Iðjuþjálfinn - 01.05.2006, Blaðsíða 45
Við Fjórðungssjúkrahúsið á Akureyri starfar nú sjúkrakennari – ung húsmóðir – sem flutti
til bæjarins fyrir 2 árum síðan. Hún
heitir Kristín Tómasdóttir, er fædd og
uppalin í Reykjavík, dóttir Tómarsar
heitins Jónssonar, borgarlögmanns og
Sigríðar Thoroddsen.
Kristín byrjaði með sjúkrakennslu
eða vinnulækningar á s.l. ári og á hér
miklum og síauknum vinsældum að
fagna. Hún hefur sætt sig við þröng
húsakynni, lítil sem engin hjálpargögn
og því erfið starfskilyrði, í von um,
að framtíðin gefi meiri möguleika. Á
s.l. ári flutti hún erindi á félagsfundi
hjúkrunarkvenna um nám og starf
sjúkrakennara. Í trausti þess, að fleiri
hafi gaman af frásögn hennar, bað ég
hana að svara nokkrum spurningum
fyrir blaðið.
– Hvað er sjúkrakennsla?
Því vil ég helst svara með skil
greiningu dr. Helga Tómassonar: „Við
vinnulækningar ber að skilja þá
lækningaaðferð, sem beitir andlegri
eða líkamlegri starfsemi til þess að létta
fyrir sjúklingum um stundarsakir,
stuðla að eða flýta fyrir bata á sjúkdómi
eða afleiðingum af slysi. Starfsemi þessi
er valin handa sjúklingum á vísindalegan
hátt af lækni eða undir læknishendi“.
Sjúkrakennsla hefur verið þekkt og
viðurkennd lækningaaðferð í mörgum
löndum um árabil. Þessi lækningaaðferð
er notuð á almennum sjúkrahúsum
með handlækninga og lyflækninga
deildum, barnasjúkrahúsum, orthope
diskum sjúkrahúsum, geðsjúkrahúsum,
fávitahælum, elliheimilum og auk þess
fangelsum og fleiri slíkum stofnunum.
– Þú varst í Danmörku, Kristín, var
það í Kaupmannahöfn eða Árósum?
Ég stundaði nám í Kaupmannahöfn
á árunum 1960–1963. Skólinn var
stofnsettur árið 1935 og ber nafnið
Skolen for beskæftigelsesterapeuter.
– Hver voru inntökuskilyrði í skólann?
Þegar ég fékk inngöngu í skólann
var nóg að hafa gagnfræðapróf, en
sökum umsækjendafjölda, sem
eykst með ári hverju, og meiri hluti
þeirra eru stúdentar, ganga þeir fyrir.
Umsækjandi verður að vera orðinn 20
ára og ekki eldri en 32 ára, hafa helzt
lokið námskeiði í vélritun og hjálp í
viðlögun og hafa starfað eitthvað með
lömuðum, vangefnum eða á einhvern
hátt sjúku fólki. Skólinn þarf að fá
upplýsingar um heilsufar, þroska og
hæfileika umsækjenda til að umgangast
annað fólk.
– Viltu segja mér ofulítið um námið?
Árið 1953 var menntun sjúkra
kennara löggilt af danska læknafélaginu
og í Danmörku eru 2 skólar starfræktir.
Skólagjald var 900 íslenzkar krónur á
mánuði í 22 mánuði, þar var innifalin
greiðsla á bókum, kennslu og lítið eitt
af námsvörum, svo sem basti, tágum,
efni í smíðavinnu, handavinnuefni og
fleira. Auk þess þurftum við að kaupa
ýmsar smávörur: Málningu, horn,
sagarblöð og þ.u.l. Í skólann voru teknir
nemendur tvisvar á ári, í september og
marz. Í hvert skipti komust aðeins 18
nemendur að, karlar og konur, en um
skólavist sækja að meðaltali 100 fyrir
hvert námskeið. Námstíminn var tæp
3 ár og kennsla fór fram að mestu leyti
í skólanum sjálfum og stofnunum, þar
sem löggiltur sjúkrakennari verður að
vera. Fyrstu 4 mánuðina fór kennsla
fram í skólanum, en næstu 4 mánuði
vorum við látin hjálpa til á sjúkrahúsum
í Kaupmannahöfn fyrri hluta dagsins,
en síðari hlutann var venjulegur skóli
og heimavinna þar á eftir. Eftir þessa
8 mánuði fengum við úrskurð um,
hvort við vorum fær um að ljúka
náminu og starfa sem sjúkrakennarar
eða ekki. Annað árið var kennsla í
skólanum og þá tókum við próf í
öllum verklegum og flestum bóklegum
greinum. Á 3. ári unnum við svo allan
daginn, 4 mánuði á geðsjúkrahúsum
og 4 mánuði á handlækningadeildum
eða sérstökum æfingastöðum fyrir
sjúklinga. Þann tíma þurfum við ekki
að greiða skólagjald, en fengum í þess
stað laun frá ríkinu eða stofnuninni,
sem svaraði um 700 ísl. krónum á
I‹JUÞJÁLFINN 1 / 2006 n
Spjall um sjúkrakennslu
n Iðjuþjálfafélag íslands stendur nú
á tímamótum. 30 ár eru liðin frá
stofnun félagsins og þá er gjarnan
litið yfir farinn veg til upphafsára og
þróunar fagsins hér á landi. ein af
frumkvöðlum í iðjuþjálfun á íslandi
er kristín Tómasdóttir. Birtum við
hér viðtal við kristínu Tómasdóttur,
með góðfúslegu leyfi hennar og
Ingibjargar R. Magnúsdóttur hj.fr.
sem tók viðtalið. viðtalið birtist í
tímariti Hjúkrun árið 1967.