Dagblaðið Vísir - DV - 10.04.2015, Page 4

Helgarblað 10.–13. apríl 20154 Fréttir
Í
búar við Rekagranda í vesturbæ
Reykjavíkur eru margir verulega
ósáttir við vinnubrögð borgar­
yfirvalda við nýlegar breytingar á
merkingum um bifreiðastöður í
götunni. Íbúum við götuna var ekki
tilkynnt með formlegum hætti um
breytingarnar heldur fréttu margir
þeirra af þeim þegar sektarmiðar
birtust skyndilega á bifreiðum sem
eigendur höfðu margir lagt á sömu
slóðum í hartnær tuttugu ár. Eitt hús­
félag í götunni ákvað á aðalfundi
sínum þann 10. mars síðastliðinn
að senda Umhverfis­ og skipulags­
ráði Reykjavíkurborgar yfirlýsingu
þar sem vinnubrögðin eru harðlega
gagnrýnd. Samgöngustjóri Reykja­
víkur segir ekki tíðkast að láta íbúa
vita um uppsetningu umferðarskilta.
Tvær sektir á sjö tímum
Forsaga málsins er að á fundi Um­
hverfis­ og skipulagsráðs þann 13.
mars 2014 var lagt til að bifreiða­
stöður við austanverða götuna yrðu
bannaðar. Var erindið samþykkt með
fyrirvara um samþykki lögreglustjór­
ans á höfuðborgarsvæðinu.
„Slétt ár er nú liðið frá þessari
samþykkt ráðsins. Það hefði því átt að
vera nægur tími til að tilkynna íbúum
götunnar þessa breytingu með form­
legum hætti, t.d. með því að senda
a.m.k. stjórnum húsfélaganna í göt­
unni bréf og veita íbúum einhvern
aðlögunarfrest áður en breytingarn­
ar gengu í gildi. Í hugum margra
íbúa var breytingin í raun fyrst til­
kynnt með sektarmiðum sem birtu­
st skyndilega á bifreiðum,“ segir í yfir­
lýsingu húsfélagsins Rekagranda 5.
Segir að í einu tilviki hafi fram­
ganga lögreglu verið það vaskleg að
sami bifreiðareigandi fékk tvær sektir
með tæplega sjö klukkustunda milli­
bili. Íbúinn sem varð fyrir því segir
að hann hafi fengið aðra sektina eft­
ir vinnu klukkan 17.16 og þá næstu
laust eftir miðnætti sama dag. Allt í
einu hafi bara verið komið upp skilti
við innkeyrsluna í götuna þar sem
skyndilega var bannað að leggja.
Dapurlegur vitnisburður
Íbúarnir segjast meðvitaðir um að í
botni götunnar sé aðgengi að bæði
leik­ og grunnskóla og að einhver
dæmi séu um að lagt hafi verið beggja
vegna götunnar þannig að erfitt eða
ógerlegt hafi verið fyrir stærri bif­
reiðar að komast þar um. Það sé því
ekki breytingin sem slík sem gerð sé
athugasemd við, heldur fremur fram­
kvæmdin og upplýsingaleysið. „Að fá
tilkynningu í raun með sektarmið­
um er dapurlegur vitnisburður um
nútíma stjórnsýslu og vinnubrögð
sem ekki geta talist í anda gagnsæ­
is, íbúalýðræðis eða skilvirkrar upp­
lýsingamiðlunar,“ segir enn fremur í
athugasemd húsfélagsins.
