Fréttablaðið - 09.12.2016, Page 20

Í Gullöld bílsins eftir Örn Sigurðsson er
þetta minnisstæða tímabil rifjað upp
með yfir 400 myndum af flottustu bíl­
unum og auglýsingunum sem notaðar
voru til að kynna þá. Greint er frá því
helsta sem gerðist á þessum árum og
stiklað á stóru í sögu framleiðendanna.

Ómissandi bók fyrir alla bílaáhugamenn!
Á fimmta og sjötta áratug síðustu aldar
voru risarnir þrír, General Motors, Ford
og Chrysler, nær allsráðandi á bílamark­
aði heimsins. Á sama tíma átti sér stað
mesta bylting í tækni og hönnun sem
sést hefur og glæsilegustu bílar sögunnar
litu dagsins ljós.
Örn Sigurðsson landfræðingur og bíla­
sagnfræðingur er höfundur bókanna
Íslenska bílaöldin og Króm og hvítir hringir,
og ritstjóri fjölda erlendra bíla­ og tækni­
bóka sem komið hafa út hjá Forlaginu.
www.forlagið.is
Þann 10. desember halda Evr­ópusambandið og aðildarríki þess upp á Alþjóðlega mann­
réttindadaginn. Þar sem ójöfnuður
og mannréttindabrot fara sívaxandi
víða um heim, og átökum linnir ekki
í löndum á borð við Sýrland, er enn
brýnna en ella að efla aðgerðir
okkar til varnar sameiginlegum
réttindum allra. Þess vegna tökum
við höndum saman með Sameinuðu
þjóðunum í ákalli til fólks um að
verja rétt hvers og eins.
Hvert og eitt okkar ber persónu­
lega ábyrgð á því að standa vörð
um þessi réttindi. Við getum sótt
innblástur til þeirra mannréttinda­
frömuða sem hafa í fjölda landa
sýnt hugrekki frammi fyrir vaxandi
þrýstingi og ógnunum. Evrópu­
sambandið ásetur sér að verja þá,
og efla rými borgaralegs samfélags.
Embættismenn ESB, á öllum stigum,
gera þetta með fundum við mann­
réttindafrömuði, eftirliti með réttar­
höldum yfir þeim, heimsóknum til
þeirra sem haldið er föngnum og
með því að vekja máls á stöðu þeirra
við stjórnvöld. Gegnum neyðarsjóð
EIDHR hefur ESB einnig í ár veitt
fjárhagsaðstoð til yfir 250 mann­
réttindafrömuða og fjölskyldna
þeirra, sem eru í hættu vegna dag­
legra starfa sinna.
ESB stendur vörð um
mannréttindi
Aðgerðir einstaklinga skipta sköp­
um, en Evrópusambandið í heild
mun þó áfram gegna forystuhlut­
verki í að tala máli heimsskipulags
á grundvelli laga og réttar, með
virðingu fyrir mannréttindum að
leiðarljósi. Stavros Lambrinidis, sér­
legur fulltrúi mannréttinda innan
ESB, vinnur ötullega að því að hefja
merki mannréttindastefnu ESB á
loft á alþjóðavettvangi. Á sama tíma
starfa sendinefndir ESB linnulaust
að vörnum mannréttinda innan
gistilanda sinna. ESB er enn sem fyrr
einarður talsmaður mannréttinda
á fjölþjóðavettvangi. Við styðjum
mannréttindakerfi Sameinuðu
þjóðanna heilshugar, sem lykil­
þátt til að verja mannréttindi og til
að hafa eftirlit með því að þeim sé
framfylgt.
Á næsta ári mun Evrópusam­
bandið fylgja eftir nýrri Heims­
áætlun ESB í utanríkis­ og öryggis­
málum, sem kynnt var í júní 2016,
þar sem við hétum því að hlúa að
virðingu fyrir mannréttindum
bæði innan og utan sambandsins.
Það felur í sér að tryggja hæsta stig
mannréttindavarna fyrir förufólk og
flóttamenn í öllum aðgerðum ESB á
sviði fólksflutninga og þróunar. Að
sama skapi munum við endurnýja
skuldbindingar okkar í baráttunni
gegn pyntingum og illri meðferð,
og til að verja réttindi barna. Í dag,
og sérhvern dag á komandi ári, mun
ESB standa vörð um mannréttindi
á heimsvísu, og heitir hverjum
einstaklingi sem það gerir fullum
stuðningi.
Yfirlýsing vegna Alþjóðlega
mannréttindadagsins
Federica
Mogherini
æðsti talsmaður
ESB í utanríkis-
málum Við styðjum mannréttinda-
kerfi Sameinuðu þjóðanna
heilshugar, sem lykilþátt til
að verja mannréttindi og til
að hafa eftirlit með því að
þeim sé framfylgt.
Ljúkið aftur augum og ímyndið ykkur að þið séuð stödd í ann­arri veröld sem þið skiljið ekki,
