Ljóðormur - 01.11.1986, Qupperneq 18

BRAGI ÓLAFSSON:
Morgunverk
Hurðin stendur opin til að hleypa inn fersku lofti. Allt í einu
stendur maður utan af götu í dyrunum. Hann segist ekki selja
neitt en augnaráð hans er dýrara en allt sem það snertir. Hann
lokar á eftir sér og það tekur að dimma í innviðum hússins, svo
mikið að heimilisfólk sér ekki lengurtil verka. Án þess að nokkur
taki eftir er læðan í húsbóndastólnum ekki lengur syfjuð; hárin á
henni rísa og stingast í myrkrið, en hér kaupir enginn neitt af
neinum, endurtekur kvenmannsrödd, og í stað þess að henni sé
svarað tekur að birta og í Ijósinu hverfur allt nema húsgögn og
gamall þefur.
16
UÓÐORMURINN