Þjóðmál - 01.09.2013, Síða 97

96 Þjóðmál haust 2013
eftirlitsins fari fyrir ofan garð og neðan
vegna þess . Þarna er hins vegar vakið máls
á vanda sem er að líkindum helsta undirrót
þess hve hægt hefur miðað við endurreisn
íslensks efnahagslífs . Undir forystu sósíalista
er ríkisvaldið orðið alltof umsvifamikið í
fjármála­ og atvinnulífi, ítök þess leiða til
stöðnunar og varðmenn óbreytts kerfis
hafa sterka stöðu vegna ótta þeirra sem
starfa innan kerfisins við að tapa völdum og
tekjum við breytingar .
Þetta er alvarlegur vandi sem fáir þora
að ræða opinberlega vegna þess hve mikið
þeir eiga undir ákvörðunum innan kerfisins
sem virðast jafnvel teknar án málefnalegra
raka eins og rakið er í bókinni þegar vikið
er að afgreiðslu mála innan Seðlabanka
Íslands í krafti gjaldeyrishaftanna . Hið
hættulega hefur gerst að skömmtunarvald
í gjaldeyrismálum hefur verið falið seðla­
bankamönnum og ekki nóg með það . Í
bókinni segir (bls . 272):
Til lengri tíma litið gæti ein verðmæt­
asta eign hins opinbera verið félag sem
stofn að var sem nokkurs konar ruslakista
utan um kröfur sem ríkið og Seðlabank­
inn sátu uppi með eftir bankahrunið .
Það heitir Eignasafn Seðlabanka Íslands,
oftast kallað ESÍ .
Þegar litið er til þeirrar ríkisstofnunar sem
helst hlýtur að glíma við „umsýsluvanda“
er það Seðlabanki Íslands . Hann nýtur auk
þess meira sjálfstæðis en ríkisstofnanir al­
mennt . Í tíð ríkisstjórnar Jóhönnu og Stein­
gríms J . var honum beitt sem pólitísku tæki
gagn vart einstaklingum og fyrirtækjum eins
og getið er um í bókinni . Mikilvægur liður
í glímunni við „umsýsluvandann“ hlýtur að
snúa að seðlabankanum . Spyrja má: Hvernig
tekur ný ríkisstjórn á málum hans?
Undir lok Íslands ehf. segir:
Baráttunni um Ísland er ekki lokið .
Vonandi skortir þjóðina ekki þrek til að
ljúka henni með þeim hætti að almenn­
ingur standi uppi sem sigurvegari en sér­
hagsmunir lúti í lægra haldi .
Fyrr í þessari umsögn hefur verið vikið að
pólitísku inntaki orðsins „sérhagsmunir“ .
Það hefur verið notað í niðrandi merkingu
um þá sem stunda atvinnurekstur í landinu
innan gildandi laga hverju sinni . Þetta orð er
ekki síður gallað en orðið „umsýsluvandi“ .
Gallinn við „sérhagsmuni“ felst í notkun
orðsins til að útmála þá sem sósíalistar og
ríkisforsjársinnar telja andstæða sér .
Ástæða er til að spyrja: Er ekki samband
á milli „sérhagsmuna“ og „umsýsluvanda“
— snúast ekki orðin um kerfið sjálft? Um
ríkis valdið og afskipti þess en ekki þá sem
starfa innan rammans sem settur er með
lögum?
Enginn velkist í vafa um að Jóhanna Sig­
urðar dóttir og Steingrímur J . Sigfússon
litu á sig sem eigendur Íslands á meðan
þau sátu í ríkisstjórn og þau töldu sig hafa
vald til að fara sínu fram í öllu tilliti . Bókin
Ísland ehf. lýsir hvernig þau fóru með valdið
sem þau fengu í hendur 1 . febrúar 2009
og á hvern hátt þau vildu ráðstafa þeim
þætti eignarhaldsins á Íslandi sem laut að
fjármála­ og viðskiptalífinu .
E nginn velkist í vafa umað Jóhanna Sig urðar dóttir
og Steingrímur J . Sigfússon litu
á sig sem eigendur Íslands á
meðan þau sátu í ríkisstjórn og
þau töldu sig hafa vald til að
fara sínu fram í öllu tilliti . . .