Morgunblaðið - 17.12.2015, Side 16

16 FRÉTTIRInnlent
MORGUNBLAÐIÐ FIMMTUDAGUR 17. DESEMBER 2015
ÚR BÆJARLÍFINU
Skapti Hallgrímsson
Akureyri
Gert er ráð fyrir liðlega 380 milljóna króna
halla á rekstri Akureyrarbæjar á næsta ári.
Þar ræðir um alla samstæðuna, bæði rekstur
bæjarsjóðs og fyrirtækja bæjarins. Fjárhags-
áætlun var samþykkt í vikunni af fulltrúum
meirihlutaflokkanna þriggja, L-lista fólksins,
Framsóknarflokks og Samfylkingar, svo og
fulltrúum VG og Bjartrar framtíðar. Sjálfstæð-
ismenn sátu hjá. Fulltrúar meirihlutans nefna
ekki síst miklar launahækkanir sem ástæðu
fyrir hallanum en sjálfstæðismenn telja það
ekki segja nema hálfa söguna.
Sjálfstæðismenn í bæjarstjórn eru mjög
óánægðir með að ekki skyldi hafist handa strax
í upphafi árs að undirbúa fjárhagsáætlun fyrir
2016. „Áætlunin fyrir ári var í raun afgreidd
með halla á aðalsjóði, því við vissum að á þessu
ári yrðu launahækkanir mun meiri en reiknað
var með,“ segir Gunnar Gíslason, oddviti sjálf-
stæðismanna, við Morgunblaðið.
„Talað var um, þegar við samþykktum áætl-
unina þá, að strax í upphafi árs yrði farið í
gagngera greiningarvinnu, upplýsingasöfnun
og aðhald í rekstri. Það hefði verið hægt að
draga úr útgjaldaaukanum, en var ekki gert.“
Grafalvarlegt mál
Gunnar segir ekki liggja fyrir opinberar upp-
lýsingar um fjölgun stöðugilda hjá bænum og
um aukna þjónustu en skv. tölum sem hann hafi
tekið saman virðist sem stöðugildum hjá bæn-
um hafi fjölgað töluvert frá 2014. „Nú er fjár-
hagsáætlunin afgreidd með halla á samstæð-
unni allri upp á 383 milljónir, sem er
grafalvarlegt. Aðalsjóður, sem lýsir rekstri
bæjarins, er með halla upp á 669 milljónir og sá
halli verður 400 milljónir á næsta ári miðað við
fast verðlag en þá er búið að gera ráð fyrir 500
milljóna króna hagræðingu.“
Gunnar segir marga hafa haft uppi stór orð
um rekstur Reykjavíkurborgar „en við erum
því miður á svipuðum slóðum og jafnvel verri að
einhverju leyti. Lánastaðan er reyndar mun
betri og við höfum góðan möguleika á að snúa
þessu við, en þá verður að fara að gera eitt-
hvað“.
Gunnar segir eitt og annað jákvætt við fjár-
hagsáætlunina. „Meirihlutinn lagði til, og við
vorum reyndar með svipaða tillögu, að farið
yrði í rekstrarúttekt strax í byrjun næsta árs
og lagðar fram tillögur um breytingar. Verk-
efnið verður sífellt erfiðara ef það dregst. En
því má ekki gleyma að þjónusta bæjarins er
gríðarlega mikil; við stöndum okkur vel hvað
það varðar.“
Góð samvinna
„Guðmundur Baldvin Guðmundsson, for-
maður bæjarráðs og oddviti framsóknarmanna,
segir mikið áhyggjuefni að laun hafi hækkað
mun meira en útsvar og hinir oddvitar meiri-
hlutaflokkanna, Matthías Rögnvaldsson og
Logi Einarsson, tóku í svipaðan streng.
„Við höfum gert ýmislegt þótt sjálfstæðis-
menn haldi öðru fram; látið gera úttekt á þjón-
ustu við aldraða, auk þess stjórnsýsluúttekt
sem vonandi klárast fljótlega, en ákváðum að
fara ekki í hagræðingaraðgerðir núna heldur
sýna hver staðan er og fara í aðgerðir eftir ára-
mót til að fylla upp í gatið sem við stöndum
frammi fyrir,“ segir Guðmundur Baldvin.
Settur verður saman aðgerðarhópur, þar
sem meðal annars verða oddvitar allra flokka.