Skapar ný vandamál
Þá er ráðinu bent á að þótt breytingin
kunni að hafa leyst eitt vandamál í
botnlanganum þá hafi hún á sama
tíma skapað annað, sem bitni á
fleiri en íbúum Rekagranda 5. Eft­
ir breytinguna sé nefnilega áfram
heimilt að leggja bifreiðum vestan
megin götunnar
„Ásókn í þau stæði hefur því aukist
að mun. Það hefur haft það í för með
sér að skilgreind bifreiðastæði austan
megin götunnar nýtast illa eða ekki,
þar sem erfitt eða ógerlegt hefur verið
að komast út úr þeim þegar bifreið­
um er lagt handan götunnar. Þetta er
eitthvað sem taka þarf afstöðu til og
leysa.“
Ekki vaninn að kynna
Hjálmar Sveinsson, formaður um­
hverfis­ og skipulagsráðs Reykja­
víkurborgar, segir að erindi húsfé­
lagsins hafi ekki verið lagt fyrir ráðið
en býst við að það verði tekið fyrir
þegar þar að kemur.
DV spurðist fyrir um það hjá
Reykjavíkurborg hvort ekki hefði
mátt standa betur að breytingunum
með því að tilkynna íbúum um að
þær væru yfirvofandi. Ólafur Bjarna­
son, samgöngustjóri borgarinnar,
segir að ekki sé vani að kynna sér­
staklega fyrir íbúum þegar ný um­
ferðarmerki eru sett upp. Það hafi því
ekki verið gert. Hins vegar hafi stað­
festing lögreglustjóra og leyfi fyrir
umferðarmerkjunum komið þann 9.
maí 2014. Tvö stöðubannsmerki hafi
verið sett upp við götuna 3. júní.
„Frá þeim tíma var öllum ljóst að
ekki var heimilt að leggja við gang­
stéttarbrún á Rekagranda.“
DV fékk einnig þær upplýsingar
frá Bílastæðasjóði að 15 sektir hafi
verið skrifaðar í janúar við Reka­
granda og ein í apríl á þessu ári. Skýr­
ingin á því hvers vegna ekki hafi ver­
ið sektað fyrr en eftir áramót kunni að
vera sú að sjóðurinn hafi hugsanlega
ekki fylgt málinu eftir fyrr en þá. n
Sektum rigndi
á Rekagranda
n Íbúar ósáttir n Ekki látnir vita að skyndilega mætti ekki leggja við heimilin
Sigurður Mikael Jónsson
mikael@dv.is
Lögreglan gripin glóðvolg Íbúi náði
þessari mynd af lögreglubíl sem lagt hafði
verið á hið nýja bannsvæði. Lögreglan hefur
að mati íbúa gengið fullvasklega fram í að
sekta íbúa undanfarið. MynD AðSEnD
Skyndilega bannað að leggja
Íbúar við Rekagranda í Reykjavík
eru ósáttir með að borgin hafi ekki
tilkynnt þeim að þess væri að vænta
að banna bifreiðastöður við þetta
fjölbýlishús. Margir höfðu lagt þar um
árabil en fyrirvaralaust fór sektum að
rigna inn. MynD SigTryggur Ari
Segjast
saklausir
Aðalmeðferð hófst á fimmtudag
í máli ríkissaksóknara gegn Rík­
harð Júlíusi Ríkharðssyni, Davíð
Fjeldsted og Magnúsi Sigurjóni
Einarssyni en þeir eru ákærðir
fyrir sérstaklega hættulega lík­
amsárás, hótanir og frelsissvipt­
ingu. Sakborningarnir þrír segjast
vera saklausir.
Málið var tekið fyrir í Héraðs­
dómi Reykjavíkur í morgun og
stendur aðalmeðferð þess enn
yfir.
Atburðurinn á að hafa átt sér
stað í desember árið 2010.
Mönnunum þremur er gef­
ið að sök að hafa ráðist á Unnar
Smárason á veitingastaðnum
Monte Carlo á Laugavegi. Þar
eiga þeir að hafa lamið hann í
höfuð og búk með hnefum og
sparkað í hann í bakherbergi
staðarins. Sú atburðarás á að
hafa staðið yfir í á annan klukku­
tíma áður en Unnar var fluttur í
íbúð í Hlíðahverfi þar sem á hann
einnig að hafa verið beittur miklu
ofbeldi. Meðal annars er þrem­
enningunum gefið að sök að hafa
þar barið Unnar með hafnabolta­
kylfu, hnúajárni, borið að honum
eld, hellt þvottaefni í munn hans
og hótað honum með vopnum.
