Morgunblaðið - 19.07.2016, Blaðsíða 11

FRÉTTIR 11Innlent
MORGUNBLAÐIÐ ÞRIÐJUDAGUR 19. JÚLÍ 2016
Agnes Bragadóttir
agnes@mbl.is
„Ef við náum samkomulagi í
SALEK, þá erum við fyrst búin að
skapa alvöru forsendur fyrir því að
lækka vexti. Hitt sem við erum að
reyna að stjórna, sem eru fjármál
ríkis og sveitarfélaga, erum við kom-
in með í miklu traustari ramma, sem
eru lög um op-
inber fjármál,“
sagði Bjarni
Benediktsson,
fjármálaráðherra,
í samtali við
Morgunblaðið í
gær.
„Ef sveit-
arfélögin og ríkið
eru að halda aftur
af eyðslunni og
ekki er verið að
hækka laun umfram framleiðnivöxt,
þá munu vextir lækka,“ sagði Bjarni.
Bjarni sagði að gögn frá norskum
hagfræðingi, sem sé sérfræðingur í
vinnumarkaðsmálum, hafi verið lögð
fyrir SALEK-hópinn, þar sem ná-
kvæmlega komi fram hvernig
launaþróun í Skandinavíu hafi verið,
hvernig vextir hafi þróast og hvernig
launabreytingar opinberra starfs-
manna hafi verið, samanborið við al-
menna markaðinn. „Þessi lönd búa
bara við allt annan veruleika en við,“
sagði Bjarni.
Bjarni segir að ný regla Seðla-
banka Íslands um bindingu reiðufjár
vegna nýs innstreymis erlends gjald-
eyris, sem kynnt var í júníbyrjun,
hafi takmarkað mjög innflæði er-
lends fjármagns sem ætlað sé til fjár-
festinga í verðbréfum, innstæðum
hjá bönkum og öðrum fjármálagern-
ingum, með því að breikka bindi-
grunn og hækka bindingarhlutfall
vegna slíks innflæðis.
Bjarni var spurður álits á grein
Erics Stubbs, fjármálastjóra hjá
Royal Bank of Canada í New York,
sem birtist í miðopnu Morgunblaðs-
ins í gær, undir fyrirsögninni „Lækk-
un vaxta gæti skapað heilbrigðari
hagvöxt“.
Stubbs mælir í grein sinni með því
að markaðsaðgerð Seðlabankans,
sem feli í sér lækkun vaxta og þar
með lægri ávöxtun til handa erlendu
fjármagni sem streymi inn til lands-
ins, sé í meira samræmi við innlend
efnahagsmarkmið og líklegri til ár-
angurs, en reglan um bindingu reiðu-
fjár, vegna innstreymis erlends
gjaldeyris.
Mælir Stubbs með því að varfærin
skref séu tekin í þessu efni af Seðla-
bankanum, og vextir séu t.d. lækk-
aðir um 0,5% í hvert skipti.
„Það eru auðvitað uppi ólíkar
kenningar hjá hagfræðingum um það
hversu miklu það skili að hækka vexti
og hversu mikil áhrif Seðlabankinn
getur yfir höfuð haft,“ sagði Bjarni.
„Við finnum það hjá Seðlabank-
anum að þeir eru algjörlega blindir í
trú sinni á áhrifamátt vaxtatækisins,
en þeir hafa á umliðnum árum þurft
að viðurkenna, að það eru takmörk
fyrir því hversu miklu hærra vaxta-
stigið á Íslandi getur verið, borið
saman við nágrannalöndin, áður en
vaxtahækkanir eru farnar að hafa
mjög óæskileg áhrif,“ sagði fjár-
málaráðherra.
Mikill árangur af bindingu
Bjarni kvaðst telja að áhrifin af
lagabreytingunni sem gerð var í vet-
ur um nýju regluna hjá Seðlabank-
anum um bindingu reiðufjár, hafi al-
mennt verið vanmetin í umræðum
um peningastjórnun og framkvæmd
peningastefnunnar. „Reglan um
bindingu vegna nýs innstreymis er-
lends gjaldeyris hefur skilað mjög
miklum árangri. Það er auðvitað ekki
hægt að mæla árangur, nema yfir
langan tíma, en fyrstu vísbendingar,
eru að við erum að ná mjög miklum
árangri með beitingu þessa tækis, og
meira að segja fannst Alþjóðagjald-
eyrissjóðnum að við hefðum kannski
farið full bratt í að beita þessu tæki,“
sagði Bjarni.
