Iðjuþjálfinn - 01.05.2006, Page 50
Á aðalfundi IÞÍ 10. mars 2001 voru
siðareglur Iðjuþjálfafélags Íslands
samþykktar. Í kjölfar þess var skipuð
fyrsta siðanefnd IÞÍ. Í nefndinni sitja
Auður Axelsdóttir, Guðrún Áslaug
Einarsdóttir og Margrét Sigurðardóttir.
Varamenn eru þrír og eru boðaðir á
fund með nefndinni einu sinni á ári og
síðan er hægt að kalla þá til þegar á
þarf að halda vegna einstakra mála.
Eitt fyrsta verk nefndarinnar var að
láta prenta siðareglurnar á plakat og
hafa félagsmenn jafnframt verið hvattir
til að útvega sér þær og hengja upp á
vinnustöðum sínum. Bent er á að hægt
er að nálgast plakatið með siðareglunum
á skrifstofu félagsins í Lágmúla og eins
í Háskólanum á Akureyri.
Samhliða þessu verkefni vann
nefndin að því að gera starfsreglur sem
unnið skal eftir hverju sinni í þeim
málum sem berast. Leituðum við fanga
hjá ýmsum öðrum sambærilegum
félögum við samningu þeirra. Starfs
reglurnar voru samþykktar á aðalfundi
árið 2003. Nefndin hefur haldið
reglulega fundi og hefur meðal annars
lagt áherslu á að ræða innihald starfs
reglna og siðareglna, ásamt mikilvægi
þess að þær séu endurskoðaðar
reglulega. Nefndin hefur skrifað pistla í
fagblað iðjuþjálfa, sem hafa byggt á
einstökum siðareglum í þeim tilgangi
að skapa umræðu meðal félagsmanna
um gildi reglnanna, starfs okkar
almennt sem og nálgun við skjól
stæðinga. Þar hefur verið á ferðinni
hvatning til félagsmanna um að vera
meðvitaðir um hvað siðareglur okkar
innibera fyrir okkur sem fagmenn og
skjólstæðinga okkar. Mikilvægt er að
gera sér grein fyrir hvað hver siðaregla
stendur fyrir og hvernig við förum eftir
þeim dags daglega.
Það hafa ekki borist mörg formleg
erindi til nefndarinnar sem ef til vill er
jákvætt. Einnig má velta fyrir sér hvort
það geti ekki stafað að því hve ung
nefndin er og ekki mjög kunn félags
mönnum. Þegar erindi berst nefndinni
er það að sjálfsögðu skoðað frá öllum
hliðum og framgangur ávallt háður
hverju máli fyrir sig. Svona rétt til
glöggvunar er vitnað hér í heimasíðu
Iðjuþjálfafélagsins þar sem fram kemur
eftirfarandi:
„Komi upp óvissa eða ágreiningur
varðandi túlkun eða notkun siða
reglnanna, skal beina fyrirspurnum til
siðanefndar Iðjuþjálfafélags Íslands
(IÞÍ). Hver sá sem telur að iðjuþjálfi
hafi brotið gegn siðareglum þessum
getur kært ætlað brot til siðanefndar
IÞÍ“.
Regluleg umræða hefur farið fram
meðal nefndarmanna um hvort siða
nefndin sé nógu sýnileg og hvernig
megi bæta þar úr. Heimasíðan er að
sjálfsögðu mikilvægur hlekkur þar og
bindum við miklar vonir við nýja
heimasíðugerð innan félagsins.
Á afmælisárinu er fyrirhugað að
siðanefndin sæki námskeið um hlutverk
siðanefnda. Markmiðið er að nefndin
verði betur í stakk búin að taka á þeim
málum sem kunna að berast í fram
tíðinni. Með þetta að leiðarljósi var
sótt um styrk til fræðslusjóðs Iðju
þjálfafélagsins, sem var veittur og mun
hann koma í góðar þarfir. Það er
siðfræðistofnun Háskóla Íslands sem
mun verða innan handar með skipu
lagningu námskeiðsins.
Það má merkja nýjar áherslur í dag
um þjónustu og nálgun við skjól
stæðinga. Talað er um að skjólstæðingar
og aðstandendur eigi nú að koma að
stefnumótun í heilbrigðisþjónustu, að
efla beri þátttöku fólks í samfélaginu og
að auðvelda skuli aðgengi að allri
þjónustu svo eitthvað sé nefnt.
Í siðareglu 1.5 má greina þetta
viðhorf:
„Iðjuþjálfi eflir skjólstæðinga sína
til að auka eigin færni, virðir sjálfs
ákvörðunarrétt þeirra og upplýsir þá
um valkostina sem koma til greina við
lausn á færnivanda“.
Almennt er mikil áhersla lögð á
virðingu fyrir manneskjunni í siða
reglum okkar og fordómaleysi fyrir
okkar skjólstæðingum. Þessi gildi eru
öll það sjálfsögð að eflaust finnst okkur
ekki að við þurfum að hugleiða þau
dags daglega. En við minnum á
mikilvægi þess að hafa þau í heiðri
þegar unnið er að því að efla þjónustu
á einhverjum sviðum. Um þessar
mundir er rætt töluvert um þörfina á
aukinni þjónustu iðjuþjálfa úti í
samfélaginu. Við verðum að spyrja
okkur spurninga eins og hvort við
séum í raun að mæta skjólstæðingum
okkar á þeirra eigin forsendum? Erum
við að nýta reynslu þeirra til að gera
betur og kanna gæði, eða er stundum
verið að taka mið af einhverju sem við
teljum að hafi virkað án þess að gera á
því almennilega greiningu?
Í siðareglum okkar segir ennfremur
í siðareglu 4.3:
„Iðjuþjálfi hefur frumkvæði að og
er virkur þátttakandi í stefnumótun
heilsueflingar, hæfingar og endur
hæfingarþjónustu innan heilbrigðis,
félags og menntakerfis“.
Ef litið er yfir framgang mála á
undanförnum árum má segja að
iðjuþjálfar hafi í auknu mæli tekið
frumkvæði að nýjum leiðum og
áherslum og brautryðjendum fjölgar. Á
afmælisárinu verður eflaust farið vel
yfir þróun félagsins og þær miklu
breytingar sem hafa átt sér stað með
fjölgun félagsmanna og breyttum
áherslum í tímans rás.
Það verður æ mikilvægara að huga
að gildum okkar og leiðum eftir því
sem fagið okkar þróast og er siðanefnd
mikilvægur hlekkur í þeirri þróun í
samstarfi við stjórn, félagsmenn og
skjólstæðinga.
Fyrir hönd siðanefndar
Iðjuþjálfafélags Íslands,
Auður Axelsdóttir, formaður.
0 n I‹JUÞJÁLFINN 1 / 2006
Pistill frá Siðanefnd
Iðjuþjálfi óskast
Iðjuþjálfi óskast til afleysinga í 100% stöðu í allt að eitt ár frá 1. september
2006. Umsóknafrestur rennur út 1. júlí.
Nánari upplýsingar í síma 450-4500 veita Harpa Guðmundsdóttir, iðjuþjálfi
harpa@fsi.is og Sigurveig Gunnarsdóttir, deildarstjóri veiga@fsi.is