Morgunblaðið - 23.05.2016, Qupperneq 16
16
MORGUNBLAÐIÐ MÁNUDAGUR 23. MAÍ 2016
Hægt er að lýsa skoðun á ritstjórnargreinum Morgunblaðsins á http://www.mbl.is/mogginn/leidarar/
Hlutirnirgerasthægt þeg-
ar höftin eru ann-
ars vegar, þó að
helsta umkvört-
unarefni sumra
stjórnarand-
stæðinga á þingi í gær hafi
verið að haftafrumvarp ríkis-
stjórnarinnar væri afgreitt of
hratt og án nægilegs samráðs.
En vitaskuld varð að afgreiða
málið hratt; því þurfti að ljúka
fyrir opnun viðskipta í dag.
Vandinn við lausn haftanna
er að gangurinn hefur verið allt
of hægur og höftin verið allt of
lengi. Þau áttu að standa í ein-
hverja mánuði en hafa nú stað-
ið í nær átta ár. Frumvarpið
sem lagt var fram á föstudag
og samþykkt lítið breytt sem
lög í gærkvöldi er skref í átt að
losun haftanna. Skref í þá átt
að hægt sé að stíga næsta
skref, eins og það var orðað.
En þetta skref er mikilvægt og
oft þarf að stíga mörg skref áð-
ur en komist er á leiðarenda.
Engu að síður er brýnt að
fara að komast alla leið og sú
ábending sem fram kom um
helgina, að með frumvarpinu
væri verið að leysa mál
aflandskrónueigenda en ekki
fyrirtækja, lífeyrissjóða og ein-
staklinga, á fullan rétt á sér.
Stjórnarandstaðan stóð að
mestu með stjórnarliðum í
nefndaráliti meirihlutans, en
Katrín Jakobsdóttir (með
stuðningi áheyrnarfulltrúans
Birgittu Jóns-
dóttur) skar sig úr
og vildi ekki styðja
málið. Fyrir því
voru ekki málefna-
legar ástæður,
fremur virtist
viljinn til að sýna
andstöðu ráða för. Eitt var þó
umhugsunarvert í nefndaráliti
Katrínar, en hún segir að eins
og staðan sé „bíður það
væntanlega nýs meiri hluta á
Alþingi að ljúka afléttingu
hafta“.
Vitaskuld þarf þetta ekki að
vera þannig. Nú er verið að
stíga skref og óþarfi er að bíða
lengi eftir næsta skrefi. Eins
og bent hefur verið á eru að-
stæður til afléttingar haftanna
ákjósanlegar og sjálfsagt að
ljúka því verki fyrir kosningar.
Sennilega væri hægt að gera
það fyrir kosningar í haust, sé
vilji til að halda kosningar þá,
en miklu nær er að láta af þeim
áformum, enda standa engin
rök til þess að láta kjósa áður
en kjörtímabilið er úti.
Hagsmunir landsmanna eru
að þessi ríkisstjórn ljúki því
verki sem hún hefur hafið og
afnemi höftin í heild sinni. Öll
rök hníga að því að hægt sé að
ljúka því verki áður en kjör-
tímabilið er úti og ríkisstjórnin
ætti að hafa metnað til að gera
það. Og hún hefur líka skyldur
í því sambandi. Enginn veit
hversu lengi haftalosunin mun
dragast ljúki þessi ríkisstjórn
ekki því nauðsynlega verki.
Brýnt er að þessi
ríkisstjórn ljúki
losun haftanna
svo málið dragist
ekki óhóflega}
Skref, en ekki lokaskref
Lýðræðið íTyrklandi
hefur á síðustu
misserum orðið
fyrir miklum og
endurteknum
skakkaföllum. Stjórnvöld,
undir handleiðslu Recep
Tayyip Erdogan forseta, hafa
markvisst þrengt að lýðrétt-
indum, skrúfað fyrir gagnrýni
og reynt með öðrum hætti að
festa alla þræði valdsins í
höndum Erdogans.
Nýjasta dæmið um þessa
viðleitni er lög sem samþykkt
voru á tyrkneska þinginu á
föstudag, en þar var friðhelgi
þingmanna fyrir lögsóknum
aflétt. Lögin virðast vera sér-
sniðin til þess að hægt verði
að víkja af þingi þeim sem
stjórnvöldum þykja of gagn-
rýnir. Þeir þingmenn stjórn-
arandstöðunnar sem ekki
hlýða geta þá átt von á því að
ákærur verði lagðar fram á
hendur þeim, þannig að þeir
missi þingsæti sitt.
Talsmenn hins kúrdíska
HDP-flokks, sem er þriðji
stærsti flokkurinn
á þingi, hafa til að
mynda lýst yfir
þungum áhyggjum
af afleiðingum
frumvarpsins, en
þeir óttast að allt að 50 af 59
þingmönnum flokksins geti
átt von á lögsóknum og brott-
vikningu af þingi.
Tyrkland er í orði kveðnu
lýðræðisríki með þingbund-
inni stjórn. Smám saman
verður þó erfiðara að réttlæta
þá lýsingu á landinu. Heljar-
tök Erdogans á Tyrklandi
minna sífellt meira á tilburði
einræðisherra víða um heim
en athafnir lýðræðislega kjör-
ins forseta.