„Ef skoðaðar eru ástæðurnar fyrir
ákvörðunum peningastefnunefndar,
sem ákveður vextina, þá stendur það
upp úr, að alltaf er verið að tala um
sömu hlutina. Það er ekki hægt að
setja kíkinn alltaf fyrir blinda augað.
Við erum búin að hækka laun um
13% á einu ári. Slíkt gerist ekki ann-
ars staðar; hætturnar eru enn á upp-
leið; það eru fyrir hendi ákveðin
þenslumerki; spáð er áfram kraft-
miklum hagvexti hér á landi og ef
menn fara við þessar aðstæður með
vextina niður, þá verður bara ódýrt
að taka lán til að kaupa hlutabréf,
fasteignir, hvað sem er. Verði það
gert, erum við að bjóða heim hætt-
unni á of háu verðbólgustigi,“ sagði
Bjarni.
Samkomulag um SALEK
gæfi svigrúm til vaxtalækkana
 Segir launa- og vaxtaþróun í Skandinavíu gjörólíka því sem gerist hér á landi
Morgunblaðið/Golli
Vextir Fjármálaráðherra segir að samkomulag um SALEK myndi skapa alvöru forsendur fyrir því að lækka vexti.
Ráðherra segir að reglan um bindingu vegna nýs innstreymis erlends gjaldeyris hafi skilað mjög miklum árangri.
Bjarni
Benediktsson
Vertu upplýstur!
blattafram.is
VANDINN LIGGUR
OFT HJÁ OKKUR
SJÁLFUM.
SAMÞYKKIR ÞÚ
KYNFERÐISOFBELDI?
SMÁRALIND
www.skornirthinir.is
Stærðir 36-47
Verð 26.995
Cosmic High run
Stærðir 36-47
Verð 22.995
Cosmic run
Bæjarlind 6, sími 554 7030
Við erum á facebook
Síðar Peysur
á útsölu
50% afsláttur
Str. 44-56
Núna kr. 6.450
Sparidress - Sumaryfirhafnir - Peysur - Blússur - Bolir
Laugavegi 63 • S: 551 4422
STÓRÚTSALA
GLÆSILEGIR FRAKKAR OG KÁPUR
GERRY -WEBER-TAIFUN-BETTY BARCLAY
GÆÐA DÖMUFATNAÐUR
ALLT AÐ 60% AFSLÁTTUR
40-60%
afsláttur
www.laxdal.is
mbl.is
Neytendastofa hefur lagt stjórn-
valdssekt á veitinga- og kaffihúsið
Silfur ehf. að fjárhæð kr. 50.000.
Fram kemur í ákvörðunarorði að
staðurinn hafi brotið gegn ákvæði
17. gr. laga nr. 57/2005, um eftirlit
með viðskiptaháttum og markaðs-
setningu, sem og ákvæði 5. mgr. 4.
gr. reglna nr. 537/2011, um verð-
upplýsingar við sölu á þjónustu,
með því að tilgreina ekki magn-
stærð drykkjarfanga með verð-
upplýsingum og með því að hafa
ekki matseðil með verðskrá við inn-
göngudyr staðarins.
Forsaga málsins er sú að starfs-
maður Neytendastofu kom á veit-
ingastaðinn 24. nóvember 2015 til
að skoða ástand verðmerkinga.
Leiddi sú skoðun í ljós að matseð-
il með verðskrá vantaði við inn-
göngudyr og ekki var tilgreint
magn í upplýsingum um drykki.
Sérstakar athugasemdir voru einn-
ig gerðar við að drykkjarseðill væri
ekki til staðar á veitingastaðnum.
Önnur skoðun var framkvæmd
17. mars 2016 og hafði fyrirtækið
þá bætt verðmerkingar sínar að
hluta. Er Silfri gert að greiða sekt
sína í ríkissjóð eigi síðar en í októ-
ber næstkomandi.
Stjórnvaldssekt lögð á veitingahúsið Silfur