Morgunblaðið - 04.12.2015, Blaðsíða 41

MENNING 41
MORGUNBLAÐIÐ FÖSTUDAGUR 4. DESEMBER 2015
Myndlistarkonan
Arna Vals opnar
sýningu á víd-
eóveggnum í
Verslun Erlings
gullsmiðs í Að-
alstræti 10 í dag
kl. 17. Verk
Örnu, „Stað-
reynd 8 -
Erling“, er beint
framhald af fyrri „Staðreyndar“-
verkum hennar sem byggjast á því
að Arna lætur reyna á staðinn sem
hún sýnir á, gerir vídeótöku af
söng-gjöningi sem hún flytur í rým-
inu og sýnir á sama stað, skv. til-
kynningu. Heimasíða Örnu er á
slóðinni arnavals.net.
Áttunda „Stað-
reynd“ Örnu Vals
Arna Valsdóttir
Bryan Ferry kemur hingað til lands
ásamt hljómsveit og heldur tónleika
í Eldborgarsal Hörpu 16. maí á
næsta ári. Verða það stórtónleikar
því á þriðja tug tónlistar- og tækni-
manna verða með í för. Tónleikarnir
eru hluti af Evrópuferð Ferry og
mun hann leika mörg af sínum
þekktustu lögum, bæði frá sólóferl-
inum og árunum þegar hann fór fyr-
ir poppsveitinni Roxy Music. Þá
mun hann einnig leika lög af nýjustu
plötu sinn Avonmore sem hlotið hef-
ur mikið lof gagnrýnenda.
Ferry hefur einu sinni áður haldið
tónleika hér á landi, í Eldborg árið
2012 á Listahátíð í Reykjavík.
Bryan Ferry var og er aðallaga-
höfundur og söngvari Roxy Music
sem var stofnuð árið 1970 og hefur á
síðastu tíu árum eða þar um bil hald-
ið tónleika af og til. Ferry hefur gef-
ið út 13 breiðskífur og á margan
smellinn að baki, m.a. „Let’s Stick
Together“, „Slave to Love“, „Don’t
Stop the Dance“ og „Kiss & Tell“.
Morgunblaðið/Eggert
Á Listahátíð Ferry á tónleikum sínum í Eldborg í Hörpu árið 2012.
Ferry og hljómsveit halda
tónleika í Eldborg 16. maí
Silja Björk Huldudóttir
silja@mbl.is
„Við höfum orðið vör við ýmislegt
misjafnt síðan við byrjuðum að æfa
verkið. Hér hafa dyr allt í einu opn-
ast um miðja nótt þegar við höfum
verið að æfa og nýjar græjur hafa
bilað, ljós hafa skekkst auk þess
sem ýmis sérkennileg hljóð hafa
heyrst, en við höfum ekki orðið vör
við svona stríðni hér í húsinu áður,“
segir leikhúslistamaðurinn Kári
Viðarsson sem rekur Frystiklefann í
Rifi þar sem leiksýningin Fróðá
verður frumsýnd í kvöld kl. 20.
Verkið samdi Kári, sem einnig
leikstýrir og
hannar sviðs-
mynd, í náinni
samvinnu við
leikhópinn og
listræna stjórn-
endur. Með hlut-
verk í sýningunni
fara leikkonurnar
Aldís Davíðs-
dóttir og Allison
Osberg sem jafn-
framt sá um brúðu- og grímugerð,
kvikmyndataka, klipping, mynd-
vinnsla og teikningar eru í höndum
Rhys Votano sem vann einnig lýs-
inguna ásamt Kára en tónlist semur
Eirik Böen Gravdal.
„Það er mikill straumur af er-
lendu listafólki sem hefur aðsetur
hér til að vinna að verkum sínum,
þannig að gott orðspor okkar fer
víða,“ segir Kári og bendir á að Os-
berg og Gravdal hafi haft samband
við sig að fyrra bragði og óskað eftir
að vinna með sér.
Aðeins sýnt næstu tvær vikur
„Verkið er lauslega byggt á
draugasögunni um Fróðárundrin úr
Eyrbyggja sögu,“ segir Kári og rifj-
ar upp aðdragandann að drauga-
ganginum á Fróðá á sínum tíma.