Þessi þróun er ekki aðeins
áhyggjuefni vegna Tyrkja og
þeirra áhrifa sem Tyrkland
hefur á Evrópu. Hún er ekki
síður áhyggjuefni vegna þess
að vonir hafa staðið til að
Tyrkland gæti veitt öðrum
múslimaríkjum leiðsögn í átt
til lýðræðis. Þær vonir hafa
daprast verulega á undan-
förnum misserum.
Tyrkland veitir ekki
lengur leiðsögn í átt
til lýðræðis}
Öfugþróunin heldur áfram
V
eistu hvað mig dreymdi í nótt?“ er
mjög ofarlega í leiðindastuðlinum
og ekki góð byrjun á neinu sam-
tali. Ég segi þetta því ég ætla að
skrifa um drauma og vil taka það
fram að það er tvennt ólíkt að þvæla fólki til-
neyddu í gegnum draumana sína frá A-Ö þeg-
ar það stendur óvarið við kaffivélina í vinnunni
og því að velta þeim svo fyrir sér á grundvelli
þar sem allir eru samþykkir þátttöku.
Með samþykkt og meðvitund er um að gera
að lesa áfram. Það er nefnilega margt merki-
legt við drauma og í þeim eru tákn sem er vel
þess virði að velta fyrir sér og ræða. Ég tel
mig vera eina af þeim sem eru berdreymin.
Mig hefur dreymt fyrir gleðiefnum og sorgar-
viðburðum. Stórviðburðum og algjörlega
minniháttar hversdagsuppákomum eins og að
nágranninn kaupi sér sólstóla.
Aftur í ættir hafa draumar, það að læra á þá og skilja
endurtekin tákn verið frekar eðlilegur hluti af lífi fjöl-
skyldunnar, langt aftur í ættir formæðra minna í Skafta-
fellssýslu.
Sumar ömmur kenna vísur, amma mín kenndi mér að
það að missa tönn þýddi einhvers konar áfall, að vera í
vatni er væntanleg veikindi og að engan langaði nokkurn
tíma að vakna að morgni og hafa dreymt rottu. Raunar
er slík lifandi skelfing að dreyma rottu að ég þagði um
það til að valda ekki gömlum frænkum angist og svefn-
truflunum.
Ég hélt lengi vel að þetta væri svona á öll-
um heimilum – allir níu ára krakkar væru að
skrá niður draumana sína til að fá heildstæða
mynd af þeim. En komst að því að flestir
færu bara í hreina sokka og tækju vítamínin
sín. Af því að ég punktaði hjá mér atriði næt-
urinnar hef ég þurft að borga það gjald að fá
orkusteina og fjarheilarnir frá Borgarnesi í
afmælisgjafir frá vinum mínum út ævina.
Ég hef svo sem bara tekið því með stakri
yfirvegun að vera þrýst inn í eitthvert ný-
aldarmengi en stenst ekki mátið og nýta mér
þetta pláss að segja frá því sem ég komst að í
vikunni. Það verður gos á hálendinu 25. júní.
Bara grín! Nei, það sem ég vil segja er að ég
rakst á fróðlega grein um stærðfræðinga,
vísindamenn og listamenn sem dreymdi
drauma sem enginn vildi vera án.
Ég býð velkomna í rugludallafélagið
meðlimina Paul McCartney, dreymandi laglínuna að
Yesterday árið 1965, Nóbelsverðlaunahafann Niels
Bohr, sem öðlaðist skilning á byggingu atómsins í
draumi, Mary Shelley, sem fékk martröð og skrifaði
hana niður þannig að úr varð eitt þekktasta bókmennta-
verk veraldar; Frankenstein. Og einn þekktasta stærð-
fræðing fyrr og síðar, Srinivasa Ramanujan, en hann
dreymdi mjög mikilvægar talnaformúlur.
Mig hefur hins vegar ekki dreymt fyrir stórtíðindum
nýlega og myndi heldur ekki vilja eyða spennunni með
því að kjafta frá. julia@mbl.is
Júlía Margrét
Alexanders-
dóttir
Pistill
Að lifa í draumi
STOFNAÐ 1913
Útgáfufélag: Árvakur hf., Reykjavík.
Ritstjóri:
Davíð Oddsson
Aðstoðarritstjóri:
Karl Blöndal
Ritstjóri og framkvæmdastjóri:
Haraldur Johannessen
FRÉTTASKÝRING
Þórunn Kristjánsdóttir
thorunn@mbl.is
Börn fædd árið 2010 hefjaskólagöngu í haust. Ár-gangurinn er nokkuð stórá landsvísu þótt hann sé
örlítið fámennari en árgangurinn sem
er fæddur 2009, sem var fjölmennasti
árgangur í grunnskólum borgar-
innar. Búast má við því að nemendum
í flestum skólum landsins fjölgi, en
unnið er að innritun þeirra í grunn-
skólana.
