Bjartur og frú Emilía: tímarit um bókmenntir og leiklist - 01.01.1998, Page 80

Sverrir
Ég er eiginlega hættur að gera mér vonir um að kynnast einhverju
algerlega nýju og fersku - einhverju sem getur hugsanlega komið
mér fullkomlega á óvart - þegar ég kynnist nafninu Sverri. Það
gerist einn vetrarmorgun rétt hjá Hlemmi; ég verð orðinn rúmlega
fertugur, hættur að vinna við það sem ég vinn við núna og farinn
að leggja sirka fimm prósent af mánaðarlaununum inn á sérstakan
bankareikning. Það er jafnvel hugsanlegt að gjaldkerinn sem
aðstoðar mig við fyrsta innleggið sé Sverrir.
Bragi Ólafsson
78