Morgunblaðið - 17.08.2016, Page 1

M I Ð V I K U D A G U R 1 7. Á G Ú S T 2 0 1 6
Stofnað 1913  191. tölublað  104. árgangur 
MIKIL UPP-
BYGGING Á
GARÐSKAGA GLEÐITÓNLIST
CHURCHILL TIL
ÍSLANDS FYRIR
75 ÁRUM
FYRSTA PLATAN 30 UPPRIFJUN 10KAFFIHÚS 12
Morgunblaðið/Ómar
Ferðamenn Viðskiptaráð Íslands telur vel
hægt að örva vöxt annarra greina.
 Í nýrri skýrslu Viðskiptaráðs Ís-
lands (VÍ), sem út kemur í dag,
kemur fram að vöxt í fjárfestingu
má nær eingöngu rekja til aukinna
umsvifa í ferðaþjónustu á síðustu
árum. En á sama tíma hafa aðrar
greinar hins vegar lítið tekið við
sér í þeim efnum.
Formaður VÍ, Katrín Olga Jó-
hannesdóttir, segir að ráðið hafi
ráðist í útgáfu skýrslunnar til að
varpa ljósi á þróun efnahagsmála
og framvindu úrbóta í kjölfar út-
gáfu hinnar svokölluðu Íslands-
skýrslu sem ráðgjafarfyrirtækið
McKinsey gaf út árið 2012.
Viðskiptaráð telur að hægt sé að
grípa til aðgerða til að örva vöxt
annarra greina en ferðaþjónust-
unnar. »16
Fjárfesting meiri í
ferðaþjónustu en
öðrum greinum
Losun fjármagnshafta
» Nýtt frumvarp verður lagt
fram á Alþingi í dag, sem er lið-
ur í afléttingu fjármagnshafta.
» Formaður VG segir lögin
varfærnisleg og að stefnt sé að
því að sátt verði um málið við
meðferð þess í þinginu.
» Þingmaður Pírata var ekki
tilbúinn til að tjá sig efnislega
fyrr en að loknum yfirlestri á
frumvarpinu.
Andri Steinn Hilmarsson
Jón Birgir Eiríksson
Lagafrumvarp um afnám fjár-
magnshafta verður lagt fyrir Al-
þingi í dag, en megindrættir þess
voru kynntir í fjármálaráðuneytinu
í gær.
Bjarni Benediktsson, fjármála-
og efnahagsráðherra, Sigurður Ingi
Jóhannsson forsætisráðherra og
Már Guðmundsson seðlabankastjóri
kynntu frumvarpið, sem felur í sér
rýmkun á höftunum annars vegar
við gildistöku laganna og hins vegar
um næstu áramót.
Fjármálaráðherra segir skrefið
sem stigið verði með frumvarpinu
færa ástandið aftur til eðlilegs
horfs.
Enn ekki fullt afnám hafta
„Við sjáum ekki enn fram á full-
komið afnám hafta. Það eru enn inni
í hagkerfinu rúmir 200 milljarðar
eftir útboðið sem var í sumar, svo
það verður einhver bið á því. Það
sýnir best hversu flókið verkefni
þetta hefur reynst vera. Við höfum
lagt áherslu á að halda nokkuð góðri
sátt um málið,“ segir Katrín Jak-
obsdóttir, formaður Vinstri grænna.
Hún segir að líklega verði málinu
greidd leið gegnum þingið og að við
fyrstu sýn líti út fyrir að með frum-
varpinu sé stigið varfærnislegt
skref.
Helgi Hrafn Gunnarsson, þing-
maður Pírata, sagðist í gærkvöldi
ánægður með að menn teldu sig
geta tekið næstu skref í haftamál-
um. Hann gæti þó ekki tjáð sig
strax með efnislegum hætti um að-
gerðina. Hann væri þó ánægður
með að þetta frumvarp fengi þing-
lega meðferð, ólíkt því þegar frum-
varp um losun haftanna var síðast
lagt fram, á síðasta ári.
