Dagblaðið Vísir - DV - 16.06.2015, Page 32

32 Menning Vikublað 16.–18. júní 2015
Bergrún Íris með yngri
son sinn, Hrannar Þór.
Hún og eldri sonur hennar,
sem er fimm ára, eru strax
byrjuð að lesa fyrir þann
litla sem er fimm mánaða.
Mynd Sigtryggur Ari
Sólin tímir ekki að setjast
Bergrún Íris Sævarsdóttir hefur skrifað barnabók um íslenska sumarið
S
jáðu mig, sumar! er ný
barnabók eftir Bergrúnu
Írisi Sævarsdóttur en hún
hefur áður sent frá sér bók-
ina Vinur minn, vindurinn.
Myndskreytingar í bókunum eru eft-
ir hana.
„Í nýju bókinni, Sjáðu mig, sum-
ar!, er íslenska veðrið til umræðu
eins og í Vinur minn, vindurinn og
sögupersónurnar eru þær sömu:
krakkar, amma og afi og köttur sem
reyndar er aldrei minnst á en er
þarna samt,“ segir Bergrún Íris. „Eft-
ir að fyrri bókin kom út var haldin
samkeppni þar sem þátttakendur
lögðu fram tillögur um nafn á kettin-
um sem heitir nú Kári og er læða
eða fress, hvort sem hentar hverjum
og einum. Einhver kallaði köttinn
birtingarmynd barnsins í bókinni og
það má vel vera að svo sé.“
Samtal um veðrið
Um texta bókanna segir Bergrún:
„Textinn er stuttur og einfaldur og
býður upp á alls konar vangaveltur
og samtal milli foreldra og barna
um veðrið. Vinur minn, vindurinn
varð til þegar eldri sonur minn var
vonsvikinn vegna þess að veðrið var
ekki gott og hann gat ekki farið út að
leika. Þá fór ég að segja honum frá
vindinum. Það er gaman að tala um
vindinn því hann er ósýnilegur en
maður sér samt allt sem hann gerir,
eins og til dæmis þegar hann lætur
laufblöðin dansa. Þarna varð til saga
sem ég skrifaði niður.
Í nýju bókinni, Sjáðu mig, sum-
ar!, skín sólin en það rignir líka á ein-
hverjum blaðsíðum. Íslenska sum-
arið er sérstakt af því að sólin nær
ekki alltaf gegnum skýin en það er
mjög bjart allan sólarhringinn. Ís-
lenska sumarið er svo skemmtilegt
að sólin tímir ekki að setjast. Um
þetta fjallar bókin meðal annars. Ég
prófaði textann nokkrum sinnum á
eldri stráknum mínum, sem er fimm
ára, til að sjá hvað væri að virka. Svo
settist ég niður og gerði myndirnar.“
Vindur minn, vindurinn er til-
nefnd til Unglinga- og barnabóka-
verðlauna Norðurlandaráðs auk
þess sem hún var tilnefnd til Fjöru-
verðlaunanna. „Þetta er mikill heið-
ur og frábær viðurkenning,“ segir
Bergrún. „Ég fór með Vinur minn,
vindurinn til bókaforlags sem hafði
ekki áhuga á að gefa hana út en ef
maður hefur trú á einhverju þá gefst
maður ekki upp og bókin kom út hjá
Töfralandi sem gefur líka út Sjáðu
mig, sumar!“
Frábær tími til að lesa bækur
Rannsóknir sýna fram á mikil-
vægi bóklesturs fyrir börn og Berg-
rún hefur vitanlega sterkar skoðan-
ir á þeim málum. „Sem barn var ég
alltaf með nefið niðri í bókum. Það
er mjög snemma hægt að leggja
grunninn að lestraráhuga,“ seg-
ir hún. „Ég á tvo syni, fimm ára og
fimm mánaða. Ég og sá eldri erum
byrjuð að lesa fyrir þann litla. Stóri
bróðir stafar sig í gegnum orðin og
les fyrir litla bróður. Sá eldri fékk
snemma áhuga á bókum og ég man
hvað ég varð glöð þegar ég spurði
hann einn daginn hvort hann vildi
koma í dótabúðina og hann sagði:
„Má ég ekki frekar kaupa mér bók?“
Við vorum oft á bókasafninu en
honum fannst ekki gaman að þurfa
að skila bókunum, hann vildi eiga
þær.
