Dagblaðið Vísir - DV - 03.03.2015, Blaðsíða 25

Vikublað 3.–5. mars 2015 Neytendur 25
tölur Símans sýna er meðalnotkun
heimila fjarri því að vera mörg hund-
ruð gígabæt. Fyrir þessa breytingu
gat einstakur viðskiptavinur hjá Sím-
anum notað netið jafn mikið og þús-
undir heimila en greitt sama verð.
Það er ekki sanngjarnt.“
90% nota minna en 170 GB
Undir þetta tekur Sævar Freyr
Þráins son, forstjóri 365, spurður líkt
og Gunnhildur út í grein Játvarðar.
Hann segir verðlagningu 365 ein-
faldari og sveigjanlegri fyrir við-
skiptavini með þessu móti, auk þess
sem neytendum sé ekki mismun-
að eftir uppruna umferðar. Þá leggi
fyrir tækið áherslu á að bjóða hag-
stæð kjör á internetþjónustu sem
geri viðskiptavinum kleift að lækka
fjarskiptareikning sinn um allt að 3–5
þúsund á mánuði.
Eins og sjá má hér á opnunni býð-
ur 365 upp á svokallaða Ljóshraða-
tengingu þar sem 20 GB notkun á
mánuði er ókeypis. Þegar það magn
klárast er boðið upp á auka 150 GB
á 1.990 krónur, alls 170 GB og svo
koll af kolli. Sævar Freyr segir að 38
prósent viðskiptavina 365 noti ekki
meira en þessi 20 GB og greiði því
ekkert fyrir netnotkun sína. 52 pró-
sent viðskiptavina eru í þrepinu fyr-
ir ofan og því samtals 90 prósent
viðskiptavina sem nota 170 GB eða
minna á mánuði.
Aðeins séu 7 prósent viðskipta-
vina í þrepinu þar sem greitt er fyrir
320 GB notkun eða minna. 97 prósent
notenda eru því að nota minna en 320
GB á mánuði. Nánari upplýsingar um
áskriftarpakka 365 og Símans má sjá í
aukaefni þessarar greinar.
Greiðir fyrir loft
Sævar Freyr segir að stór hluti hagn-
aðar internetveitna verði til vegna
notkunar sem viðskiptavinir greiði
fyrir en noti aldrei.
„Áskriftarleiðir 365 eru hannaðar
með það í huga að viðskiptavinur fari
ávallt í hagstæðustu leið í hverjum
mánuði. Þannig þurfa viðskiptavinir
365 ekki að skuldbinda sig fyrirfram
fyrir ákveðnu gagnamagni, heldur
færast þeir milli flokka eftir notkun í
hverjum mánuði fyrir sig. Þetta gefur
viðskiptavinum okkar mikinn sveigj-
anleika þar sem notkun þeirra get-
ur verið breytileg eftir mánuðum og
tryggir þeim ávallt bestu kjör. Flest
fyrirtæki á internetmarkaði haga
verðlagningu sinni þannig að við-
skiptavinir verða að velja tiltekna
leið og eru fyrir vikið í óvissu í hverj-
um mánuði hvort þeir hafi valið þá
leið sem hentugust er út frá notkun
þeirra.“
Í því samhengi nefnir Sævar
að þegar viðskiptavinir velji sér að
kaupa ótakmarkað gagnamagn sé
mikilvægt að þeir þekki notkunar-
mynstur sitt því ef notkun þeirra er
lítil einn mánuðinn „… þá er verið að
greiða mikið fyrir lítið. Má segja að
verið sé að greiða fyrir loft.“
Eins og fram hefur komið ítreka
fjarskiptafyrirtækin að ástæður
fyrir þessum breyttu mælingum á
netnotkun felist einungis í auknu
gagnsæi, einföldun og sanngirni. En
Játvarður hjá Hringdu velti því fyr-
ir sér hvort í raun hafi aðrir líklegri
þættir verið drifkraftur breyting-
anna.
