Morgunblaðið - Sunnudagur - 14.02.2016, Page 13

Heldur er tíðindalítið á for-setavígstöðvunum. Ráð-gjafar ku leggja til að sá
sem hugi að framboði stígi ekki fram
alveg strax. Undirbúningstímabilið
sé ekki auðvelt og mikilvægt að
greina frá ákvörðun á „hárréttu
augnabliki“ hvað svo sem það nú þýð-
ir.
Nokkrir hafa þegar lýst yfir fram-
boði og sumir þeirra tjáðu sig um hin
aðskiljanlegustu málefni á Facebook
í vikunni.
Þorgrímur Þráinsson skrifaði, eftir
að í hámæli komst að barn í Fella-
skóla fékk ekki að kaupa sér pítsu-
sneið í hádeginu á öskudaginn fyrst
hún er ekki í mataráskrift, að mikil-
vægt væri að hafa Barnasáttmála
Sameinuðu þjóðanna í huga:
,,Öll börn eiga sama rétt á að lifa og
þroskast og ekki má mismuna þeim
vegna stöðu, bakgrunns, uppruna eða
fjölskyldu þeirra. Börn geta ekki bor-
ið ábyrgð á þeirri stöðu sem þau fæð-
ast í. Fátækt og félagsleg einangrun
eykur hættuna á að börn fái ekki not-
ið þessara grunnréttinda. Með því að
koma í veg fyrir fátækt og ójöfnuð
komum við í veg fyrir að brotið sé á
réttindum barna og gerum þeim öll-
um kleift að njóta réttinda sinna.
Ég er tilbúinn til þess að borga
hærri skatta til þess að ÖLL grunn-
skólabörn geti setið við sama borð í
hádegismat. Sykurskatturinn einn og
sér hefði reyndar dekkað þann kostn-
að,“ sagði Þorgrímur.
Svo mörg voru þau orð.
Elísabet Jökulsdóttir rithöfundur,
sem er einnig titluð atvinnumótmæl-
andi á Facebook, tjáði sig um eigin
æsku í vikunni:
„Ég fékk mjög forsetalegt uppeldi,
ég var alltaf á Þingvöllum með afa og
ömmu að borða samlokur úr körfu Ís-
lenskra aðalverktaka, síðan setti afi
mig inní Bændahöllina, Eimskipa-
félagið, Sambandið, BSí, Lýðveldis-
stofnun, meðan við tuggðum samlok-
urnar. Með hangikjöti, osti, gúrku,
eggi og tómat. Á eftir fórum við uppí
brekku að huga að blómum, bláberja-
lyngi, fífum og reyrgresi og ég fékk
að heyra hryllilegar sögur sem höfðu
dunið yfir þjóðina, einsog músina sem
gróf sig ofaní kindaskrokk í fjárhús-
unum svo kindin jarmaði einsog
keðjusög, ég heyrði um tvær litlar
stúlkur sem hefðu andast í lautu á
fífukodda, hvernig þjóðin hefði logn-
ast út af í myrkri, kulda og vosbúð í
margar aldir meðan hún sat við
skriftir á Íslendingasögunum undir
Heklugos en einn daginn smurði
amma einmitt samlokur í körfu frá
Íslenskum aðalverktökum og við ók-
um af stað að skoða Heklugosið.“
Elísabet segir hraunið hafa ruðst
áfram „með glóandi skruðningum og
svo fórum við niðrí fjöru að tína ígul-
ker og kuðunga, og fengum að heyra
um Reynistaðarbræður og Djáknann
á Myrká á leiðinni heim, skipstrandið
á Mýrum, og fólk sem hafði dáið á leið-
inni til Vesturheims. Svo ég vogaði
mér aldrei að fara þangað“.
Þingvellir komu einnig við sögu í
færslu á facebooksíðu Hildar Þórð-
ardóttur. Hún segir að á heimili
ömmu hennar og afa hafi verið Kjar-
valsmálverk yfir sófanum; af hrauni á
Þingvöllum eins og Kjarval einn mál-
aði það.
Málverkið greyptist svo djúpt inn í
vitundina að í hvert sinn sem Hildur
keyrir framhjá hrauni og sérstaklega
ef litirnir minna á málverkið „finnst
mér ég alltaf vera að keyra í málverki
eftir Kjarval. Þannig getur listin
breytt skynjun okkar á heiminum“,
segir hún.
Hildur bætir við að eins og margir
góðir listamenn hafi Jóhannes Kjarval
verið á undan sinni samtíð. „Hann var
frumkvöðull og fór sínar eigin leiðir í
köllun sinni. Hann var ekki allra á
meðan hann lifði, þótti ægilegur sér-
vitringur og kannski var hann sér á
parti. En nú næstum hálfri öld eftir
dauða hans er hann hvers manns hug-
ljúfi og óskabarn þjóðarinnar.“
Af börnum og forsetalegu uppeldi
Frambjóðendur til emb-
ættis forseta Íslands
hafa sig ekki verulega í
frammi enn sem komið
er en tjá sig þó um allt
milli himins og jarðar.
Skapti Hallgrímsson skapti@mbl.is
Morgunblaðið/Golli
Forseti Íslands er verndari ým-
issa samtaka og viðburða. Á
heimasíðu embættisins er eft-
irfarandi talið upp:
Alþjóðlegar sumarbúðir
barna á Íslandi, American
Scandinavian Foundation í
Bandaríkjunum, Bandalag ís-
lenskra skáta, European Cities
Against Drugs (Samstarfsverk-
efni Evrópuborga gegn fíkni-
efnum), Gríman, Íslensku leik-
listaverðlaunin, Íslensku
bjartsýnisverðlaunin, Íþrótta-
og Ólympíusamband Íslands,
Íslenski þekkingardagurinn,
Kvenfélagasamband Íslands,
Lionshreyfingin á Íslandi,
Listahátíð í Reykjavík, Nýsköp-
unarkeppni grunnskólanem-
enda, NGK, Rauði kross Ís-
lands, Slysavarnafélagið
Landsbjörg, Umhyggja, félag til
stuðnings langveikum börnum.
Að auki er hefð fyrir því að
forseti taki að sér að vera
verndari margvíslegra verk-
efna eða atburða, safnana, list-
viðburða og ráðstefna.
Vernd
FORSETAVAKTIN
14.2. 2016 MORGUNBLAÐIÐ SUNNUDAGUR 13
19
VIKUR TIL KOSNINGA
Vítaplús
hágæða fjölvítamín
Framtak-Blossi er umboðsaðili
fyrirVOLVO PENTA á Íslandi
Dvergshöfða 27 , 110 Reykjavík | www.blossi.is | blossi@blossi.is
Þingvellir eru Íslendingum afar hugleiknir.
Kjarval málaði þá á ógleymanlegan hátt og
Elísabet Jökulsdóttir segist allaf hafa verið
þar með afa sínum og ömmu.