„Mér finnst ánægjulegt að allir ætli að leita
leiða saman til að snúa þessu við. Samvinnan er
góð; þetta er góð bæjarstjórn.“
Guðmundur segir fjárhagsstöðu bæjarins
trausta þrátt fyrir allt. „Skuldahlutfallið er ekki
hátt. Fjárhagsstaða Akureyrabæjar er traust.“
„Mikil áskorun“
Logi Már Einarsson, oddviti Samfylkingar-
innar, segir það verða mikla áskorun „að takast
á við fjármálastjórn bæjarins næstu misserin.
Fordæmalitlar, en vafalaust verðskuldaðar,
launahækkanir gera reksturinn snúnari en oft-
ast áður,“ segir Logi.
„Þá er efnahagsumhverfi landsins allt of
sveiflukennt og gríðarlega erfitt fyrir sveit-
arfélög, sem hafa takmarkaða möguleika til
tekjuöflunar, að fóta sig í því.“
Logi segir óþolandi að horfa upp á hvernig
ríkisvaldið þverskallist oft við að veita nauðsyn-
legum fjárhæðum í þjónustu sem sveitarfélög
inni af hendi fyrir það.
„Brýn verkefni eru því að hagræða í rekstr-
inum í sátt við bæjarbúa og krefjast endurmats
á skiptingu tekna milli ríkis og sveitafélaga en
ekki síst að ná víðtækri sátt á landsvísu um
stöðugra efnahagsumhverfi, með nýrri mynt.
Ljósi punkturinn er nokkuð víðtæk sátt bæj-
arstjórnar um að halda áfram að byggja hér
upp kraftmikla, litríka og samkeppnishæfa
smáborg. Leggjast ekki í vörn heldur takast á
við verkefnið af eldmóði og bjartsýni. Sér-
staklega er ég þakklátur fyrir hvað fulltrúar
minnihlutans í VG og Bjartri framtíð eru sam-
stíga meirihlutanum í þeirri sýn.“
Viljum vinna faglega
Matthías Rögnvaldsson, oddviti L-listans og
forseti bæjarstjórnar, segir launaliðinn hækka
um 13% hjá bæjarsjóði á milli fjárhagsætlana
en útsvarið fylgi ekki nægilega vel. Varðandi
halla á áætluninni sagði hann meirihlutann
telja óábyrgt að setja inn prósentutölur vegna
hagræðingar. „Við viljum frekar fara yfir það
með okkar embættismönnum og nefndarfólki
hvernig best er að standa að hagræðingu til
framtíðar. Við viljum vinna faglega að því að ná
niður kostnaði til framtíðar.“
Samvinna við breytingar
Sóley Björk Stefánsdóttir, bæjarfulltrúi VG,
segir ekki jákvætt að gera ráð fyrir hallarekstri
„en ég er þó sammála þeirri framsetningu frek-
ar en að reyna að fegra stöðuna,“ segir hún.
„Staðreyndin er sú að launahækkanir opin-
berra starfsmanna breyta landslaginu í rekstri
bæjarins. Ég vona að þær breytingar séu til
frambúðar vegna þess að ég trúi því að við
séum að ganga út úr þeirri hugsun að grunn-
þjónusta samfélagsins velti á því að laun starfs-
fólks í opinbera kerfinu séu lægri en laun á al-
menna markaðnum. Atvinnuöryggi og betri
lífeyrissjóður hefur ekki lengur það vægi sem
það áður hafði í huga fólks og ég styð það að
starfsfólk í opinbera kerfinu geri sömu kröfur
til launa og á almenna markaðnum. Þetta þýðir
að við verðum að gera breytingar á kerfinu, en
það er búið að leggja ákveðinn grunn með ýms-
um rekstrar- og stjórnsýsluúttektum og fram
undan er allsherjar rekstrarúttekt. Ég greiddi
atkvæði með fjárhagsáætluninni vegna þess að
ég styð þá hugmyndafræði að grípa ekki til til-
viljunarkenndra niðurskurðaraðgerða heldur
að skoða kerfið vel og breyta því sem þarf að
breyta í samvinnu við starfsfólk og bæjarbúa.
