Morgunblaðið - 04.12.2015, Blaðsíða 6

6 FRÉTTIRInnlent
MORGUNBLAÐIÐ FÖSTUDAGUR 4. DESEMBER 2015
Baldur Arnarson
baldura@mbl.is
Isavia áætlar að tæplega 317 þúsund farþegar muni fara
um Keflavíkurflugvöll í desember. Gangi það eftir verð-
ur það rúmlega tvöföldun farþega frá árinu 2012, eins og
lesa má út úr grafinu hér til hliðar.
Þær upplýsingar fengust frá Isavia að fyrirtækið
yrði með um 550 starfsmenn starfandi á Keflavíkur-
flugvelli í desember, samanborið við 430 starfsmenn í
sama mánuði í fyrra. Það er tæplega 28% fjölgun. Þá
verður Fríhöfnin með 190 starfsmenn í desember en var
með 175 á sama tíma í fyrra, sem er 8,6% fjölgun.
Tæplega 300 þúsund farþegar í janúar
Gangi spá Isavia eftir munu tæplega 294 þúsund
farþegar fara um Keflavíkurflugvöll í janúar. Það yrði
ríflega tvöföldun frá janúar 2013, þegar alls 142.681 far-
þegi fór um Keflavíkurflugvöll.
Það setur þessar tölur í samhengi að árið 2004 fóru
flestir farþegar um flugvöllinn í júlí, alls 267.732 farþeg-
ar. Verður komandi janúarmánuður því meiri ferðamán-
uður á þennan mælikvarða en júlímánuður 2004.
Samkvæmt samantekt Isavia höfðu 4.548.622 far-
þegar farið um flugvöllinn á fyrstu 11 mánuðum ársins,
borið saman við 3.623.534 farþega sömu mánuði í fyrra.
Það er 25,5% fjölgun milli ára.
Tvöföldun frá árinu 2012
 Metfjöldi ferðamanna til
landsins í desembermánuði Farþegafjöldi á Keflavíkurflugvelli
í desember og janúar
Heimild: Isavia
*Spá Isavia.
Desember Aukning Janúar Aukning
2011-2012 127,014 115,522
2012-2013 152,414 20,0% 142,681 23,5%
2013-2014 198,549 30,3% 182,992 28,3%
2014-2015 243,884 22,8% 230,985 26,2%
2015-2016* 316,776 29,9% 293,666 27,1%
Friðrik Pálsson, hótelstjóri á Hót-
el Rangá, segir hótelið hafa byrj-
að að markaðssetja veturinn fyrir
ferðamenn fyrir tíu til tólf árum.
„Við höfðum hins vegar ekki
opið um jólin fyrr en fyrir þremur
árum. Árið 2013 fylltist hótelið
hjá okkur um jólin. Það var líka
fullt í fyrra og það verður fullt í
ár.“
Friðrik segir nýtinguna orðna
góða nær alla vetrarmánuðina.
„Við erum með 80-90% nýt-
ingu frá október og fram í mars.
Nýtingin hefur verið mjög góð
allt árið, nema í apríl og maí,
þegar bókunarhlutfallið er lægra.
Við erum að vinna í því að bæta
við þá mánuði. Það er nokkur
áskorun því þeir mánuðir eru
gjarnan þungir. En veturinn hefur
verið okkur afar drjúgur. Vetrar-
ferðamennska snýst fyrst og
fremst um afþreyingu. Sam-
starfsaðilar okkar hér á svæðinu
eru opnir fyrir öllu, alla daga.
Það skiptir öllu máli.
Það koma allir með þá von að
þeir muni sjá norðurljósin. Það er
okkar langsterkasti sölupunktur.
Eftir að við opnuðum stjörnu-
skoðunarhúsið höfum við fengið
töluvert af fólki sem bókar þann-
ig heimsóknir … Gestir okkar
geta sótt í alla sömu afþreyingu
á veturna eins og er í boði á
sumrin, því það er allt opið hér í
kring. Það er ástæðan fyrir því
að við höfum náð þessum árangri
í nýtingu að fólk hefur getað sótt
í alla mögulega afþreyingu,“ seg-
ir Friðrik Pálsson.
Uppselt um jólahátíðina hjá Hótel Rangá
HÓTELSTJÓRINN SEGIR AFÞREYINGU LYKIL AÐ GÓÐRI AÐSÓKN YFIR VETURINN
BAKSVIÐ
Baldur Arnarson
baldura@mbl.is
Mikil aðsókn er í ýmsa afþreyingu
fyrir ferðamenn um jólin og áramót-
in og munu aðsóknarmet víða falla.
Aðsóknin í ísgöngin í Langjökli
hefur verið langt umfram væntingar
og er nú áætlað að 23-24 þúsund
gestir skoði göngin á þessu ári.
Göngin voru opnuð 1. júní í sumar og
var þá reiknað með 15 þúsund gest-
um í ár. Stefnir gestafjöldinn á þessu
ári í að verða jafn mikill og áætlað
var að hann yrði á öllu næsta ári.
Félagið Into the Glacier ehf.
stendur fyrir ferðum í göngin.
Sigurður Skarphéðinsson, fram-
kvæmdastjóri félagsins, segir það
hafa verið ætlun félagsins að bjóða
upp á ferðir fjóra daga vikunnar yfir
veturinn, frá og með 1. október til 1.
apríl. Vegna mikillar eftirspurnar
hafi verið ákveðið að fara alla daga
vikunnar í október. Það hafi gefið
svo góða raun að ákveðið var að hafa
opið alla daga, árið um kring, þegar
veður leyfir.
