Félagsbréf - 01.12.1963, Qupperneq 11

AB - fréttir
FÉLAGSBRÉF HELGAÐ GUNNARI GUNNARSSYNI
Þetta hefti Félagsbréfa er eins og
lesendur sjá að meginefni helgað
Gunnari Gunnarssyni. Er það í tilefni
þess, að nú er nýlokið heildarútgáfu
skáldsagna hans á vegum Almenna
bókafélagsins. Útgáfa safnsins hófst
haustið 1960, og eru þar alls 19
skáldsögur í 8 stórum bindum. Fyrr
á árinu lauk útgáfu ritsafns Gunnars
Gunnarssonar á vegum útgáfufélags-
ins Landnámu, og hafði hún staðið
yfir frá því árið 1941. Sú útgáfa er í
21 bindi, og eru þar auk skáldsagn-
anna allmörg bindi með smásögum
og leikritum. Með henni er lagður
grundvöllur að öllum síðari útgáfum
rerka Gunnars Gunnarssonar með því
að ýmis þeirra eru þýdd á íslenzku
fyrsta sinni þar, og hefur hann sjálf-
ur þýtt þau sum og haft auga með
allri útgáfunni. Islenzkir lesendur hafa
ekki átt aðgang að öllum ritum Gunn-
ars á íslenzku fyrr en í þessum tveim-
ur útgáfum, og hefði það að vísu
mátt verða fyrr: Gunnar verður 75 ára
á komandi vori, og eru nú senn 60
ár síðan fyrstu verk hans birtust á
prenti.
Hér eru, auk greina um Gunnar
sjálfan og verk hans, birt sýnishorn
efnis sem ekki hefur fengið inni í rit-
söfnum hans. — Fyrstu bækur Gunn-
ars á íslenzku og dönsku voru Ijóða-
kver; komu hin íslenzku, sem nefn-
ast Vorljóð og Mó'ðurminning, út á
Akureyri á vegum Odds Björnssonar
árið 1906; en fyrsta bók hans á
dönsku, Digte, kom út í Kaupmanna-
FÉLAGSBRÉF 7