Sagan af Fróðárundrum gerist
kristnitökuárið 1000 og segir frá því
að suðureysk kona, Þórgunna að
nafni, kemur um haustið með Dyfl-
innarskipi til Ólafsvíkur og sest upp
á Fróðá í boði húsfreyjunnar sem
girnist fagra gripi Þórgunnu. Hún
vill engan þeirra selja en ekki líður
á löngu uns hún tekur sótt og deyr
eftir að hafa gefið ströng fyrirmæli
um að alla hluti í hennar eigu skuli
brenna en sjálfa skuli hana jarðsetja
í Skálholti. Er farið að fyrirmælum
hennar í einu og öllu utan að hús-
freyjan stingur undan rekkjuklæð-
um hennar glitofnum. Ekki líður á
löngu áður en heimilisfólkið tekur
sótt hvað af öðru og deyr og gengur
aftur, eftirlifandi heimilisfólki til
mikillar skelfingar. Eru 18 draugar
á bænum þegar flestir eru en 12
heimilismenn lifa ósköpin af.
„Draugarnir voru að lokum
kveðnir niður þegar fenginn var
prestur til að vera með húsdóm eða
særingu. En það er ekki þannig í
okkar sýningu,“ segir Kári og legg-
ur áherslu á að hópurinn túlki heim-
ildirnar með róttækum hætti eftir
sínu höfði og leggi t.a.m. sérstaka
áherslu á samskipti húsfreyjunnar
og aðkomukonunnar. „Þetta er
áleitin og krefjandi sýning þar sem
við skoðum þessa mögnuðu sögu út
frá áður ókönnuðum vinkli,“ segir
Kári leyndardómsfullur.
Í ljósi þess að þrír af fimm flytj-
endum sýningarinnar koma frá út-
löndum, þar sem þeir hafa mörg
verkefni á sinni könnu, er aðeins
hægt að sýna til 19. desember. „Við
erum búin að skipuleggja tíu sýn-
ingar og nú þegar er orðið nær upp-
selt á þær allar, þannig að við mun-
um sennilega bæta við auka-
sýningum og jafnvel bara sýna
daglega næstu tvær vikur,“ segir
Kári og tekur fram að allar sýn-
ingar hefjist kl. 20. „En við getum
aðeins sýnt eina sýningu á dag þar
sem það tekur mjög langan tíma að
undirbúa hverja sýningu og einnig
talsverðan tíma að þrífa á eftir,“
segir Kári og rifjar upp að áður en
aðkomukonan lést hafi rignt blóði á
Fróðá.
Ráða miðaverðinu sjálfir
Spurður hvernig sýningin sé fjár-
mögnuð segir Kári að Frystiklefinn
fjármagni uppfærsluna að fullu.
„Sýningin er ekki styrkt af Leiklist-
arráði. Reyndar hef ég aldrei fengið
styrk frá Leiklistarráði. Við sem
rekum Frystiklefann höfðum efni á
að búa til þessa sýningu í krafti þess
að aðstandendur vinni hér mikið
hugsjónastarf. Við erum eiginlega
að skapa þessa sýningu á ástríðunni
einni saman,“ segir Kári og fagnar
því hversu góðar viðtökur áhorfenda
við sýningum Frystihússins hafa
verið, en í febrúar sl. frumsýndi
Frystiklefinn leikritið Mar sem sýnt
var í fjóra mánuði fyrir fullu húsi.
Þess má að lokum geta að áhorf-
endur ráða miðaverðinu sjálfir og
leyfilegt er að borga eftir sýninguna
ef þess er óskað.
„Áleitin og krefjandi sýning“
 Leiksýningin Fróðá frumsýnd í Frystiklefanum í Rifi í kvöld  „Við erum
eiginlega að skapa þessa sýningu á ástríðunni einni saman,“ segir leikstjórinn
Draugasaga Leikkonurnar Allison Osberg og Aldís Davíðsdóttir í hlutverkum sínum í Fróðá, en verkið byggist
lauslega á draugasögunni um Fróðárundrin úr Eyrbyggja sögu þar sem ágirnd leiddi til skelfilegra atburða. Kári
Viðarsson
Gylfaflöt 5 | 112 Reykjavík | 520 2200 | sorpa@sorpa.is*Breiðhella í Hafnarfirði er opin frá 8.00 virka daga.
Endurvinnslustöðvar SORPU eru opnar 12:30 – 19:30 alla
virka daga* og 12:00 – 18:30 um helgar. Flokkið! Skilið?
Þarftu að losa þig við
... vandamál?
KRAMPUS 6,8,10:45
HUNGER GAMES 4 2D 5,8,10:10
THE NIGHT BEFORE 8,10:10
GÓÐA RISAEÐLAN 2D 5
HANASLAGUR 3:50
LAUGARÁSBÍÓ Sýningartímar
Miðasala og nánari upplýsingar
TILBOÐ KL 5
TILBOÐ KL 5