Rýmkun hafta í vændum
 Skref í losun fjármagnshafta kynnt í gær  Færir ástandið til eðlilegs horfs að
sögn fjármálaráðherra  Formaður VG segir aðgerðina varfærnislega við fyrstu sýn
MNæsta skrefið… »2
Morgunblaðið/Golli
Fjármálaráðherra Bjarni Benediktsson segir frumvarpið færa ástandið í eðlilegt horf, en áhrifanna verður að hluta til vart strax við gildistöku þeirra.
Makríll Vel hefur veiðst að undan-
förnu og gengið vel að selja afurðir.
„Heilt yfir lítur þetta mun betur út
en í fyrra og ekki líkur á að menn
sitji eins lengi með birgðir og þá,“
sagði Hermann. Stefánsson, fram-
kvæmdastjóri Iceland Pelagic, í
gær, spurður um markaði fyrir mak-
rílafurðir. Lönd í Vestur-Afríku hafa
verið stór markaður fyrir makríl í ár
en einnig Evrópulönd og Japan.
Hermann segir að heill makríll
fari og seljist jafnóðum. Erfiðara
hafi reynst að fá viðunandi verð fyrir
hausaðan makríl, en verðið sé þó
talsvert hærra en það fór lægst á
síðasta ári í ringulreiðinni sem skap-
aðist við lokun Rússlandsmarkaðar.
Þá hafi verð á mjöli og lýsi verið
gott.
Bergur Einarsson, skipstjóri á
Hoffelli SU, sagði síðdegis í gær að
fínasta veiði hefði verið síðustu daga
austur af Hvalbak og skipum fjölgað
á Austfjarðamiðum. Í síðasta túr
fengu þeir á Hoffelli 900 tonn á
sólarhring í fimm hölum, en fjögurra
tíma sigling er inn til Fáskrúðsfjarð-
ar. Bergur sagði að makríllinn væri
vel haldinn og mikil ferð væri á hon-
um í norðausturátt. Lítið hefði orðið
vart við síld í aflanum þar til í fyrri-
nótt að síld var um 20% aflans. »6
Sala á makríl lítur mun
betur út en á síðasta ári
 „Baráttunni hjá
okkur er hvergi
nærri lokið. Það
er ekki búið að
henda okkur út
og það er ekki bú-
ið að ganga að
okkur, eigendum
skýlanna,“ segir
Sigurður Ingi
Jónsson, hluthafi
í flugklúbbnum
Þyt. En kröfu eigenda 13 flugskýla á
Reykjavíkurflugvelli um ógildingu á
deiliskipulagi flugvallarins var hafn-
að. Þeir segja hefðarrétt nú hafa
myndast og neita að gefast upp. »4
Eigendur flugskýla
neita að gefast upp
Braut Flugvöllurinn
er í Vatnsmýri.
„Það er mikil mannekla í stéttinni,
ekki bara hér á höfuðborgarsvæðinu
heldur einnig úti á landi,“ segir Jón
Pétursson, formaður fagdeildar
slökkviliðsmanna hjá Landssam-
bandi slökkviliðs- og sjúkraflutn-
ingamanna, og vísar í máli sínu til
þeirrar erfiðu stöðu sem slökkviliðs-
menn standa nú frammi fyrir sökum
mikils niðurskurðar að undanförnu.
Jón segir slökkviliðsmenn nú berj-
ast fyrir því að fimm manna áhöfn sé
á slökkviliðsbílum, þ.e. bílstjóri,
varðstjóri, stjórnandi reykkafara og
tveir reykkafarar. Í dag er hins veg-
ar staðan sú að slökkviliðið þarf oftar
en ekki að senda jafnvel þrjá slökkvi-
liðsbíla frá jafnmörgum stöðvum í
brunaútkall til þess eins að ferja
starfhæfa áhöfn á vettvang.
„Þegar við förum fimm saman þá
situr stjórnandi reykkafara á milli
þeirra aftur í. Hans hlutverk er að
fara yfir búnað reykkafaranna, þ.e.
hvort menn séu ekki örugglega klár-
ir í að fara inn á þennan lífshættu-
lega vettvang. En í dag kemur
stjórnandinn sjaldnast með reykköf-
urum á vettvang,“ segir Jón og bætir
við að ástandið sé því mjög erfitt. »4
Marga bíla þarf til að
manna starfhæfa áhöfn