Morgunblaðið - 30.03.2016, Blaðsíða 17

FRÉTTIR 17Erlent
MORGUNBLAÐIÐ MIÐVIKUDAGUR 30. MARS 2016
Bogi Þór Arason
bogi@mbl.is
Bresku hjálparsamtökin Oxfam segja að auð-
ug ríki hafi aðeins tekið við 1,39% af um 4,8
milljónum Sýrlendinga sem hafa flúið til
grannríkja Sýrlands frá því að borgarastríð
blossaði upp í landinu fyrir rúmum fimm ár-
um. Samtökin hvetja auðugu ríkin til að taka
við að minnsta kosti 10% flóttafólksins fyrir
lok ársins.
Hjálparsamtökin segja í skýrslu, sem birt
var í gær, að auðug ríki hafi lofað að taka við
alls 129.966 flóttamönnum frá Sýrlandi en
hafi aðeins tekið við 67.100 þeirra, eða um
1,39% alls flóttafólksins, frá árinu 2013.
Skýrslan nær til 28 ríkja sem eiga aðild að
Efnahags- og framfarastofnuninni (OECD)
og hafa skrifað undir alþjóðlegan sáttmála frá
1951 um réttarstöðu flóttamanna. Skýrsluhöf-
undarnir áætla lágmarksfjölda þeirra flótta-
manna sem hvert ríki þurfi að taka við til að
axla „sanngjarnan hluta“ af byrðinni við
skiptingu flóttamanna miðað við stærð
hagkerfisins.
Þrjú lönd talin axla sanngjarnan
hluta af byrðinni
Hjálparsamtökin segja að aðeins þrjú af
auðugu ríkjunum – Kanada, Noregur og
Þýskaland – hafi lofað að taka við fleiri flótta-
mönnum en sem nemur lágmarksfjöldanum
sem Oxfam telur sanngjarnt að löndin taki
við miðað við stærð hagkerfis þeirra. Til að
mynda hefur Noregur lofað að taka við 9.000
flóttamönnum en ætti að taka við a.m.k. 3.612
til að axla sanngjarnan hluta af byrðinni, að
mati Oxfam. Kanada hefur lofað að taka við
38.039 flóttamönnum en ætti að taka við
a.m.k. 15.951, að mati samtakanna.
Ísland er á meðal fimm ríkja sem hafa lofað
að taka við meira en helmingi af lágmarks-
fjöldanum miðað við stærð hagkerfisins. Ís-
land hefur lofað að taka við 63% af lágmarks-
fjöldanum sem Oxfam telur sanngjarnan. Hin
löndin eru Ástralía (64%), Finnland (85%),
Nýja-Sjáland (60%) og Svíþjóð (60%).
Þurfi að gera miklu meira
Oxfam segir að önnur lönd OECD séu
langt frá því að axla sanngjarnan hluta af
byrðinni. Til að mynda hafi Frakkland lofað
að taka við 1.000 flóttamönnum og það sé að-
eins um 4% af lágmarksfjöldanum sem sam-
tökin telja að landið eigi að taka við til að axla
sanngjarnan hluta af byrðinni. Bandaríkin
hafa þegar tekið við 1.812 flóttamönnum frá
Sýrlandi og hafa lofað að taka við nær 26.000
til viðbótar. Það samsvarar um 7% af lág-
marksfjöldanum sem hjálparsamtökin telja
sanngjarnt að Bandaríkin taki við miðað við
stærð hagkerfisins. Danmörk hefur lofað að
taka við 390 flóttamönnum og það er um 15%
af lágmarksfjöldanum sem Oxfam telur sann-
gjarnan.
Ríkisstjórn Bretlands hefur lofað að taka
við 20.000 Sýrlendingum fyrir maí 2020 en
hjálparsamtökin segja að það sé ekki nóg til
að landið axli sanngjarnan hluta af byrðinni.
Breska stjórnin bendir þó á að hún hyggst
leggja til 2,3 milljarða punda, jafnvirði 412
milljarða króna, til neyðaraðstoðar við sýr-
lenska flóttamenn. Hún segir að Bretland
leggi til meira fé til aðstoðarinnar en nokkurt
annað land að Bandaríkjunum undanskildum.