„Við verðum reyndar með lokað
yfir rauðu dagana, 23.-26. desember
og svo á gamlársdag og nýársdag.
Þess utan erum við með hefðbundn-
ar ferðir. Það er mjög þétt bókað.
Margir dagar í kringum jólin eru
uppseldir. Við höfum bætt við auka-
trukkum á stærstu dögunum til að
anna eftirspurn 27. og 28. desember.
Við fáum 130 gesti hvorn þessara
daga. Það ræðst síðan af því hvað
vetur konungur gerir hvernig færðin
verður. Við þurftum að fella niður
ferðir á mánudaginn var vegna erf-
iðrar færðar. Öryggi farþega er auð-
vitað í fyrirrúmi,“ segir Sigurður.
Um 30 manns starfa nú hjá félag-
inu og eru þar af um 20 leiðsögu-
menn og bílstjórar. Vegna mikilla
anna fækkar starfsfólkinu ekki yfir
veturinn eins og útlit var fyrir.
Gera vel við sig um jólin
Geysir Shops er með verslun og
veitingasölu á Geysi í Haukadal.
Skal tekið fram að rekstur veit-
ingahússins Geysis Glímu og Hótels
Geysis er í öðrum höndum.
Lovísa V. Guðmundsdóttir,
rekstrarstjóri Geysir Shops, selur
mikið af vörum um jólin og áramótin.
„Jóladagur, annar í jólum, gaml-
ársdagur og nýársdagur eru meðal
mestu söludaga ársins hjá okkur. Ég
hugsa að það hafi sitt að segja um
þessa aðsókn að það er mikið lokað á
höfuðborgarsvæðinu en við höfum
allt opið, alla daga ársins. Svona hef-
ur þetta verið síðustu þrjú ár. Ætli
95% gestanna séu ekki útlendingar.“
Lovísa segir fólkið gera vel við sig.
„Það er komið í frí. Það er á Ís-
landi og er tilbúið að gera vel við sig í
mat og drykk og líka í vörum. Þannig
að salan þessa daga er rosalega góð.“
Vaxandi vinsældir lúxusferða
Fyrirtækið Gray Line Iceland
býður upp á fjölbreytt úrval dags-
ferða fyrir ferðamenn yfir hátíðarn-
ar. Gullni hringurinn er vinsælasta
ferðin hjá erlendum ferðamönnum
sem dvelja á landinu yfir hátíðarnar
ásamt leitinni að norðurljósunum.
Guðrún Þórisdóttir, sölustjóri hjá
Gray Line Iceland, segir fyrirtækið
fara með mörg hundruð manns í sér-
stakar ferðir á gamlárskvöld.
„Þetta eru tvær ferðir, brennuferð
og flugeldaferð, en vinsælast er að
fara í þær báðar og er þá farið í kakó-
og kleinustopp á milli ferða á meðan
Íslendingar horfa á skaupið.
Fyrirframbókanir í þessar ferðir
eru tvöfalt fleiri en á sama tíma í
fyrra,“ segir Guðrún.
Hún segir fyrirtækið fara í hefð-
bundnar ferðir um jól og áramót.
Það er einungis dregið úr ferðum á
aðfangadag, en ekki er farið í ferðir
sem byrja eftir hádegi þann dag.
Farnar eru þrjár norðurljósaferð-
ir á kvöldin en slíkum ferðum hefur
verið fjölgað vegna eftirspurnar.
Jafnframt er boðið upp á lúxusferð í
norðurljósaskoðun. Að sögn Guðrún-
ar hefur aðsókn í slíkar ferðir tvö-
faldast milli ára, en byrjað var að
bjóða upp á þær seint á síðasta ári.
„Fólk sækir mikið í norðurljósin.
Þau eru oft ástæða fyrir komu ferða-
mannsins til landsins,“ segir Guðrún.
Þá er tugprósenta vöxtur milli ára
í matarferðum á Gullfoss og Geysi
með þremur viðkomustöðum þar
sem boðið er upp á veitingar. Byrjað
var að bjóða upp á þessar lúxusferðir
seint á síðasta ári. Þær taka 10 tíma
og eru dagsferð. Nú starfa um 200
manns hjá Gray Line Iceland og
systurfélaginu Iceland Excursions.
Það er fjölgun um 50 í ár, eða 33%.
Aðsókn langt umfram væntingar
 Áætlað er að allt að 24 þúsund gestir skoði ísgöngin í Langjökli í ár  Það er 60% umfram spár
 Mikil fjölgun gesta í jólaferðir Gray Line Iceland  Yfir 30% fjölgun starfsmanna hjá félaginu í ár
Ljósmynd/Into the glacier ehf./Birt með leyfi
Á Langjökli Ísgöngin eru í yfir 1.200 metra hæð yfir sjávarmáli. Vegna aðsóknar er bætt við ferðum um jólin.
Metfjöldi farþega
» Alls fóru 314.526 farþegar
um Keflavíkurflugvöll í nóv-
ember og eru það 26,4% fleiri
farþegar en í nóvember í fyrra.
» Til samanburðar fór 317.181
farþegi um Keflavíkurflugvöll í
júní 2011.
» Á fyrstu 11 mánuðum ársins
fóru 4,5 milljónir farþega um
völlinn, eða 25,5% fleiri en
sömu mánuði í fyrra.
Morgunblaðið/RAX
Á Hótel Rangá Svíturnar á hótelinu bera einkenni hverrar heimsálfu.