Morgunblaðið - 27.08.2016, Blaðsíða 46

46 FRÉTTIRErlent
MORGUNBLAÐIÐ LAUGARDAGUR 27. ÁGÚST 2016
Saltkaup ehf | Cuxhavengata 1 | 220 Hafnarfjörður
Sími: 560 4300 | www.saltkaup.is
Fjölbreytt vöruúrval
Strekki-
filmur
glærar
Bóluplast
1,5 m br.
100 m á rúllu
Kíktu á heimasíðunawww.saltkaup.is
Bóluplast 1,2 m br.
100 m á rúllu
Bylgjupappír
Ruslapokar
svartir
Ruslapokar glærir
Umbúða-
pappír
Límbönd
Mini strekki-
filmur
Strekkifilmur
svartar
BAKSVIÐ
Ágúst Ásgeirsson
agas@mbl.is
Sú sjón að sjá þunglamalegan hest
draga plóg á franskri vínekru virðist
við fyrstu sýn vera tímaskekkja. Svo
er þó ekki en hundruð vínræktenda
hafa snúið baki við nútíma ræktunar-
tækni og tekið upp að nýju aldagaml-
ar vinnuaðferðir á ökrum sínum.
„Þetta er eins og póstkort að sjá,“
segir vínfræðingurinn Gilles de Re-
vel. Hann segir afturhvarfið til for-
tíðar hafi byrjað fyrir um áratug er
vínræktendur leituðu leiða til að gera
vín sín fágaðri. Dráttarklárar eru
„kraftbirting nýjustu strauma og
stefna í lífrænni vínræktun“ segir De
Revel, en hann er yfirmaður vín-
fræðadeildar háskólans í Bordeaux.
Helsti frumkvöðull þessarar þró-
unar er ræktandi að nafni Dominique
Leandre-Chevalier. Vart hafði hann
hlotið vínrækt föður síns í arf árið
1985 er hann tók hestana í notkun.
Vínekran og vínhús hennar, Chateau
Le Queyroux, kom til sögunnar árið
1895, en þá höfðu vínræktendur ekki
um önnur tól að velja en dráttar-
hesta, eins og verið hafði frá því á
sextándu öld. Vínræktin Chateau Le
Queyroux liggur við ósa fljótsins Gi-
ronde, skammt frá bænum Anglade
og gegnt hinu fræga vínhéraði Me-
doc. Hún á einnig spildur á Patiras-
eynni í miðju hinu skipgenga fljóti og
þangað eru hrossin flutt á pramma
þegar á þeim þarf að halda þar. Eftir
að faðir hans beið bana í slysi í vín-
gerðarhúsinu ákvað Leandre-
Chevalier að endurvekja hinar gömlu
hefðir, eða eins og hann sagði við
AFP-fréttastofuna, „endurreisa
sóma þekkingar forfeðra minna“.
Fara betur með jarðveginn
Helsti ávinningurinn af notkun
dráttarklára við vínyrkju er að „fót-
spor“ þeirra er mun léttara en drátt-
arvéla og því þétta þeir jarðveginn
miklu minna. „Þetta eru ekki mikil
vísindi, jarðvegurinn fær að anda bet-
ur minna þéttur,“ segir De Revel.
Hinn 53 ára gamli Leandre-
Chevalier einbeitir sér að ræktun á
þremur hekturum lands, sem er ein-
ungis fjórðungur upprunalegu land-
areignar fjölskyldunnar.
Hann ákvað jafnframt að planta
vínviðnum 10 sinnum þéttar en áður
og kemur þannig fyrir allt að 33.000
plöntum á hektara í stað um 3.500 áð-
ur. Þéttleikinn hjá mörgum frægum
víngerðum er yfirleitt um 11.000
plöntur á hektara. „Þetta var gert á
undanförnum öldum, með fáum
berjaklösum á hverri plöntu, aðeins
tveimur eða þremur, til að vernda
kraft þeirra og orku,“ segir Leandre-
Chevalier, sem framleiðir um 66.000
flöskur af rauðvíni, hvítvíni og rósa-
víni á ári. Vínin hans má m.a. finna á
matseðlum fínna veitingahúsa Par-
ísar og í Asíu, Bandaríkjunum,
Þýskalandi og Sviss. Er hann hófst
handa við að endurplanta vínviðnum
tók hann til þess óvenjulega ráðs – og
myndræna – að gróðursetja hann í
sammiðja hringi á hverjum skika.
