Morgunblaðið - 13.01.2016, Page 14

14 FRÉTTIRInnlent
MORGUNBLAÐIÐ MIÐVIKUDAGUR 13. JANÚAR 2016
Ágreiningur er kominn upp á milli
sveitarstjórnarmanna um hvernig
skipta eigi væntanlegu framlagi rík-
isins til að bæta sveitarfélögunum
upp tekjumissi vegna skattleysis
séreignarsparnaðar einstaklinga
sem nýttur er til að lækka höfuðstól
húsnæðislána í tengslum við skulda-
leiðréttingu ríkisstjórnarinnar. Sam-
tök sveitarfélaga á höfuðborgar-
svæðinu andmæla kröftuglega
nýjum hugmyndum sem fram hafa
komið um að dreifa framlaginu aðal-
lega til sveitarfélaga utan höfuð-
borgarsvæðisins.
Í frumvarpi um málið sem liggur
fyrir Alþingi er gert ráð fyrir að hluti
skatts á fjármálafyrirtæki verði not-
aður til að bæta sveitarfélögunum
upp tekjumissi vegna útgreiðslu sér-
eignarsparnaðar. Áætluð fjárhæð er
um 1,1 milljarður samtals á árunum
2014 og 2015 en óvissa með fram-
haldið. Gert er ráð fyrir því að tekj-
urnar skiptist í samræmi við útsvar-
stekjur sveitarfélaganna. Það þýðir
að í hlut sveitarfélaganna á höfuð-
borgarsvæðinu þar sem um 65%
landsmanna búa koma um 730 millj-
ónir króna. Hins vegar hafa einstök
sveitarfélög og sveitarstjórnarmenn
lýst þeirri skoðun sinni að skipta
ætti framlaginu eins og öðrum
tekjum Jöfnunarsjóðs sveitarfélaga.
Þá myndi meginhluti framlagsins
fara til sveitarfélaga utan höfuð-
borgarsvæðisins og aðeins um 70
milljónir til höfuðborgarsvæðis.
Stjórn Samtaka sveitarfélaga á
höfuðborgarsvæðinu (SSH) hefur
sent frá sér samþykkt þar sem fram
kemur að hún telji „óhjákvæmilegt
annað en að andmæla kröftuglega
öllum þeim hugmyndum sem fram
hafa verið settar um að fella þessar
tilteknu sértekjur undir almennar
úthlutunarreglur jöfnunarsjóðs með
þeirri niðurstöðu að um 93-94%
þessara sértekna færu til sveitarfé-
laga utan höfuðborgarsvæðisins.
Fyrir slíku finnast engin rök, þar
sem þessum tekjum er ætlað að
bæta öllum sveitarfélögum landsins
upp sérstakan tekjumissi vegna sér-
stakra aðgerða í tengslum við
skuldaleiðréttingu ríkisstjórnarinn-
ar.“ helgi@mbl.is
Andmæla nýrri skiptingu
 Deilt um skiptingu „bankaskatts“ á milli sveitarfélaga
 730 milljónir fara að óbreyttu til höfuðborgarsvæðisins
–– Meira fyrir lesendur
Þorrinn
SÉRBLAÐ
Eitt og annað sem tengist þorranum verður
til umfjöllunar í blaðinu s.s:
Matur, menning,
hefðir, söngur,
bjór, sögur
og viðtöl.
Þann 22. janúar gefur
Morgunblaðið út sérblað
tileinkað þorranum
PÖNTUNARTÍMI AUGLÝSINGA:
Fyrir kl. 16, mánudaginn 18. janúar.
Nánari upplýsingar gefur:
Katrín Theódórsdóttir
Sími: 569 1105
kata@mbl.is
Baldur Arnarson
baldura@mbl.is
Eldsneytiskostnaður íslensku út-
gerðarinnar sem hlutfall af afurða-
verði hefur ekki verið jafn lítill síð-
an í ársbyrjun
2002. Þetta kem-
ur fram í grein-
ingu Yngva
Harðarsonar,
hagfræðings og
framkvæmda-
stjóra Analytica,
sem gerð var
fyrir Morgun-
blaðið.
Þróunin frá
árinu 2000 er
sýnd hér til hliðar.
Verðlækkun á olíu hélt áfram á
mörkuðum í gær og fór verðið á
olíufatinu í New York undir 30 dali.
Verð á íslenskum sjávarafurðum er
hins vegar hátt og er afurðaverð
sem hlutfall af eldsneytiskostnaði
því lágt í sögulegu samhengi. Þetta
ætti að óbreyttu að styrkja afkomu
útgerðarinnar, en Yngvi bendir á
að stærri útgerðir séu gjarnan með
samninga um kaup á olíu sem
kveða á um tengingu við heims-
markaðsverð. Þá þurfi að hafa í
huga að ekki sé fullkomin samsvör-
un milli verðþróunar gasolíu, svart-
olíu og hráolíu. Verðþróun hráolíu
gefi hins vegar góða sýn á stóru
myndina.
Framboðið hafi haldist mikið
Yngvi bendir á að olíuhrunið
skýrist meðal annars af hægum
hagvexti víða um heim samhliða
því að framboð á olíu hafi haldist
mikið. Vegna minni hagvaxtar í
Kína sé eftirspurn eftir eldsneyti
að dragast saman. Hrávöruverð sé
að lækka.
