Skólavarðan - 01.10.2006, Síða 20
20
SKÓLAVARÐAN 7.TBL. 6. ÁRG. 2006
Við viljum gera þetta vel
Að sögn Ragnheiðar Ástu hefur tekist að
bjóða öllum pláss sem það hafa viljað.
„Í einstaka tilfellum hefur fólk þurft að
bíða eftir vistun í fáeinar vikur. Enginn
af starfsmönnum okkar er með menntun
á uppeldissviði en sumir eru í slíku námi.
Við bjóðum starfsfólkinu upp á ýmis
starfstengd námskeið en því miður er mikil
starfsmannavelta hjá okkur.”
Ragnheiður Ásta segir að stærð sveitar-
félagsins geri að verkum að auðveldara sé
að útfæra þessa hugmynd í Reykjanesbæ
en víða annars staðar. „Frá því að við fórum
að starfa á þennan hátt hefur aðsóknin
aukist stöðugt. Flest koma börnin úr 1. og
2. bekk og í vetur eru rúmlega 250 börn
skráð hjá okkur en það er aukning um 60
börn frá fyrra ári. Það hlýtur að þýða að
fólk sé ánægt með starfsemina. Og þannig
á það að vera. Við viljum gera þetta vel.”
Fögur framtíðarsýn
Í Vopnafjarðarskóla á Vopnafi rði er
starfrækt skólaskjól. Þar geta börn í 1.
– 4. bekk dvalið frá því að skóla lýkur til
klukkan þrjú á daginn. Þeim býðst að
sækja íþróttaæfi ngar og tónlistarskóla
meðan á dvölinni stendur. Aðalbjörn
Björnsson skólastjóri Vopnafjarðarskóla
segir að um níutíu prósent barna í 1.
– 4. bekk dveljist í skólaskjólinu. Dvölin
er án endurgjalds en greitt er fyrir
tónlistarnám og íþróttaæfi ngar. Frá því
að þetta fyrirkomulag var tekið upp hefur
íþróttaiðkun barna í bænum aukist til
muna. Aðalbjörn segir að áhersla sé lögð
á að börnin leiki sér í frjálsum leik, þetta
sé frítími þeirra. „Útivera er stór hluti af
starfseminni hjá okkur. Börnin hafa setið
inni í skólastofu í fi mm tíma og eiga alls ekki
að þurfa að setjast niður og læra meira,”
segir Aðalbjörn. Hann segir að ekki hafi
tekist að fá uppeldismenntaða starfsmenn
í skólaskjólið, það sé einfaldlega ekki
raunhæft í þessum landshluta.
Skólaskjólið lokar klukkan þrjú. Er
það ekki allt of stuttur opnunartími
þegar meirihluti foreldra vinnur utan
heimilis? Aðalbjörn vill ekki meina að
svo sé. „Opnunartíminn hefur ekki
skapað vandamál hjá okkur. Það eru oft
styttri vegalengdir hér en til dæmis á
höfuðborgarsvæðinu og því tekur það
foreldra styttri tíma að fara í og úr vinnu.
Annars er mín framtíðarsýn sú að foreldrar
geti komið heim um miðjan dag og verið
með börnunum sínum. Væri það ekki gott
fyrir alla?”
Anna Lilja Þórisdóttir
Hrönn Ríkharðsdóttir aðstoðarskóla-
stjóri Grundaskóla og Sigurður Arnar
Sigurðsson deildarstjóri við sama
skóla hafa samið og gefi ð út bækling
fyrir foreldra sem hafa áhyggjur af
börnunum sínum. Bæklinginn rak
á fjörur Skólavörðunnar og vakti
athygli fyrir hlýlega og alþýðlega
framsetningu efnis, vandað og hagnýtt
innihald, fallegt útlit og aðgengilega
uppsetningu.
Engill úr paradís er sannkallaður engill,
uppfullur af jákvæðni og fjársjóður
góðra ráða. Í bæklingnum er fjallað um
eftirfarandi:
• Samstarf heimilis og skóla
• Lestur
• Námstækni
• Að bæta minnið
• Prófkvíða
• Dyslexíu
• Athyglisbrest – með eða án ofvirkni
• Þunglyndi
• Átröskun
Engill úr paradís – formáli
Ágætu foreldrar
Bæklingur sá sem þið hafi ð nú fengið
í hendur er saminn af foreldrum sem
jafnframt eru grunnskólakennarar. Við
undirrituð sem erum höfundar höfum í
starfi okkar fengið fjölmargar fyrirspurnir
frá foreldrum sem hafa áhyggjur af
börnum sínum. Fyrirspurnirnar eru ólíkar
og fara eftir aldri barnsins og því hvað
veldur áhyggjum.
Vorið 2003 sóttum við um styrk til
Verkefna- og námsstyrkjasjóðs Kennara-
sambands Íslands til þess að gera upp-
lýsingabækling fyrir foreldra. Bæklingnum
er ætlað að svara sumum þeirra spurninga
sem við höfum fengið og vera foreldrum
„engill úr paradís“ þegar að námi barna
þeirra kemur.
Það vakna margs konar spurningar
hjá foreldrum. Ef barn nær ekki tökum á
lestri spyrja foreldrar hvort um lesblindu
(dyslexiu) geti verið að ræða? Ef hegðunar-
vandamál eða skortur á athygli er til staðar
er gjarnan spurt hvort barn sé ofvirkt eða
með athyglibrest? Enn aðrar spurningar
koma fram ef barn er kvíðið eða leitt. Hafi ð
þið áhyggjur af heimanámi barnanna? Er
það of mikið? Of lítið? Er námsefnið ekki
við hæfi ? Veldur tilhugsunin um heima-
nám ein og sér kvíða? Þarf barnið mikla
hjálp? Eða vill það enga hjálp? Treystið
þið ykkur ekki til að leiðbeina barninu
af ótta við að þið séuð ekki að gera rétt?
Eru kröfur eða væntingar skólans eða
kennarans óljósar?
Þessar spurningar eru meðal þeirra
sem við munum reyna að svara í þessum
bæklingi. Við leggjum áherslu á að við erum
ekki sérfræðingar í ofvirkni, lesblindu eða
öðrum sértækum námsörðugleikum. Við
erum hins vegar líkt og þið sérfræðingar
í börnunum okkar og höfum leitað okkur
upplýsinga víða til þess að geta aðstoðað
okkar eigin börn, nemendur okkar og
foreldra þeirra. Við trúum því að það sé
enginn betur til þess fallinn að leiðbeina
börnum og hvetja þau en foreldrar. Við
trúum því líka að foreldrar hafi vilja og
þor til að sinna þessu hlutverki en þarfnist
stundum örlítillar hjálpar frá góðum „engli
úr paradís“.
Ekki er að efa að fl eiri skólar hafa áhuga
á að nálgast bæklinginn með það fyrir
augum að dreifa honum til foreldra.
Áhugasamir geta haft samband við
Hrönn með því að senda póst á netfangið
hrik@simnet.is
Akranesi 2005
Hrönn Ríkharðsdóttir
Sigurður Arnar Sigurðsson
Engill
úr Paradís
Upplýsingabæklingur
fyrir foreldra
ENGILL ÚR PARADÍS
FRÍSTUNDAHEIMILI, FORELDRABÆKLINGUR