Ekki er síður mikilvægt að vinna áfram með
ríkisvaldinu og Sambandi sveitarfélaga að því
að gera breytingar á skiptingu skatttekna milli
ríkis og sveitarfélaga.“
Bretta þarf upp ermar
Margrét Kristín Helgadóttir, bæjarfulltrúi
Bjartrar framtíðar, kveðst ánægð með þá
ákvörðun meirihlutans „að sýna stöðuna eins
og hún er. Við erum ekki að ná endum saman í
rekstri bæjarins og þurfum að takast á við það
með einhverjum aðgerðum“.
Hún segist ánægð með viðbótarfjármagn í
forvarnarstarf og nýja stöðu mannauðsráðgjafa
til fræðsludeildar. „Að sama skapi er ég ánægð
með að það eigi að hefja vinnu við að taka út
reksturinn í byrjun nýs árs þó svo að byrja
hefði mátt fyrr.“
Margrét segir stöðu bæjarins sterka í grunn-
inn. „Við erum að borga niður lán og sinna allri
daglegri þjónustu. Nú þarf þó að fara að rétta
hallann af og það sem fyrst; við þurfum að
bretta upp ermar og laga til í rekstri bæjarins,
við þurfum að halda áfram að standa á okkar
gagnvart ríkinu og finna leiðir til að efla tekjur
bæjarins.“
Hún sat hjá við atkvæðagreiðslu með fram-
kvæmdaráætlun bæjarins „því ég er ekki sátt
við þá forgangsröðun sem þar er. Ég hefði vilj-
að sjá lóð Naustaskóla kláraða og almennt að
við einbeittum okkur í bili að viðhaldi á þeim
eignum sem við nú þegar eigum og liggja undir
skemmdum frekar en nýbyggingum.“
Gert ráð fyrir 380 milljóna halla
Morgunblaðið/Skapti Hallgrímsson
Ábúendur Lífið gengur sinn vanagang í aðdraganda jóla á Akureyri, m.a. við andapollinn.
Sýslumaðurinn á höfuðborgarsvæð-
inu setti í gær lögbann á upptöku og
ólínulega miðlun Vodafone á sjón-
varpsefni SkjásEins. Fram kemur í
tilkynningu Símans að „Vodafone
brjóti gegn dreifingarsamningi við
Símann og miðli sjónvarpsefni
SkjásEins með óleyfilegum hætti til
viðskiptavina sinna.“
Hefur ágreiningur félaganna
vegna breyttrar þjónustu SkjásEins
verið til skoðunar hjá stjórnvöldum,
þ.e. hjá Samkeppniseftirlitinu, Póst-
og fjarskiptastofnun og fjölmiðla-
nefnd. Gunnhildur Arna Gunnars-
dóttir, upplýsingafulltrúi Símans,
segir í tilkynningu að innan eftirlits-
stofnana hafi m.a. verið tekist á um
hvort svonefnd Tímavél Vodafone og
Frelsi heyrðu til línulegrar eða
ólínulegrar dagskrár. Síminn heldur
því fram að þjónustan sé ólínuleg og
undir það tekur fjölmiðlanefnd.
Grípa til fullra varna
Vodafone sendi einnig frá sér til-
kynningu í gær vegna lögbannsins
og kemur þar t.a.m. fram að um
bráðabirgðaaðgerð sé að ræða sem
ekki feli í sér ítarlega efnismeðferð.
„Fjarskipti hf. munu grípa til
fullra varna í staðfestingarmáli, sem
gera verður ráð fyrir að Síminn hf.
höfði í framhaldinu og mun áfram
standa fast gegn þeirri þróun að
markaðsráðandi fyrirtæki reyni að
gera sjálfsagða þjónustu sem þessa
að aðgreinandi samkeppnisþætti á
kostnað neytenda,“ segir í tilkynn-
ingu sem Gunnhildur Ásta Guð-
mundsdóttir, upplýsingafulltrúi
Vodafone, sendi.
„Fjarskipti hf. hafa fram til þessa
neitað kröfum Símans um að hætta
að bjóða viðskiptavinum Vodafone
Sjónvarps tímaflakk á SkjáEinum
með að leiðarljósi að standa vörð um
aðgang neytenda að tímavél sem
sjálfsagðri sjónvarpsþjónustu. Fjar-
skipti hf. byggja á að gildandi samn-
ingur milli félaganna veiti skýra
heimild til miðlunar efnisins.“
Hart tekist á um
tímaflakk efnis
 Sýslumaður setti lögbann á Vodafone
Gunnhildur Arna
Gunnarsdóttir
Gunnhildur Ásta
Guðmundsdóttir