Morgunblaðið - Sunnudagur - 14.02.2016, Qupperneq 30

30 MORGUNBLAÐIÐ SUNNUDAGUR 14.2. 2016
MATUR
Getty Images/iStockphoto
Heimabakað er best
Fátt er betra en nýbakað brauð með kaffinu á
morgnana. Langbest er að borða það volgt úr
ofninum með smjöri, osti og sultu. Það er ekki
flókið að baka gott brauð! Hér fá lesendur
nokkrar góðar hugmyndir að einföldu og
dásamlegu brauði, bollum og kexi.
Ásdís Ásgeirsdóttir asdis@mbl.is
1 bréf þurrger (ca. 12 g)
5 dl kalt vatn
1-3 gulrætur (fer eftir stærð) eða sem
samsvarar 2.5 dl af rifnum gulrótum
2 epli eða sem samsvarar 3.5 dl af
rifnum eplum
2 msk olía
2 msk hunang (fljótandi)
2 tsk salt
3 dl heilhveiti
ca 8-10 dl Kornax-hveiti í bláum
pakkningum fyrir brauðbakstur
Setjið vatnið í skál og blandið
gerinu saman við vatnið með písk.
Gulrætur og epli eru afhýdd, rifin
gróft og sett út í gerblönduna. Því
næst er olíu, hunangi og salti bætt
út í og látið bíða í nokkarar mín-
útur. Bætið að lokum heilhveiti og
hveiti út í þar til deigið verður pass-
lega blautt og hnoðið saman í
höndum eða vél þar til það er orð-
ið slétt. Setjið þá plastfilmu eða
viskustykki yfir skálina og deigið
látið kaldhefast í ísskáp yfir nóttu
(eða í eina klukkustund við stofu-
hita). Stillið ofn á 225°C og setjið
bökunarpappír á plötu. Setjið deig-
ið á plötuna og fletjið út jafnt í alla
kanta. Skerið því næst deigið í fern-
inga með pizzahníf eða beittum
eldhúshníf. Stingið svo hér og þar í
deigið með gaffli. Setjið viskustykki
yfir plötuna og látið hefast í 20 – 30
mínútur til viðbótar. Að lokum er
bökunarplatan sett inn í ofn og
bakað við 225°C í um það bil 20
mínútur. Ein bökunarplata gefur
um það bil 20 brauðbollur.
Frá eldhussogur.com.
Brauðbollur með
eplum og gulrótum