Skólavarðan - 01.05.2007, Blaðsíða 8

8
ÁRSFUNDIR
SKÓLAVARÐAN 4.TBL. 7. ÁRG. 2007
Ársfundur Kennarasambands Íslands
sem haldinn var á Hótel Sögu 27. apríl
2007 sl. ályktaði um nýja menntastefnu
og tíu skrefa samkomulag KÍ og
menntamálaráðherra. Fundurinn telur
tillögur starfshópa sem hafa unnið á
grundvelli samkomulagsins efni í góða
menntastefnu um enn betri skóla og
aukið jafnrétti til náms. Þar á meðal eru
tillögur um að auka og festa í lög réttindi,
möguleika og aðstöðu nemenda til
náms, um gjaldfrjálsan skóla til 18 ára
aldurs og um aukna ábyrgð stjórnvalda
á að bjóða nemendum fjölbreytilegt
nám og námslok við hæfi. Stjórnvöld
eru hvött til að taka þær til efnislegrar
meðferðar og taka afstöðu til fram-
kvæmdar þeirra og fjármögnunar. Þess
er vænst að heildarniðurstaða náist á
næstu mánuðum þannig að nemendur,
kennarar og samfélagið allt geti vel við
unað.
Í setningarávarpi fagnaði Eiríkur Jónsson
formaður KÍ þeim árangri sem náðst hefur
en sagði jafnframt að það hefði valdið
vonbrigðum hversu málin vinnast hægt
innan veggja mennta-málaráðuneytisins.
Eiríkur vitnaði í bréf menntamálaráðherra
til Kennara-sambandsins sem gefur tilefni
til að ætla að hægt verði að ljúka vinnunni
við tíu skrefa samkomulagið á viðunandi
hátt fyrir alla aðila. „Ég bind miklar vonir
við bréf ráðherra og áframhaldandi vinnu
okkar að þessu máli,“ sagði Eiríkur. „Um
þetta fæst þó ekki endanlegt svar fyrr en
að loknum kosningum þegar við sjáum
stefnumál nýrrar ríkisstjórnar. Gildir þar
einu hvort sú ríkisstjórn verður óbreytt
eða hvort ný öfl komast til valda að hluta
eða öllu leyti. Það er vilji stjórnvalda sem
öllu skiptir í þessum málum.“
Að loknum ársfundi Kennarasamband-
sins var haldinn sameiginlegur fundur
skólamálaráðs KÍ og fulltrúa á ársfundi
KÍ þar sem fjallað var um tíu punkta
samkomulagið og afrakstur starfsins sem
unnið hefur verið í starfshópum sem tengjast
samkomulaginu. Yfirskrift fundarins var
„Menntastefna morgundagsins“. Haldin
voru erindi um tillögur starfshópa um
nám og námsskipan, um fjar- og dreifnám,
náms- og starfsráðgjöf, um breytingar
á lögum um lögverndun og lengingu
kennaramenntunar og um endurskoðun á
lögum um leik-, grunn- og framhaldsskóla.
Starfshópar um lagabreytingar hafa ekki
skilað lokatillögum og frumvörp hafa ekki
verið flutt um málin.
Fundargerðir, erindi, skýrslur sjóða og
fleiri gögn eru á www.ki.is
Margt fróðlegt kom fram í erindum um
stöðu einstakra sjóða KÍ og í erindum
um starf tíu punkta nefnda sem flutt
voru á síðari fundinum eftir hádegi. Sjá
nánar á www.ki.is
Í umfjöllun sinni um tillögur um náms-
og starfsráðgjöf upplýsti Sigríður Bílddal
að samkvæmt nýlegri rannsókn, þar sem
nokkrir þættir voru kannaðir í tengslum
við brottfall, kom í ljós að náms- og
starfsráðgjöf er eini þátturinn sem dregur
úr brottfalli. „Þetta er fyrirbyggjandi starf,
ekki meðferðarstarf,“ sagði Sigríður. Í
tillögum er gert ráð fyrir nemendur á
ráðgjafa verði að hámarki þrjú hundruð
en nú eru þeir allt upp í ellefu hundruð.
Sett verði náms- og starfsráðgjafaráætlun
sem samanstandi af fræðsluáætlun,
einstaklingsáætlun, áætlun um persónu-
lega ráðgjöf og loks samráðsáætlun
sem haldi utan um hinar þrjár. Þá er
lagt til að ráðinn verði verkefnisstjóri
til að móta heildarstefnu og að allir
nemendur í grunn- og framhaldsskólum
Ársfundir KÍ og skólamálaráðs
hafi rétt á náms- og starfsráðgjöf en þar
er mikill mismunur á milli skólastiga eins
og staðan er nú. Margrét Friðriksdóttir
fjallaði um skýrslu starfsnámsnefndar sem
leit dagsins ljós á undan hinum skýrslunum
enda hóf nefndin störf áður en gengið
var frá tíu punkta samkomulaginu.
Tillögur hafa flestar ratað inn í tillögur
annarra nefnda, sérstaklega nefndar um
fjölbreytileika og sveigjanleika í skipulagi
náms og námsframboðs. Margrét sagði
aðgreiningu bók- og starfsnáms gamla
arfleifð í samhengi við menntaskóla
og iðnskóla og hún hefði aukist mjög
með framhaldsskólalögunum sem sett
voru 1996. Tillögur starfsnámsnefndar
sem gefnar voru út undir heitinu Nýr
framhaldsskóli snúast ekki hvað síst um að
útrýma þessari aðgreiningu.
Athyglisvert var að allir sem sögðu frá
starfinu í sinni nefnd ræddu um aukið
og raunverulegt jafnrétti til náms við
hæfi og segja má að það sé þungamiðjan
í tillögum á grundvelli tíu punkta
samkomulagsins. Það er greinilegt að
KÍ er að sækja mikið í sig veðrið sem
mótunarvaldur í íslenskri menntastefnu
og að sambandið talar einum rómi
þegar kemur að grundvallamarkmiðum
á þessu sviði. Á nýlegum fundum um
skóla morgundagsins, þar sem rætt var
um grunnskólann og framhaldsskólann
í tillögum tíu punkta nefnda, höfðu
forystumenn aðildarfélaga beggja skóla-
stiga framsögur og sami einhugur kom
berlega í ljós. Þá má nefna að ákvörðun
um að halda ársfund skólamálaráðs
með fulltrúum af ársfundi KÍ fyrr um
daginn er enn eitt merki þess hversu
menntastefna og framkvæmd hennar er
sett á oddinn í sambandinu. Unnið er í
þeim málum þvert á skólastig og einnig
þvert á stofnanir Kennarasambandsins.
keg
Ályktað um forgangsatriði í menntamálum og tíu skrefa samkomulagið
Lj
ó
sm
y
n
d
ir
:
k
e
g