Sævar vísar þessu á bug og segir
hægt að benda á að fjöldi áskrifenda
í sjónvarpi 365 hafi vaxið umtalsvert
á liðnum mánuði miðað við sama
tíma fyrir rúmu ári.
„365 mun ekki taka ákvarðanir
sem takmarka möguleika innlendra
né erlendra efnisveitna til að ná ár-
angri. Ljóst er að hagsmunir 365,
sem innlend efnisveita, eru fólgnir í
að greiða aðgang fólks að afþreyingu
okkar og fer saman með hagsmun-
um annarra innlendra efnisveitna.“
Taktu út eigin nettnotkun
Ljóst er að netnotkun heimila er jafn
mismunandi og þau eru mörg og
erfitt að alhæfa um eitthvað eitt sem
hentar þeim öllum betur en annað.
Áskriftarleiðir og pakkar fjarskipta-
fyrirtækja eru oft og tíðum afar ólík-
ir hvað varðar hraða, gagnamagn og
innifalin fríðindi sem þeim jafnvel
fylgja. Það gerir marktækan saman-
burð flókinn og jafnvel ómögulegan.
Ljóst er að neytendur þurfa að vera
meðvitaðir um netnotkun á heimili
sínu, skoða tilboð fyrirtækjanna og
finna það sem hentar út frá mánað-
arlegri notkun.
Vera má að reglulegum stórnot-
endum henti að greiða fyrir ótak-
markað gagnamagn en eins og
tölur hinna áðurnefndu fjarskipta-
fyrirtækjanna sýna þá virðast þeir í
miklum minnihluta. Óvíst er hvort
þessum meirihluta henti ótakmark-
að magn, nema þá helst af prinsipp-
ástæðum. n
Hvað ef gagna-
magnið klárast?
Svona lítur dæmið út hjá fyrirtækjum sem rukka fyrir alla notkun
Þegar öll netnotkun, innlend jafnt sem erlend, er mæld þá er ljóst að
notendur þurfa meira gagnamagn en áður. Innifalið gagnamagn get-
ur því verið fljótt að klárast ef fólk er að sækja sér umfangsmikið efni,
sjónvarpsþætti eða heilar bíómyndir í gegnum netið. Skoðum strípuð
dæmi, þar sem undanskilin eru öll línu-, stofn- og aukagjöld sem þó
telja drjúgt.
Mánuðurinn af ljósneti Símans, með allt að 50 mb/s hraða og 150
GB gagnamagni kostar 6.313 krónur. Ef innifalið gagnamagn klárast,
bætast 100 GB við samkvæmt verðskrá sem gildir til næstu mánaða-
móta. Þetta viðbótarmagn kostar 1.990 krónur. Notandi sem fer með
allt að 250 GB á mánuði hjá Símanum getur því vænst þess að greiða
8.303 krónur að lágmarki.
Hjá 365 kostar mánuðurinn af Ljóshraða, með allt að 100 mb/s
hraða og 20 GB gagnamagni ekki neitt. Þegar og ef það magn klárast er
boðið upp á 150 GB til viðbótar á 1.990 krónur. Til að nota sambærilegt
magn og í dæminu hjá Símanum þarf viðskiptavinur 365 sem fer með
250 GB á mánuði að greiða fyrir tvo viðbótar gagnamagnspakka, sem
gerir notkun upp að 320 GB. Alls 3.980 krónur.
Til samanburðar þá býður Hringdu upp á ljósleiðaratengingu með
ótakmörkuðu gagnamagni og þremur hraðamöguleikum. 50 mb/s á
5.999 kr., 75 mb/s á 6.999 kr. og 100 mb/s á 7.990 kr.
„Síðasta athugun leiddi
í ljós að ríflega 75%
viðskiptavina Símans nota
undir 75 GB á mánuði.