„Það er ýmislegt í þessari þróun
sem er ekki endilega góðar fréttir
fyrir okkur Íslendinga,“ segir
Yngvi og bendir á að erfiðleikar í
heimsbúskapnum geti smitast yfir í
verð á útflutningsafurðum þjóðar-
innar og hafi að sumu leyti þegar
gert það, samanborið við verðlækk-
un á áli. Leiðandi hagvísir OECD
fyrir Kína bendi hins vegar til að
ástandið þar kunni að vera að
lagast, þótt verðþróun hlutabréfa
þar í landi sýni þess ekki merki.
Miðgengi Bandaríkjadals var
130,4 krónur í gær. Á síðustu
þremur mánuðum hefur gengi
krónu gagnvart dalnum farið hæst
í 124,12 kr., en lægst í 132,95 kr.,
samkvæmt vef Landsbankans. Dal-
urinn er uppgjörsmynt olíunnar og
hefur gengi hans því áhrif á þróun
olíuverðs á Íslandi.
Bætir að óbreyttu afkomu útgerða
 Verðhlutfall sjávarafurða og olíu hefur ekki verið jafn hagstætt fyrir útgerðir síðan í ársbyrjun 2002
 Olíuverðið undir 30 dali á mörkuðum í New York  Daprar hagvaxtarhorfur víða eru ein ástæðan
Verðhlutfall sjávarafurða og hráolíu 2000-2015
Vísitala, jan. 2000=100
Heimild: Thomson Reuters, Hagstofa Íslands, Seðlabanki Íslands, Analytica. Áætlun Analytica fyrir des. 2015.
Janúartölur ekki teiknaðar á línuritið.
140
120
100
80
60
40
20
0
20
00
.0
1
20
08
.0
1
20
04
.0
1
20
12
.0
1
20
02
.0
1
20
10
.0
1
20
06
.0
1
20
14
.0
1
20
01
.0
1
20
09
.0
1
20
05
.0
1
20
13
.0
1
20
03
.0
1
20
11
.0
1
20
07
.0
1
20
15
.0
1
20
00
.0
7
20
08
.0
7
20
04
.0
7
20
12
.0
7
20
02
.0
7
20
10
.0
7
20
06
.0
7
20
14
.0
7
20
01
.0
7
20
09
.0
7
20
05
.0
7
20
13
.0
7
20
03
.0
7
20
11
.0
7
20
07
.0
7
20
15
.0
7
Hæsta hlutfall
síðan 2002
Morgunblaðið/Styrmir Kári
Á sjó Ásbjörn RE á siglingu. Nú er
ódýrara að sigla skipunum.
Yngvi
Harðarson
Þórunn Kristjánsdóttir
thorunn@mbl.is
Fyrsta áfanga á viðgerðum á hús-
næði Ölduselsskóla í Reykjavík
vegna mygluskemmda er að ljúka.
Rakaskemmdir komu í ljós í þak-
klæðningu.
Í lok þessarar viku mæta þau
börn aftur í skólann sem fengu
kennslu í safnaðarhúsnæði Selja-
kirkju á meðan lagfæringar stóðu
yfir á skólahúsnæðinu. Um var að
ræða tvo árganga, um 85 börn.
„Þetta hefur gengið mjög vel og
við höfum átt í góðu samstarfi við
starfsfólk safnaðarheimilisins,“ seg-
ir Börkur Vígþórsson, skólastjóri
Ölduselsskóla. Ekki hefur verið tek-
in ákvörðun um hver næsti áfangi á
viðgerðum á húsnæðinu verður, að
sögn Barkar. Hann vonast til að ekki
þurfi að flytja kennsluna og börnin í
annað húsnæði vegna þeirra við-
gerða sem eftir eru. Börkur væntir
þess að þeim verði lokið fyrir næsta
skólaár.
Heildarkostnaðurinn vegna
mygluskemmdanna liggur ekki fyr-
ir, eða við þær viðgerðir sem þegar
eru búnar.
Enn er unnið að því að laga al-
varlegar rakaskemmdir á Orku-
veituhúsinu á Bæjarhálsi sem komu
í ljós í ágústmánuði. Skemmdirnar
voru bæði innan- og utanhúss. Um
miðjan febrúarmánuð snúa starfs-
menn aftur í vinnurými þar sem rak-
inn fannst, að sögn Eiríks Hjálm-
arssonar, upplýsingarfulltrúa
Orkuveitunnar.
Rýmið var tæmt og skemmdar
gipsplötur fjarlægðar. Stillingum á
loftræstikerfinu var breytt til að
auka loftskipti og hraða þeim í öllum
vinnurýmum. Við það myndast yf-
irþrýstingur sem dregur úr hættu á
að gró úr veggjum berist inn í rýmið.
Á næstunni er von á skýrslu frá
verkfræðistofunni Eflu, sem gerði
úttekt á ástandinu og tillögur að úr-
bótum. Vísbendingar eru um að rak-
inn sé bundinn við austurhlið vest-
urhússins og mestur í því rými þar
sem hann uppgötvaðist en ástands-
skýrslunnar er beðið. Húsið var tek-
ið í notkun árið 2003.
Mæta brátt aftur í
skólann eftir viðgerðir
Morgunblaðið/Eggert
Mygla Viðgerðir hafa staðið yfir.
 Mygluskemmdir í
Ölduselsskóla lagaðar