Spá um fjölda nemenda í almenn-
um grunnskólum í Reykjavík gerir
ráð fyrir að nemendum fjölgi um ríf-
lega 200 frá fyrra skólaári og þeir
verði um 14.000 haustið 2016. Fjölg-
unin skýrist nær eingöngu af því að
stærri árgangur kemur inn í grunn-
skólann en útskrifast, en um 1.370
nemendur eru nú í 10. bekk, að sögn
Sigrúnar Björnsdóttur, upplýsinga-
fulltrúa Reykjavíkurborgar.
Lítill munur er á fjölgun nemenda
eftir hverfum en þó er búist við að
hlutfallsleg fjölgun verði heldur meiri
en að meðaltali í Vesturbæ, Graf-
arholti og Norðlingaholti.
Hörðuvallaskóli stækkar enn
Í Kópavogi hefja ríflega 550 börn
skólagöngu sína, en af þeim fara yfir
100 í Hörðuvallaskóla í Kórahverfi.
Sá skóli heldur áfram að stækka og
verður þriðja árið í röð fjölmennastur
skóla í Kópavogi. Nemendafjöldinn
verður líklega í kringum 860 í haust.
Að sögn skólastjóra Hörðuvallaskóla
er skólinn vel undir það búinn að taka
á móti þessum fjölda. Hluti kennsl-
unnar fer fram í Kórnum, en kennsla
í unglingadeild skólans er þar.
„Stór árgangur flytur í stofur í
Kórnum, en þrjár nýjar kennslu-
stofur voru teknar þar í notkun um
áramótin,“ segir Helgi Halldórsson,
sem lét nýverið af störfum sem skóla-
stjóri. Alls verða um 200 unglingar
þar og kennt í 11 kennslustofum í
Kórnum. Við skólann eru fimm
færanlegar kennslustofur. Helgi
reiknar ekki með að þær verði not-
aðar undir kennslu nema að litlu leyti.
Dægradvöl, skólavistun eftir skóla og
tónlistarkennsla fer fram í þessu
rými.
Í grunnskólum Garðabæjar fjölg-
ar einnig nemendum í haust og er
búist við 2.350 nemendum í skólana.
Það eru um 30 til 50 fleiri nemendur
en útskrifast. „Árgangarnir fæddir
2009 og 2010 eru stærstu árgangar
sem við höfum séð,“ segir Katrín
Friðriksdóttir, deildastjóri skóla-
deilda Garðabæjar.
Frjálst skólaval í Garðabæ
Í Garðabæ er frjálst skólaval,
þannig að hægt er að sækja um
hvaða skóla sem er óháð búsetu.
Katrín reiknar með að Hofs-
staðaskóli verði fjölmennasti skólinn
í Garðabæ. Hins vegar hefur fjölgað
mest í Flataskóla að undanförnu.
„Það hefur líklega eitthvað með
íbúasamsetningu og endurnýjun
íbúa að gera. En Flataskóli er í
grónu hverfi,“segir Katrín.
Barnmargt hverfi á völlunum
Hraunvallaskóli í Hafnarfirði held-
ur einnig áfram að stækka. Búist er
við að nemendur þar verði yfir 900
talsins í haust. „Kreppubörnin“ halda
áfram að koma inn í skólana. Kerfið
er aðeins að bólgna út en á bilinu 400
til 450 nemendur í sex ára bekk koma
inn í grunnskólana. Þetta er þriðja
árið í röð sem svona fjölmennur ár-
gangur kemur upp,“ segir Vigfús
Hallgrímsson, þróunarfulltrúi grunn-
skóla í Hafnarfirði.
Meira jafnvægi er í öðrum skólum
Hafnarfjarðar milli útskrifaðra nem-
enda og þeirra sem hefja skólagöngu.
Fjölmennur árgangur
hefur skólagöngu í haust
Morgunblaðið/Ómar
Skóli „Þetta er þriðja árið í röð sem svona fjölmennur árgangur kemur
upp,“ segir Vigfús Hallgrímsson, þróunarfulltrúi grunnskóla í Hafnarfirði.
„Það koma um 100 nemendur inn í 1. bekk. Yfirleitt eru
1. bekkirnir fjórir en vegna fjölgunarinnar verða þeir
fimm í haust,“ segir Björgvin Þór Þórhallsson, skóla-
stjóri Melaskóla. Auglýsa þurfti kennarastöður til að
manna allar stöður fyrir haustið. Unnið er að því að fara
í gegnum umsóknir og býst hann ekki við að lenda í
vandræðum með að manna stöður.
„En við eigum eftir að leysa húsnæðismálin. Skólinn
býr þröngt. Bæði skólinn og frístundaheimilið deila hús-
næði og þrengslin eru mikil en við vinnum að því að
finna skólastofu. Við viljum hafa alla bekki í sama hús-
næði,“ segir hann. Spurður hvort færanleg skólastofa verði fengin á lóð-
ina segir hann enga ákvörðun hafa verið tekna varðandi það.
Fimm í stað fjögurra 1. bekkja
FJÖLGUN Í MELASKÓLA
Björgvin Þór
Þórhallsson