Hrossin bila ekki
Hundruð annarra vínræktenda á
bæði Bordeaux-svæðinu, Búrgúndí
og í Lurudal (Loire) hafa nú tekið
dráttarklára í þjónustu sína. Ýmist til
að plægja hluta vínskikanna eða að
öllu leyti. Í vínræktarhéraðinu Chi-
non í Lurudal leigir breski ræktand-
inn Fiona Beeston meri sem heitir
eftir fornegypsku frjósemisgyðjunni
Ísis, til að plægja Clos des Capucins-
ekrurnar tvær sem samtals eru þrír
hektarar. Þær keypti hún árin 2010
og 2012.
Sú friðsæld sem því fylgdi að
brúka hross í stað traktora „var mikil
uppgötvun,“ segir Beeston við AFP-
fréttastofuna. Við að ganga á eftir
plógnum er langt í eyru klársins en
aðeins þurfi að hvísla „til vinstri, eitt
skref aftur á bak“ og merin heyrir
allt og framkvæmir skipunina sam-
stundis og það með framúrskarandi
þýðleik.
Hin sextuga ræktarkona segir að
dráttarvélar þétti ekki einungis jarð-
veginn heldur skaða þær einnig ræt-
ur vínviðarins með titringi sínum. Við
það styttist líftími plantanna. „Og
hrossin bila ekki,“ bætir hún við hlæj-
andi.
Mannfákur
Jafnvel fræg víngerðarhús brúka
núorðið dráttarklára, að minnsta
kosti á hluta óðalanna. Má þar til að
mynda nefna Chateau Latour í Pauil-
lac, handan fljótsins frá búgarði
Leandre-Chevalier að sjá. Hann hef-
ur einnig horfið aftur til fortíðar með
því að brúka hinar litlu Verdot-þrúg-
ur í sum rauðvín sín. Þær eiga upp-
runa sinn frá því fyrir vínlúsarplág-
una miklu sem lagði stór frönsk
vínræktarsvæði í rúst á 19. öld. Hann
hefur orð á sér fyrir að vilja ganga
nokkuð gegn straumum og stefnum í
vínyrkju, en sjálfur kveðst Leandre-
Chevalier fyrst og síðast upptekinn
við að framleiða vín með sérkennandi
eiginleika heldur en að uppfylla kröf-
ur upprunavottorða á borð við
„AOC“. Fjögur vína hans státa
reyndar af þeim eftirsótta stimpli en
þau bestu sendir hann á markað sem
fábrotin „Vins de France“ – borðvín –
undir hortugum heitum á borð við
100% ProVocateur (ögrarinn) og
L’Homme Cheval (mannfákurinn).
Leandre-Chevalier hefur öðlast
frægð sem frumkvöðull í notkun
hesta við vínyrkju nú til dags. Svo
einkennilega vill til, að nafnið hans
endurómar rætur orðanna maður og
hestur.
Aftur til fortíðar á vínekrunum
Ljósmynd/AFP
Dásemd Franski vínræktandinn Dominique Leandre-Chevalier er frumkvöðull að notkun dráttarklára við vínyrkju seinni tíma og notast hann m.a. við
ungan akur á eynni Patiras í Gironde-fljóti. Hér sést hann bragða á víni sem er að þroskast í tunnum í vínkjallara hans í Frakklandi.
Ljósmynd/AFP
Vínyrkja Þetta er fremur algeng sjón á frönskum vínekrum víða um Frakkland, en hér er verið að plægja akurinn.
Ljósmynd/AFP
Fullþroskað Fallegur og safaríkur merlot vínberjaklasi á vínvið.
Ljósmynd/AFP
Vínræktandi Dominique Leandre-Chevalier plægir ungan akur.