Skólavarðan - 01.05.2007, Blaðsíða 28

28
FRUMKVÖÐLASTARF
SKÓLAVARÐAN 4.TBL. 7. ÁRG. 2007
Nemendur í 9. og 10. bekk Heppuskóla
í Hornafirði sátu námskeið um frum-
kvöðlastarf sem haldið var dagana 3. til
5. nóvember sl. Skemmst er frá að segja
að gífurlegur áhugi reyndist vera meðal
nemenda á námskeiðinu og verkefnin
sem þátttakendur unnu einkenndust
af metnaði og hugmyndaauðgi.
Guðmundur Ingi Sigbjörnsson skóla-
stjóri Heppuskóla segir hér í stuttu
máli frá námskeiðinu og afrakstri þess,
en hann átti frumkvæðið að því að
námskeiðið var haldið. „Það var gamall
draumur minn“, segir Guðmundur Ingi
aðspurður um hvernig honum datt
þetta í hug. Þess má geta að á nú á
vorönn tóku 8. bekkingar skólans þátt
í samskonar námskeiði og hér er sagt
frá. En gefum Guðmundi Inga orðið.
Öllum nemendum skólans var gefinn
kostur á að sækja um þátttöku í nám-
skeiðinu en áður hafði það verið kynnt
í hverri bekkjardeild, þ.e.a.s. í 8. til 10.
bekk. Gífurlegur áhugi reyndist vera hjá
nemendum og tæplega fimmtíu nemendur
sóttu um inngöngu á námskeiðið. Þetta
leiddi til þess að þátttaka í þessu fyrsta
námskeiði var takmörkuð við nemendur
úr 9. og 10. bekk, alls 20 nemendur.
Þessi mikla þátttaka kom verulega á
óvart og sú spurning vaknaði hvers vegna
nemendur í 8. til 10. bekk hafa svona
mikinn áhuga á frumkvöðlavinnu? Ef til
vill er hluti skýringarinnar að lögð hefur
verið mikil áhersla nýsköpunarkennslu í
grunnskólanum. Einnig er ekki ólíklegt að
tilkoma Nýheima og Frumkvöðlasetursins
í sveitarfélagið hafi áhrif á nemendur.
Frumkvöðlasetrið og starfsemi þess er
kynnt fyrir nemendum með skipulögðum
hætti og hefur það sennilega áhrif á
skoðanir þeirra á þessum málum. Einnig
er lögð áhersla á frumkvæði og framtak
hvers og eins nemanda í skólanum og
það hefur trúlega sitt að segja. Hvað sem
þessu líður er ljóst að hópurinn sem tók
þátt í þessu námskeiði var ótrúlega frjór í
hugsun og gaman að fylgjast með hvernig
ungmennin unnu hugmyndir sínar áfram
til fullmótaðrar viðskiptahugmyndar.
Með vinnu af þessu tagi eru þátttakendur
einnig hvattir til að sjá og reyna að nýta
þau tækifæri sem liggja ónýtt í þeirra eigin
samfélagi. Starf sem þetta með unglingum
stuðlar að eflingu samfélagsins þegar fram
líða stundir.
Námskeiðið fór fram á Hrolllaugsstöðum
dagana 3. til 5. nóvember. Aðalleiðbein-
andi var G. Ágúst Pétursson og honum til
lið-sinnis voru Ari Þorsteinsson sem starfar
hjá Frumkvöðlasetrinu og Eiríkur Hansson
kennari. Unnið var í hópum og hver hópur
hafði eftirfarandi sameiginleg verkefni:
• Að koma auga á tækifærin í
umhverfinu
• Lýsingu hugmynda og
markmiðasetningu
• Markaðsgreiningu, sölutækni
og markaðsfærslu
• Fjárhagslega áætlanagerð
• Gerð viðskiptaáætlunar
• Kynningartækni og framsetningu
Í hópastarfinu átti vinna nemenda að
gerð viðskiptaáætlana að sýna fram á
hvernig hugmyndir þeirra um nýsköpun
gætu orðið að veruleika. Sótt var um
styrk í Atvinnuþróunarsjóð Austurlands
og einnig var sótt um styrki til fyrirtækja
á Höfn. Allir þeir aðilar sem leitað var til
sýndu hugmyndinni mikinn skilning og
styrktu verkefnið.
Verkefnin
Alls störfuðu sjö hópar á námskeiðinu.
Verkefnin sem þeir unnu að voru sem hér
segir:
Tækniþörf
Fyrirtæki á tæknisviði gerir auglýsingar,
tekur myndir og býr til heimasíður
Frú Lára
Fyrirtækið býður upp á blóm, blóma-
skreytingar og veisluþjónustu.
Heilsu Tunglið
Skyndibitastaður með hollan, góðan og
ódýran mat
Tíu litlir fingur
Fyrirtæki sem tekur að sér barnapössun og
veitir börnunum þroskandi afþreyingu
Beauty & Beast
Fyrirtæki á sviði hönnunar og sölu fatnaðar
úr minkaskinni
Súpubarinn
Fyrirtækið býður upp á góðar og ódýrar
súpur með brauði
Fjórhjólafélagið ehf.
Fyrirtækið býður upp á ferðir í nágrenni
Hafnar
Lokakynningin fór fram í bíósal Sindra-
bæjar á Höfn sunnudaginn 5. nóvember
að viðstöddum fjölda áheyrenda. Þar fór
einnig fram afhending verðlauna. Allir
sem þátt tóku fengu viðurkenningarskjal
og einnig voru veitt peningaverðlaun fyrir
tvö bestu verkefnin.
Niðurstaðan af þessari tilraun er fyrst
og fremst sú að halda beri áfram að þróa
þetta frumkvöðlastarf með börnum og
unglingum. Í tengslum við námskeiðið
kviknaði sú hugmynd að á Hrolllaugs-
stöðum ætti að stofna Frumkvöðlaskóla
Íslands. Markaður fyrir skóla af þessu tagi
er til staðar bæði innanlands sem utan og
hugmyndin og nokkur reynsla er til staðar.
Einungis vantar aðila sem eru tilbúnir til
að kosta undirbúning og fyrstu skrefin á
þessari spennandi braut.
Guðmundur Ingi Sigbjörnsson
Höfundur er skólastjóri Heppuskóla.
Ungir frumkvöðlar á Austurlandi
Lj
ó
sm
y
n
d
ir
f
rá
h
ö
fu
n
d
i