Unnari var síðar sleppt úr
haldi eftir að ein milljón króna
var lögð inn á reiking Magnúsar
en það gerði faðir Unnars.
Ríkharð Júlíus bar við minnis­
leysi þegar hann var spurður út
í sakargiftir og sagðist hafa ver­
ið í mikilli neyslu á þessum tíma
þegar brotin áttu að hafa verið
framin.
Hann sagðist ekki kannast við
það að hafa veist að Unnari og
kannast ekki við að hafa tekið við
peningum sem voru greiddir fyrir
frelsi hans.
Hinir tveir, þeir Magnús og
Davíð, höfðu svipaða sögu að
segja og sögðust hvorugir vera
sekir í málinu.
Sagði Magnús, sem átti reikn­
inginn sem lausnarféð var lagt
inn á, meðal annars að hann
teldi að einhver annar hefði ver­
ið að nota reikninginn hans sem
lausnarféð var lagt inn á.
Handboltahetjur söfnuðu hálfri milljón
Yfir 1.000 pítsur seldust í flatbökukeppni Guðjóns Vals og Arons
Ó
laLandsliðsmennirnir í hand­
bolta, Guðjón Valur Sigurðsson
og Aron Pálmarsson, söfn­
uðu 529 þúsund krónum í
flatbökukeppni sem þeir háðu til
styrktar Mottumarsátaki Krabba­
meinsfélagsins.
Í byrjun mars skoraði Guðjón Val­
ur á Aron að taka þátt í keppninni.
Þeir útfærðu hvor sína flatböku og
voru þær til sölu á pitsustað Guðjóns,
Íslensku flatbökunni, í mars.
Bakan hans Guðjóns seldist bet­
ur en alls runnu 500 krónur af hverri
seldri böku í mánuðinum til styrktar
Mottumars. Samtals seldust yfir 1.000
pítsur í átakinu.
„Söfnunin fór fram úr okkar björt­
ustu vonum og við gætum ekki verið
ánægðari að afhenda Krabbameins­
félaginu þessa glæsilegu upphæð.
Ég hafði fulla trú á að Guðjón myndi
vinna þetta þó að það hafi á tímabili
litið út fyrir að Aron myndi sigla það
langt fram úr að ekki yrði aftur snúið.
En eins og sannur hornamaður, þá
lagði Guðjón í eitt gott hraðaupp­
hlaup í lokin, tók fram úr og sigraði,“
segir Valgeir Gunnlaugsson, fram­
kvæmdastjóri Íslensku flatbökunnar.
Það voru meðeigendur Íslensku
flatbökunnar, Valgeir og Guðmundur
Gunnlaugssynir, sem afhentu styrk­
inn og Þröstur Árni Gunnarsson, fjár­
málastjóri Krabbameinsfélagsins, tók
við honum.
Þeir sem styrktu Mottumars átakið
með því að kaupa pítsur frá Guðjóni
og Aroni fóru í pott og áttu möguleika
á að vinna áritaðar treyjur frá þeim
félögum. Það voru Bjarki Hvannberg,
sigurvegari Mottumars 2015, og
Þröstur frá Krabbameinsfélaginu sem
drógu úr pottinum tvo heppna við­
skiptavini.
Treyjurnar verða afhentar sigur­
vegurunum í lok apríl þegar lands­
liðið kemur til landsins. Því má ekki
gleyma að keppninni fylgdi ákvæði
þess efnis að sá sem tapaði þyrfti að
taka út refsingu. Það var Aron Pálm­
arsson sem tapaði naumlega og bíð­
ur hans því refsing frá Guðjóni þegar
þeir mæta til landsins. n
Úra og skart-
gripaverslun
Heide Glæsibæ
Við erum líka á Facebook
Tilvalin
ferming-
argjöf