Dagblaðið Vísir - DV - 03.03.2015, Blaðsíða 26
Vikublað 3.–5. mars 201526 Sport
LAGERSALA
80%
„Heilsteyptur og sterkur“
Kristján Guðmundsson segir að Alfreð þurfi að hlusta á sjálfan sig
„Ég tel að þjálfaraskiptin hafi haft
mest að segja um hans stöðu hjá
félaginu. Ég þekki Alfreð ekki öðru-
vísi en sem mjög heilsteyptan og
sterkan karakter og ég treysti hon-
um best til að vinna úr sinni stöðu.
Hann þarf að hlusta á sjálfan sig
en ekki ráðgjafana,“ segir Kristján
Guðmundsson, þjálfari Keflavík-
ur, um stöðu Alfreðs hjá Real
Sociedad.
Kristján segir að vissulega hafi
verið pressa á Alfreð eftir gott
gengi hjá Heerenveen í Hollandi
og spænska deildin sé mikið sterk-
ari en sú hollenska. Kristján segist
hafa trú á því að forsvarsmenn Real
Sociedad kaupi aðra týpu af fram-
herja en Alfreð næsta sumar. „Ef
hann spilar lítið og ef stjórinn seg-
ir að hann muni spila lítið á næsta
tímabili þá held ég að hann færi sig.
Hann er góður knattspyrnumaður
sem á að spila. Hann er örugglega
að horfa á landsliðssæti og þá veit
hann að hann þarf að spila meira
en hann hefur gert. Þetta fyrsta ár
hans á Spáni er örugglega mjög
lærdómsríkt fyrir hann og spurn-
ingin er hvort hann þurfi þetta ár til
að aðlagast boltanum.“
Alfreð er í
erfiðri stöðu
hjá Sociedad
n 483 mínútur á milli marka n Ekki byrjað leik síðan 7. janúar
Í hnotskurn
Alfreð hefur spilað 977 mínútur á
tímabilinu
Í heildina hefur hann skorað tvö mörk
488 mínútur líða á milli marka hjá
landsliðsmanninum
Hjá Heerenveen liðu að meðaltali 97
mínútur milli marka
Alfreð var síðast í byrjunarliði Sociedad
þann 7. janúar
E
ftir að hafa verið markahæsti
leikmaður hollensku úr-
valsdeildarinnar í fyrra hef-
ur gengið ekki verið jafn gott
hjá landsliðsmanninum Al-
freð Finnbogasyni á yfirstandandi
tímabili. Alfreð skoraði 31 mark í
35 leikjum með Heerenveen á síð-
ustu leiktíð og svo fór að spænska
úrvalsdeildarfélagið Real Sociedad
festi kaup á honum síðastliðið sum-
ar. Alfreð hefur enn ekki skorað í
spænsku úrvalsdeildinni og komu
einu tvö mörk hans á tímabilinu í
bikarleik þann 17. desember síð-
astliðinn gegn C-deildarliðinu Real
Oviedo.
483 mínútur milli marka
Þegar á heildina er litið hefur Al-
freð leikið 581 mínútu í spænsku
deildinni. Fjórum sinnum hefur
hann verið í byrjunarliðinu en fjórt-
án sinnum komið inn á sem vara-
maður. Í heildina hefur hann því
komið við sögu í átján deildar-
leikjum af tuttugu og fimm. Í bik-
arkeppninni spilaði Alfreð sam-
anlagt 248 mínútur, hann byrjaði
þrjá leiki og kom einu sinni inn á
sem varamaður. Þátttaka Sociedad
í Evrópudeildinni var stutt en liðið
tapaði í umspili fyrir riðlakeppnina
gegn Krasnodar frá Rússlandi. Allt
í allt spilaði Alfreð 148 mínútur í
Evrópudeildinni. Samanlagt hefur
Alfreð því spilað 977 mínútur með
Sociedad á tímabilinu sem jafngild-
ir tæplega ellefu heilum leikjum. Á
þessum 977 mínútum hefur Alfreð
skorað tvö mörk og líða því að með-
altali 488 mínútur milli marka hjá
honum. Í hollensku úrvalsdeildinni
á síðustu leiktíð liðu að meðaltali 97
mínútur milli marka hjá Alfreð.
Meiddur til að byrja með
Alfreð lenti í slæmum meiðslum
á undirbúningstímabilinu með
Sociedad þegar hann fór úr axlar-
lið, en þá var hann tiltölulega ný-
búinn að jafna sig á hnémeiðslum.
Axlarmeiðslin hjálpuðu Alfreð ekki
í baráttu um sæti í liði Sociedad
því hann spilaði ekki sinn fyrsta
mótsleik fyrir félagið fyrr en 24.
september. Tæpur mánuður leið
áður en Alfreð lék sinn fyrsta leik í
byrjunarliði í spænsku deildinni, en
það var í leik þann 20. október gegn
Getafe.
Stjórinn rekinn
Á þessum tímapunkti virtist Alfreð
vera farinn að vinna sér inn traust
þjálfarans, Jagoba Arrasate, því hann
var einnig í byrjunarliðinu í næsta
leik þar á eftir. Í byrjun nóvember
fékk Arrasate hins vegar sparkið frá
forsvarsmönnum Sociedad enda
liðið aðeins unnið einn af fyrstu
tíu leikjum sínum í deildinni. Við
starfi hans tók David Moyes, fyrr-
verandi stjóri Manchester United
og Everton, en tilkynnt var um ráðn-
ingu hans þann 11. nóvember. Til
að byrja með fékk Alfreð tækifæri í
byrjunarliði Sociedad undir stjórn
Moyes, eða fimm sinnum í fyrstu níu
leikjunum. Í síðustu níu leikjum hef-
ur Alfreð þó ávallt komið inn á sem
varamaður, yfirleitt undir lok leikja,
og var hann síðast í byrjunarliðinu
gegn Villareal í deildinni þann 7.
janúar. Hvort Alfreð sé kominn á
endastöð hjá félaginu skal ósagt
látið en fá tækifæri að undanförnu
hljóta að vera áhyggjuefni fyrir ís-
lenska landsliðið og Alfreð sjálfan. n
Einar Þór Sigurðsson
einar@dv.is „Hann þarf að
hlusta á sjálfan sig
en ekki ráðgjafana.
Fá tækifæri Eftir að hafa spilað
nokkuð mikið eftir að Moyes tók við
Sociedad hefur tækifærunum farið
fækkandi hjá Alfreð.
Spilar lítið
Alfreð var síðast í
byrjunarliði Real
Sociedad þann 9.
janúar síðastliðinn.