hún er ykkur algjörlega framandi.
Menningin, trúarbrögðin, tungu­
málið og jafnvel veðurfarið er ein­
kennilegt og það sem skiptir höfuð­
máli í þessu samhengi er að þið eruð
ein og hjálparvana.
Það er flestum ógerlegt að sjá þetta
fyrir sér, en þetta er staðreynd í lífi
ótal margra sem hafa þurft að yfirgefa
heimaland sitt. Setjið ykkur í spor
þeirra óteljandi sálna sem áttu engra
annarra kosta völ en að flýja land sitt.
Það er hræðileg upplifun að neyðast
til þess flýja það sem áður var eðli­
legt líf, að skilja við það allt og fara til
annars lands. Það eina sem þið getið
tekið með ykkur eru þær minningar
sem þið geymið í hugum og hjörtum
ykkar.
Nú skrifa ég um alla innflytjendur,
en þessum skrifum er beint að flótta­
mönnum, því staðreyndin er sú að við
erum að takast á við neyðarástand í
Evrópu í þessum skrifuðu orðum!
Aðstæður þeirra í heimalöndum
sínum hafa verið litaðar skelfingu
og ótta og flestir hafa upplifað mikið
ofbeldi, þá sérstaklega KONUR!
Það er þekkt staðreynd að flestir
þeirra sem flýja þessi Miðaustur­
lönd eru múslimar og eins og hefur
verið gert einstaklega ljóst í fjöl­
miðlum, þá vita flestir að á okkar
tímum stafar mikil ógn á heims­
vísu af hryðjuverkasamtökum sem
kenna sig við íslam, þau eru sér­
staklega ógn við áðurnefnda flótta­
menn í þeirra heimalöndum. Enn í
dag helst sá misskilningur á lofti að
allir þeir sem eru íslamstrúar, mús­
limar, séu tengdir hryðjuverkastarf­
semi og veldur það enn auknu áreiti
í garð þessa flóttafólks í viðbót við
þá upplifun sem það annars gengur
í gegnum.
Kúgun og misrétti
Múslimskar konur hafa ævinlega
þurft að sæta einhverri kúgun og
misrétti. Þær hafa margar þurft að
sæta ýmsum tegundum ofbeldis, þá
sérstaklega hatursorðræðu, fordóm­
um og jafnvel líkamlegu ofbeldi. Það
er vitað að margar þessara kvenna
búa við vissar takmarkanir, sem eru
þó ef til vill ekki endilega takmark­
anir nema í augum annarra, jafnvel
vissra samtaka og stofnana. Oft eru
þetta stofnanir sem segjast tala máli
kvenréttinda, sem á sama tíma svipta
konur þeim grundvallarmannrétt­
indum sem varða klæðaburð, vali.
Þegar konur þurfa að laga sig að sam­
félaginu, þá sérstaklega í ókunnugu
umhverfi, er alltaf hættan á því að
þær séu sviptar réttinum á því að
vera þær sjálfar og hafa stjórn yfir
eigin ákvörðunum.
Í mörgum múslimalöndum, þ. á m.
Sádi­Arabíu og Íran, ganga konur
með svokallaða slæðu sem hylur hár
þeirra og gangi þær ekki með slæðu
í þessum löndum getur það varðað
við refsingu. Vestræn lönd hafa skýr
skilaboð um réttindi kvenna en þessi
sömu lönd svipta konur sínum rétti
með því að banna notkun slæðanna,
enda er notkun slæðanna einstaklega
persónuleg ákvörðun kvenna sem
þær eiga að hafa fullan rétt á.
Við í Samtökum kvenna af erlend­
um uppruna leitumst við að fræða
allar konur um réttindi sín með því að
bjóða upp á jafningjaráðgjöf konum
að kostnaðarlausu á þriðjudögum
milli 20­22 á skrifstofu okkar að Tún­
götu 14, 101 Reykjavík.
Sextán daga átak gegn kynbundnu
ofbeldi.
Þekkjum rétt kvenna
Enn í dag helst sá misskiln-
ingur á lofti að allir þeir sem
eru íslamstrúar, múslimar,
séu tengdir hryðjuverka-
starfsemi og veldur það enn
auknu áreiti í garð þessa
flóttafólks í viðbót við þá
upplifun sem það annars
gengur í gegnum.
Zahra Mesbah,
W.O.M.A.N,
samtök kvenna
af erlendum
uppruna
9 . d e s e m b e r 2 0 1 6 F Ö s T U d A G U r20 s k o ð U n ∙ F r É T T A b L A ð i ð
0
9
-1
2
-2
0
1
6

0
4
:3
0
F
B
0
7
2
s
_
P
0
5
3
K
.p
1
.p
d
f
F
B
0
7
2
s
_
P
0
2
0
K
.p
1
.p
d
f
A
u
to
m
a
ti
o
n
P
la
te
r
e
m
a
k
e
:
1
B
9
C
-8
E
8
C
1
B
9
C
-8
D
5
0
1
B
9
C
-8
C
1
4
1
B
9
C
-8
A
D
8
2
7
5
X
4
0
0
.0
0
1
2
B

F
B
0
7
2
s
_
8
_
1
2
_
2
0
1
6
C
M
Y
K