Ægir - 01.12.2015, Blaðsíða 50

ing af menntuninni,“ segir
Nanna Bára en óhætt er að
segja að umræddur 13 manna
útskriftarhópur sé fjölbreytileg-
ur, bæði hvað aldurssamsetn-
inguna varðar og ekki síður
bakgrunn og störf. Í hópnum
voru einstaklingar sem aldrei
höfðu nálægt fiskvinnslu komið
og byrjuðu á tveggja ára námi í
fisktækni áður en þeir luku
gæðastjórnuninni. Aðrir unnu
jafnframt náminu við fisk-
vinnslu og einn nemendanna
var góðan hluta af náminu í
starfi um borð í frystitogara við
Afríkustrendur og notaðist oft
við netið til að fylgja kennslunni
eftir. Líkt og margir samnem-
enda hans gerði hann sitt loka-
verkefni á vinnustaðnum, þ.e.
að byggja upp gæðakerfi um
borð.
Námsframboðið enn
fjölbreyttara
Fisktækniskóli Íslands var stofn-
aður árið 2009 en kennsla hófst
á vordögum 2010. Nanna Bára
segir að í undirbúningsferlinu
hafi aðilar úr sjávarútvegi verið
fengnir að borðinu og rýnt yfir
hvaða þekkingu fisktæknar
þurfi að búa. Á þeim grunni
byggir námið og ofan á það
hefur verið kennt áðurnefnt
þriðja ár í gæðastjórnun,
tveggja anna nám í Mareltækni
var í fyrsta skipti reynt síðasta
vetur og enn verður bætt í á ár-
inu 2016.
„Já, nú er opið hjá okkur fyrir
umsóknir um tveggja anna
nám, bæði Mareltæknina og í
gæðastjórnunina og hefst
kennsla í janúar. Því til viðbótar
stefnum við einnig að því að
hefja á sama tíma í fyrsta skipti
tveggja anna nám í fiskeldis-
fræðum sem við stöndum að í
samvinnu við fiskeldisbrautina
á Hólum í Hjaltadal þannig að
ef þetta gengur eftir þá verður
fjölbreytni í námsframboði hjá
okkur á árinu 2016 sú mesta frá
stofnun skólans,“ segir Nanna
Bára.
Mikil reynsla og fjölbreytt var samankomin í þessum fyrsta nemendahópi í gæðastjórnun. Hér eru nemendurnir ásamt skólastjórnendum og kenn-
urum Fisktækniskóla Íslands.
50