Nú er sumar og þá er frábær tími
til að lesa bækur, til dæmis á ferða-
lögum og þegar börn eru þreytt eft-
ir mikla útiveru og langan dag. Minn
fimm ára vill alltaf fá sögu fyrir svefn-
inn og bækurnar eiga alls ekki að
fara í sumarfrí. Sjálf ætla ég að taka
bækur með í tjaldútileguna í sumar,
slökkva á netinu í símanum og skilja
spjaldtölvuna eftir heima.“ n
Kolbrún Bergþórsdóttir
kolbrun@dv.is
„Nú er sumar og
þá er frábær
tími til að lesa bækur,
til dæmis á ferðalög-
um og þegar börn eru
þreytt eftir mikla úti-
veru og langan dag
Ein af myndum Bergrúnar
í Sjáðu mig, sumar! „Textinn
er stuttur og einfaldur og býður
upp á alls konar vangaveltur og
samtal milli foreldra og barna.“
Frábær glæpasaga
A
ðdáendur Jo Nesbø hafa lært
að gera kröfur til síns manns
og verða yfirleitt ekki fyrir
vonbrigðum því fáir núlifandi
glæpasagnahöfundar kunna jafn vel
til verka og þessi norski metsöluhöf-
undur. Bækur hans eru yfirleitt mörg
hundruð síður og því kann einhverj-
um lesendum að bregða þegar þeir fá
í hendur glæpasögu eftir hann, Blóð í
snjónum, sem er tæpar 200 síður. En
enginn skyldi setja upp svip og segja
í vandlætingartón: Er þetta nú allt og
sumt! Og ekki skyldu lesendur held-
ur setja fyrir sig að Harry Hole er ekki
á sögusviðinu. Nesbø hefur áður sýnt
að hann getur spjarað sig án Hole.
Glæpasaga hans, Hausaveiðararnir,
þar sem Hole var víðs fjarri, var afar
vel heppnuð og bráðskemmtileg. Og
nú sannar Nesbø enn sem fyrr snilli
sína. Blóð í snjónum er stutt, snörp og
innihaldsrík með hrikalegu uppgjöri
og áhrifamiklum og merkilega ljóð-
rænum lokakafla.
Aðalpersónan, Ólafur, er leigu-
morðingi sem fær það verkefni að
koma ungri eiginkonu yfirmanns síns
fyrir kattarnef. Verkefnið ætti ekki að
vefjast fyrir Ólafi, en þegar hann verð-
ur ástfanginn af konunni vandast
málin. Bókin minnir um margt á hin-
ar frægu film noir þar sem andrúms-
loftið er myrkt og drungalegt og tál-
kvendið hefur örlög aðalpersónunnar
í hendi sér.
Bókin er spennandi frá upphafi til
enda og þar eru óvæntar vendingar
eins og Nesbø er þekktur fyrir. Aðal-
persónan er afar minnisstæð og hið
sama á við um hina fötluðu Maríu,
sem er aukapersóna í bókinni en um
leið lykilmanneskja. Umkomuleysi
persóna er áberandi, oft er minnst á
Vesalinga Victor Hugos og sú tenging
er sterk og
grípandi.
Nesbø
er meistari
á sínu sviði,
hann kann
að skapa
hrollvekj-
andi að-
stæður
og mikla
spennu,
en í bók-
um hans
hefur
róman-
tíkin þó
ætíð átt vissan sess.
Þannig er einnig í þessari bók. Blóð í
snjónum er frábærlega vel heppnuð
glæpasaga sem grípur lesandann frá
fyrstu blaðsíðu. n
Blóð í snjónum
Höfundur: Jo Nesbø
Útgefandi: JPV
Þýðing: Bjarni Gunnarsson
192 bls.
Kolbrún Bergþórsdóttir
kolbrun@dv.is
Bækur „Blóð í snjónum
er stutt, snörp og
innihaldsrík.