Irina og brosir.
Börnin þrá að komast
í skóla og eignast vini
hér á landi.