Morgunblaðið - 17.12.2015, Page 2

2 FRÉTTIRInnlent
MORGUNBLAÐIÐ FIMMTUDAGUR 17. DESEMBER 2015
Íbúar í Leirvogstungu í Mosfellsbæ
verða minna varir við ólykt sem berst
frá urðunarstöð Sorpu í Álfsnesi. Í
könnun sem Gallup gerði fyrir Sorpu
og fjallað var um á stjórnarfundi
Sorpu á mánudag var spurt: Hefur þú
orðið fyrir óþægindum vegna vondrar
lyktar í hverfinu? Rúm 32% svöruðu
játandi en í fyrri könnun var hlutfallið
um 62%. Þeim sem hafa orðið fyrir
miklum óþægindum hefur einnig
fækkað mikið; voru rúmlega 51% í
fyrri könnun en eru nú um 31%.
Á fundi stjórnar Sorpu var einnig
lögð fram skýrsla Resource Inter-
national um lyktarvarnir í urðunar-
stöðinni í Álfsnesi. Sorpa hefur farið í
töluverðar aðgerðir til að reyna að
sporna við lyktinni, en töluvert hefur
verið fjallað um megna ólykt sem
lagðist yfir hverfið.
„Við erum á réttri leið,“ segir Björn
H. Halldórsson, framkvæmdastjóri
Sorpu. „Á síðustu árum höfum við úð-
að heilmiklu vatni yfir úrganginn, sem
er aðferð sem hefur reynst vel. En við
getum gert enn betur þar. Sorpa hef-
ur einnig sett takmarkanir á hvenær
fólk getur komið með lyktarsterkan
úrgang. Við tökum t.d. ekki við þann-
ig úrgangi eftir ákveðinn tíma á
föstudögum, hættum t.d. að taka við
sláturúrgangi til að minnka líkurnar á
að það komi lykt.“ Fram kemur í
fundargerð Sorpu að stjórnin fagni
því að aðgerðirnar hafi skilað tilætl-
uðum árangri. „Íbúar eru orðnir
ánægðari og færri hafa orðið fyrir
óþægindum,“ segir Björn.
benedikt@mbl.is
Morgunblaðið/Árni Sæberg
Álfsnes Þegar Morgunblaðsfólk bar að garði á Álfsnesi var bíll frá Matfugli
nýbúinn að skila af sér úrgangi sem verður urðaður hjá Sorpu.
„Erum á réttri leið“
 Íbúar í Leirvogstungu verða minna varir við vonda lykt
Morgunblaðið Hádegismóum 2, 110 Reykjavík. Sími 5691100 Fréttir Guðmundur Sv. Hermannsson, Sigtryggur Sigtryggsson ritstjorn@mbl.is Viðskipti Sigurður Nordal vidskipti@mbl.is Menning Einar Falur Ingólfsson menning@mbl.is
Íþróttir Víðir Sigurðsson sport@mbl.is mbl.is Sunna Ósk Logadóttir netfrett@mbl.is Smartland Marta María Jónasdóttir smartland@mbl.is Umræðan | Minningar | Bréf til blaðsins mbl.is/sendagrein Prentun Landsprent ehf.
Sannkölluð hátíðarstemning ríkti á sjálfsafgreiðslu-
lager IKEA í Kauptúni í Garðabæ í gær þegar Sinfóníu-
hljómsveit Íslands birtist þar í hádeginu. Lék sveitin
jólalög, gestum og starfsfólki til óblandinnar ánægju.
Hljómsveitin var í rútuferð um höfuðborgarsvæðið í
gær og lék jólalög einnig fyrr um morguninn í Rauða-
krosshúsinu við Strandgötu í Hafnarfirði. Á þriðjudag
lék sveitin í Kringlunni og á Hrafnistu í Reykjavík.
Sínfónían mætti á lager IKEA
Morgunblaðið/Ómar Friðriksson
Sigurður Bogi Sævarsson
sbs@mbl.is
Hafist verður handa á næstu dögum
um fornleifarannsóknir framan við
gamla Landssímahúsið við Austur-
völl í Reykjavík, það er á lóðunum
nr. 4-6 í Thorvaldsensstræti. Til
stendur að stækka áðurnefnda bygg-
ingu og breyta í 160 herbergja hótel,
en þar er undir bílaplan sem liggur
út að Kirkjustræti.
„Við höfum rökstuddan grun um
að þarna séu fornminjar og teljum
því nauðsynlegt að svæðið sé kannað
áður en lengra verður haldið með
einhverjar framkvæmdir,“ sagði
Agnes Stefánsdóttir, sviðsstjóri hjá
Minjastofnun‚ í samtali við Morgun-
blaðið í gær.
Beinagrindur fundust
Landssímahúsið, sem svo er jafn-
an kallað, var byggt árið 1931 og
stækkað árið 1968. Í bæði skiptin
komu við jarðvinnu í ljós fornminjar.