Sýni samstöðu í verki
Af um 4,8 milljónum Sýrlendinga sem hafa
flúið land sitt vegna stríðsins dvelja rúmlega
2,7 milljónir í Tyrklandi, rúm milljón í Líb-
anon og 636.000 í Jórdaníu. Einn af hverjum
fimm mönnum í Líbanon er sýrlenskur flótta-
maður og í Jórdaníu er sýrlenska flóttafólkið
um 10% íbúanna. Þar að auki er talið að um
6,5 milljónir manna séu á vergangi innan
landamæra Sýrlands, að sögn embættis-
manna Sameinuðu þjóðanna. Flóttamanna-
stofnun samtakanna stendur fyrir ráðstefnu í
Genf í dag um hvernig ríki heims geti komið
flóttafólkinu til hjálpar.
„Við þurfum að sýna sýrlensku þjóðinni að
„samstaða“ er aðgerð, ekki orð sem hljómar
vel í fréttatímum,“ sagði Winnie Byanyima,
framkvæmdastjóri Oxfam, í fréttatilkynn-
ingu. „Ríki með traustan efnahag, góða þjón-
ustu og þróaða innviði geta tekið við 500.000
flóttamönnum samanlagt – ef þau vilja það.“
Taki við 10% flóttafólksins
 Hjálparsamtökin Oxfam hvetja auðug ríki til að taka við fleiri flóttamönnum frá Sýrlandi
 Auðugu löndin hafa tekið við tæpum 1,4% af öllu sýrlenska flóttafólkinu í grannríkjum Sýrlands
Flóttamenn frá Sýrlandi
Heimild : Oxfam
Ástralía
10.557
6.727
Austurríki
4.009
1.900
Belgía
4.773
1.325
Kanada
15.951
38.039
Finnland
2.247
1.900
Frakkland
25.937
1.000
Þýskaland
36.869
41.899
Grikkland
3.085
Ítalía
21.519
1.400
Japan
49.768
S-Kórea
16.650
Nýja-Sjáland
1.419
850
Noregur
3.612
9.000
Pólland
8.771
900
Rússland
35.052
Spánn
16.037
984
Svíþjóð
4.515
2.700
Sviss
4,837
2.000
Bretland
25.067
5.571
Bandaríkin
170.779
11.812
að taka við
Tyrkland
2.715.789
Líbanon
1.067.785
Jórdanía
636.040
Írak
245.909
Egyptaland
119.301
Flóttamenn sem Flóttamanna-
stofnun Sameinuðu þjóðanna
hefur skráð í grannríkjum Sýrlands*
N-Afríka
28.027
Sýrland
*Miðað við 16. mars
Ísland
75
118
Egypskur karlmaður rændi far-
þegaþotu flugfélagsins EgyptAir
og neyddi hana til að lenda á flug-
velli á Kýpur en flugráninu lauk
friðsamlega sex klukkustundum
síðar þegar maðurinn gafst upp.
Flugræninginn hafði hótað að
sprengja sig í loft upp í vélinni ef
yfirvöld á Kýpur yrðu ekki við kröf-
um hans en reyndist ekki vera með
neina sprengju þegar hann gafst
upp á alþjóðaflugvellinum í Lar-
naca. Embættismenn á Kýpur
sögðu að maðurinn hefði ekki ætlað
að fremja hryðjuverk og væri
„truflaður á geði“. Hann krafðist
m.a. þess að fá að tala við fyrrver-
andi eiginkonu sína sem er kýp-
versk. Í þotunni voru 55 farþegar
og maðurinn sleppti flestum þeirra
fljótlega en hélt þremur þeirra
ásamt fjögurra manna áhöfn í gísl-
ingu þar til hann gafst upp. Einn
þeirra klifrar hér úr þotunni.
Flugráni lauk friðsamlega á Kýpur
AFP
Flugræninginn reyndist
ekki vera með sprengju TWIN LIGHT gardínum
Betri birtustjórnun með
Álnabær
Allt fyrir gluggann… úrval, gæði og þjónusta.
40 ára
Síðumúla 32, Reykjavík. S. 588 5900 ■ Tjarnargötu 17, Keflavík. S. 421 2061 ■ Glerárgötu 32, Akureyri. S. 462 5900 ■ alnabaer.is
OPIÐ: VIRKA DAGA FRÁ 10-18
Sendum frítt hvert á land sem er gegn staðgreiðslu
Íslensk framleiðsla eftir máli
Hringdu núna og bókaðu tíma í máltöku