Í síðara skiptið voru meðal annars
beinagrindur teknar úr jörðu, enda
er þetta svæði í jaðri Víkurkirkju-
garðs sem var legstaður Reykjavík-
ur frá kristnitöku og nokkuð fram á
19. öldina. Þá er talið að landnáms-
bær þeirra Ingólfs Arnarsonar og
Hallveigar Fróðadóttur hafi staðið
þarna örskammt vestar, það er við
Aðalstræti.
„Við þurfum að vita hvort kirkju-
garðurinn nái lengra til austurs en
áður hefur verið vitað um, það er í átt
að Austurvelli. Kvosin hefur verið
mjög í deiglu fornleifafræðinnar á
síðustu árum og margar áhugaverð-
ar minjar fundist, nú síðast við
Lækjargötu,“ segir Agnes.
Félagið Lindarvatn ehf., sem er í
50% eigu Icelandair Group og 50% í
eigu Dalsness, stendur að fram-
kvæmdunum. Stöðuleyfi hefur feng-
ist til að reisa hús yfir uppgröftinn.
Samið hefur verið við Völu Garðars-
dóttur fornleifafræðing um að stýra
greftrinum, sem mun fara fram í
tveimur áföngum og í samráði við
Minjastofnun.
Leita á minja við Landssímahúsið
 Fornleifagröftur í hjarta Kvosar nauðsyn vegna fram-
kvæmda  Beinagrindur á svæðinu  Ingólfur skammt frá
Morgunblaðið/Eggert
Uppgröftur Búið er að loka bílastæðunum við Landssímahúsið vegna forn-
leifarannsókna. Þrengist þá enn að bíleigendum í miðbæ Reykjavíkur.
Hvassviðri er
spáð víðs vegar
um landið í dag
og gæti vindhraði
náð stormstyrk í
Breiðafirði, á
Vestfjörðum og
Norðurlandi.
Talsverðri rign-
ingu er spáð
sunnanlands í dag, þá sérstaklega á
austanverðu Suðurlandi. Því norðar
sem dregur er spáð slyddu og snjó-
komu, þar sem vindur er kaldari. Þá
er einnig spáð miklu hvassviðri í
Vestmannaeyjum sem nær hápunkti
um hádegisbil. Vakthafandi veður-
fræðingur telur ólíklegt að færð
spillist en segir þó að ferðaveður
verði „óskemmtilegt“ á leið norður
og austur í dag.
Ferðum Breiðafjarðarferjunnar
Baldurs verður flýtt í dag sökum
veðurs. Í stað þess að fara kl. 15 frá
Stykkishólmi verður farið kl. 10 fyrir
hádegi. Þá verður farið klukkan 13
frá Brjánslæk en ekki klukkan 18.
Rigning,
slydda og
snjókoma
 Ferðum Baldurs
flýtt sökum veðurs
Björn H. Halldórsson, fram-
kvæmdastjóri Sorpu, kynnti breyt-
ingar á gjaldskrárvísitölu á síðasta
stjórnarfundi. Almenn gjaldskrá
tekur breytingum og hækkar um
4,69% um áramótin. Gjaldskrá
endurvinnslustöðva tekur sömu
breytingum.
„Við notum samsetta vísitölu,
blöndu úr byggingarvísitölu og
launavísitölu eftir ákveðnum hlut-
föllum, sem við borgum öllum verk-
tökum okkar eftir. Það er sama
vísitalan og gjaldskráin tekur
breytingum eftir. Það sem verktak-
arnir okkar taka í breytingu á vísi-
tölu kemur sömuleiðis fram í gjald-
skránni. Hún er í hærri kantinum,
hærri en við bjuggumst við,“ segir
Björn, en þess má geta að gjaldskrá
hjá Reykjavíkurborg mun hækka
um 3,2% að jafnaði um áramótin.
Sorpuvísitalan er í hærri kantinum
Eygló Harðar-
dóttir velferðar-
ráðherra hefur
lagt fram frum-
varp á Alþingi
sem fjallar um
uppbyggingu fé-
lagslegra leigu-
íbúða með stofn-
framlögum ríkis
og sveitarfélaga.
Miðað er við að ríki og sveitarfélög
veiti stofnframlög til byggingar og
kaupa á almennum íbúðum. Þannig
verði stuðlað að framboði leiguhús-
næðis á viðráðanlegu verði fyrir þá
sem á því þurfa að halda. Gert er
ráð fyrir að hið opinbera komi að
byggingu 2.300 íbúða á næstu fjór-
um árum.
Frumvarp um
fjölgun félagsíbúða
Eygló Harðardóttir
Sjúkraliðafélag Íslands undirritaði
í gær nýjan kjarasamning við
Reykjavíkurborg. Kristín Á. Guð-
mundsdóttir, formaður Sjúkraliða-
félags Íslands, vonar að sjúkraliðar
séu ánægðir með samninginn, en
hann felur í sér nýja launatöflu og
röðun í launaflokka skv. starfsmati
Reykjavíkurborgar. Samningurinn
gildir frá 1. febrúar 2016 og felur í
sér 322.500 kr. eingreiðslu vegna
tímans án samnings frá 1. maí sl.
SLFÍ semur við
Reykjavíkurborg